சுயம் சார்ந்த பெண்ணியம்...

இத்தனைநாட்கள் எங்கிருந்தேன் ?
பார்க்கின்ற கண்களுக்குள் ...
இத்தனைநாட்கள் பரிச்சயம்
காணவில்லை!
எனக்கென பெண்மையின்
தோற்றங்கள் அரும்பெடுத்ததும்...
வாலிப பார்வைகள்
தோரணம் கட்டி விழாவெடுப்பதேன்?
ஒரு சுயம் இழக்கும்
பெண்ணியம் சமுதாயத்தில்
நசுக்கப்படுவதர்க்கு முன்பாக....
வாழ்க்கை இதுதான் என்பதறிவேன்...
எப்படியும் வாழ்ந்தாகவேண்டுமென
பெற்றவர்கள் சொன்னாலும்
விட்டெறிவேன் உறவுகளை!
ஆம் இது பாரம்பரிய உணர்வுகளல்ல....
இதயம் விரும்பும் ஒரு
சிறகு முளைத்த சிந்தனை!

.........கா.ந.கல்யாணசுந்தரம்.