அவளுக்குத்தான் தெரியும்....

குழந்தை வீரிட்டு அழுத சப்தம்
அக்கம் பக்கத்தில் இருப்பவர்களை
ஓடி வந்து கேட்க வைத்தது....
'அடியே பொன்னம்மா....ஏண்டி
கொழந்தய இப்படி அடிக்குற? '
கையில் கிடைத்ததைக் கொண்டு
குழந்தையை அடித்தவள் இப்போது
வாரியணைத்தபடி சொன்னாள்....
'பின்ன என்னாக்கா....பத்து பாத்திரம்
தேச்சு வாங்கின சம்பளத்துல
புது சட்டை வாங்கி போட்டா...அத
தொலைச்சிட்டு வந்து நிக்கரா...
அடிச்சாலும் பதிலு இல்ல...'
பொனம்மாவின் குமுரலுக்கு
பேசத்தெரியாத குழந்தை
மனதோடு தேற்றிக் கொண்டது...
'என்னோட புதிய துணி பக்கத்து வீட்டு
கொழந்தையோட மரப்பாச்சிக்கு
கட்டிவிட்டேன்...எவ்வளவு அழகா
இருக்கு தெரியுமா?' .

......கா.ந.கல்யாணசுந்தரம்.

by **Manik** Sat Jun 04, 2011 2:38 pm

அந்த அழகை இந்த கவிதையின் மூலம் உணர முடியுது அண்ணா ரொம்ப நல்லாயிருக்கு கவிதை ஒவ்வொரு வரிகளும் அருமை அண்ணா அவளுக்குத்தான் தெரியும்.... 677196

நன்றி மணிகண்டன் அவர்களே.

by **Manik** Sat Jun 04, 2011 3:07 pm

நான் எவ்ளோ பாசமா அண்ணானு சொல்றேன் நீங்க தம்பின்னு சொல்ல மாட்டீங்களா அதை விட்டுட்டு அவர்களே இவர்களேன்னு இழுக்குறீங்க அவளுக்குத்தான் தெரியும்.... 440806