குட்டி ..குட்டி.. முத்தங்கள்..

by **rameshnaga** Thu Jun 02, 2011 9:56 pm

பறவையாய் பிறந்திருக்கலாம்-
அகதியாய் இருந்திருக்க மாட்டேன்!
*****************
கூண்டுக் கிளிகள்
பூர்த்தி செய்வதில்லை-
சிறகின் சுதந்திரத்தை.
*****************
விலங்குகள் மனிதனை--
ஒரு வாலற்ற விலங்கென-
அடையாளம் காணக் கூடும்.
பறவைகளோ--
நடக்கும் பறவை என.
சிறு பூச்சிகளுக்கோ..
பெரும் அரக்கன் என..
மனிதனுக்கான அடையாளம்
இது என--
எந்த அறிவிப்புப் பலகையிலும் இல்லை.
********************
நீயும் எங்கோ..
நானும் எங்கோ..
ஆனாலும்-
அருகிலிருக்கிறோம் நாம்.
*****************
குழந்தை வீசிய முத்தம்-
அதைத் திருடிய காற்று
சேர்க்கிறது அதை ஒரு பூவின் மேல்.
பூவின் மேல் அமர்ந்தபடி-
என்னை ஓரக்கண்ணால் பார்த்தபடி-
குழந்தையின் முத்தத்தைத் திருடுகிறது..
ஒரு வண்ணத்துப் பூச்சி.
*******************8

by மஞ்சுபாஷிணி Fri Jun 03, 2011 1:38 am

அழகிய வரிகள் ரமேஷ். அன்பு வாழ்த்துக்கள்.

by தாமு Fri Jun 03, 2011 5:38 am

by முரளிராஜா Fri Jun 03, 2011 8:04 am

அனைத்தும் அருமை நண்பா மகிழ்ச்சி

by **rameshnaga** Fri Jun 03, 2011 10:06 am

அன்புடன் நன்றி !
எனது எல்லாக் கவிதைகளையும் படித்து, உடனுக்குடன் நான்
உற்சாகம் கொள்ளும் வகையில், மிகப் பெரிய பாராட்டுரை
வழங்கும் திருமதி. மஞ்சுபாஷினி., திரு.தாமு.,திரு.முரளி கார்த்திக்.,
திரு.அசுரன், திரு. மகா பிரபு., மற்றும் நம் ஈகரையின் எல்லாத்
தோழர்களுக்கும்...

என் மனமார்ந்த நன்றி!
அன்புடன் ரமேஷ்.