தூத்துக்குடி கொழும்பு பயணிகள் கப்பல் சேவை இரண்டாம் வாரம் ஆரம்பம்

தூத்துக்குடி கொழும்பு பயணிகள் கப்பல் போக்குவரத்து, இம்மாதம் இரண்டாவது வாரத்தில் ஆரம்பிக்கப்படவுள்ளது. இதன் மூலம், இந்தியா இலங்கையிடையே கலை, பண்பாடு, சுற்றுலா மேம்பாடு அடைய வாய்ப்பு ஏற்பட்டுள்ளது.

தென்தமிழக மக்களின் நீண்ட கால கோரிக்கையை ஏற்று, இக்கப்பல் போக்குவரத்தை ஆரம்பிக்க இந்திய இலங்கை அரசுகள் அனுமதியளித்தன. இதற்காக, தூத்துக்குடி வ.உ.சி. துறைமுகத்தில், நவீன வசதிகளுடன் கூடிய கப்பல் பயணிகள் முனையம் அமைக்கப்பட்டது.

மேலும், பயணிகள் மற்றும் அவர்களது உடைமைகளை பரிசோதிப்பதற்காக, சுங்கா இலாகா, குடியுரிமைத் துறை சார்பில் தனித்தனி பிரிவுகள் ஏற்படுத்தப்பட்டுள்ளன.

மேலும் மத்திய தொழில் பாதுகாப்பு படையினர் 24 மணிநேரமும் இங்கு பாதுகாப்புப் பணியில் ஈடுபடுத்தப்படுவதோடு பயணிகளுக்கு மருத்துவம், உணவு உள்ளிட்ட அனைத்து வசதிகளும் செய்து தரப்பட்டுள்ளன.

கப்பல் இயக்கம் ஒத்திவைப்பு:

இக்கப்பல் போக்குவரத்தை கூட்டாக இயக்க, இரு தனியார் நிறுவனங்ளை மத்திய கப்பல் கழகம் தேர்வு செய்தது. இப்போக்குவரத்து மார்ச் முதல் வாரத்தில் ஆரம்பிக்க இருந்த நிலையில், தமிழக சட்டசபை தேர்தல் நடத்தை விதிகள் அமுலுக்கு வந்த தா லும், இதற்கான கப்பல் "லிபிய' கலவரத்தில் சிக்கிய இந்தியர்களை மீட்கச் சென்ற தா லும், சேவை ஒத்திவைக்கப்பட்டது.

வெற்றிகரமாக நடந்த வெள்ளோட்டம்:

தேர்தல் முடிந்து இக்கப்பல் வந்த நிலையில், இதற்கான வெள்ளோட்டம் மே 28 இல் நடந்தது. அன்று காலை தூத்துக்குடி வ.உ.சி. துறைமுகத்திலிருந்து புறப்பட்ட இக் கப்பல் பணியாளர்களுடன் எட்டரை மணிநேரத்தில் கொழும்பு துறைமுகத்தை சென் ற டைந்தது. அனுமதி கிடைத்தவுடன், அக்கப்பல் மீண்டும் அங்கிருந்து தூத்துக்குடி வர வுள்ளது.

வெள்ளோட்டம் வெற்றிகரமாக நடந்ததால், இக்கப்பல் போக்குவரத்தை ஜூன் இர ண்டாவது வாரத்தில் ஆரம்பிக்க மத்திய கப்பல்துறை அமைச்சகம் திட்டமிட்டுள் ள தாக, துறைமுக அதிகாரிகள் தெரிவித்தனர். ஜூன் 11 இல் ஆரம்ப விழா நடத்தப் படலாம் எனக் கூறிய அவர்கள், அதற்கான அழைப்பிதழ்களும் தயாராகி வருவதாக கூறினர். எனினும் இதுகுறித்து, இவ்வார இறுதியில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. முதற்கட்டமாக வாரம் மூன்று முறையும், பின்னர் வாரத்தில் எல்லா நாட்களும் இக்கப்பல் இயக்கப்படும். இதன் மூலம் இந்தியா இலங்கை நாடுகளின் கலாசாரம், பண்பாடு, சுற்றுலா வளர்ச்சியடையும்.

ஆறு அடுக்குகளைக் கொண்ட கப்பல்:

மொத்தம் ஆறு அடுக்குகளைக் கொண்ட முழுமையாக குளிரூட்டல் வசதி செய் யப்ப ட் டுள்ள "ஸ்கோட்டியா பிரின்ஸ்' என்ற பெயரிலான இந்த கப்பலில், 1,200 பேர் வரை பயணம் செய்யலாம். 700 தனி கேபின்கள் இதில் உள்ளன. நான்கு பேர் ஒன்றாக சேர்ந்து தங்குவதற்கான அறைகள் உள்ளன. மேலும் ஆறு உயிர்காக்கும் படகுகளும் இதில் உள்ளன. பயணிகளின் பொதிகளை 300 தொன் வரை வைக்க இதில் இடமுள்ளது. இதுதவிர, மேலும் பல நவீன வசதிகளைக் கொண்ட இக்கப் பலில் குறைந்தபட்சம் 2,500 ரூபாயிலிருந்து அதிகபட்சம் 14,000 ரூபாய் வரை பய ணக் கட்டணம் நிர்ணயிக்கப்பட்டுள்ளது. ஆயினும், கட்டணம் உள்ளிட்ட இதர விவ ரங்கள் குறித்து ஓரிரு நாளில் இறுதி முடிவு செய்து அறிவிக்கப்படவுள்ளது.