பிறந்த நாள் விழாக்களை ரத்து செய்தார் கருணாநிதி-கனிமொழியை சந்திக்க டெல்லி செல்கிறார்

இன்று தனது பிறந்த நாள் கொண்டாட்டத்தை ரத்து செய்து விட்ட திமுக தலைவர் கருணாநிதி, திகார் சிறையில் உள்ள தனது மகள் கனிமொழியை சந்திக்க டெல்லி செல்கிறார்.

2ஜி ஸ்பெக்ட்ரம் ஊழலில் சிக்கியுள்ள கனிமொழி டெல்லி உயர்நீதிமன்றத்தில் ஜாமீன் கோரி மனு செய்துள்ளார். அந்த மனு மீதான தீர்ப்பு இன்று வெளியாகலாம் என்று கூறப்பட்டது.

இந் நிலையி்ல் இன்று தனது பிறந்த நாள் கொண்டாட்டங்களை கருணாநிதி ரத்து செய்து விட்டார். மேலும் நாளை திருவாரூர் போய் தனக்கு வாக்களித்த வாக்காளர்களுக்கு நன்றி தெரிவிக்கவும் அவர் திட்டமிட்டிருந்தார். தற்போது இவற்றை அவர் ரத்து செய்து விட்டார். அதற்குப் பதில் மகளைப் பார்ப்பதற்காக டெல்லி செல்கிறார்.

திஹார் சிறைக்குச் சென்று கனிமொழியை சந்தித்து அவர் பேசுகிறார்.

நேரில் வர வேண்டாம்..

தனது பிறந்தநாளையொட்டி யாரும் தன்னை நேரில் வந்து வாழ்த்த வேண்டாம் என்றும் கருணாநிதி அறிக்கை வெளியிட்டுள்ளார். இதுதொடர்பாக அவர் வெளியிட்ட அறிக்கையில்,

எனது 88வது பிறந்த நாளினையொட்டி ஏற்கனவே அறிவிக்கப்பட்டுள்ள அண்ணா, பெரியார் ஆகியோர் நினைவிடத்தில் மலர் வளையம் வைக்கும் நிகழ்ச்சிகளைத் தவிர வேறு எந்த நிகழ்ச்சிகளிலும் கலந்து கொள்ளும் மனநிலையில் நான் இல்லை.

நேரில் எனக்கு வாழ்த்து வழங்க வேண்டும் என்பதற்காக என்னை சந்திக்க வேண்டுமென்று கட்சி உடன்பிறப்புகள் வற்புறுத்த வேண்டாம் என்றும் - வீட்டிற்கோ கட்சி அலுவலகத்திற்கோ நேரில் வந்து சந்திக்கும் வாய்ப்பு இல்லாமைக்காக என்னைக் கட்சி உடன்பிறப்புகளும், தமிழ் மக்களும் மன்னிக்க வேண்டும் என்றும் கேட்டுக்கொள்கிறேன் என்று அவர் தெரிவித்துள்ளார்.

- தட்ஸ் தமிழ்

88 வது பிறந்த நாள் ஆ....
100யை தொட வாழ்த்துக்கள் தாத்தா...