சிங்கப்பூர் மருத்துவமனையை ரஜினிக்கு சிபாரிசு செய்த அமிதாப் பச்சன்

ரஜினியை சிங்கப்பூர் மருத்துவமனைக்கு அழைத்துப் போகுமாறு அவரது நெருங்கிய நண்பரான அமிதாப் பச்சன்தான் ஆலோசனை கூறினார் என்ற தகவல் வெளியாகியுள்ளது.
ரஜினி – அமிதாப் நட்பு திரையுலகம் நன்கறிந்தது. இருவரும் மிக நெருக்கமான நண்பர்கள். ரஜினியின் வளர்ச்சி, புகழில் அக்கறை காட்டுபவர் அமிதாப்.
ரஜினி மருத்துவமனையில் சேர்க்கப்பட்டதை அறிந்ததிலிருந்து, தொடர்ந்து அவர் உடல் நலம் குறித்து விசாரித்து வருகிறார் அமிதாப். மருத்துவர்களுடன் நேரடியாகத் தொடர்பு கொண்டு ரஜினிக்கு அளிக்கப்பட்டு வரும் சிகிச்சைகள் குறித்தும் விசாரித்த அமிதாப் பச்சன்தான், மேல் சிகிச்சைக்காக சிங்கப்பூர் மருத்துவமனையை பரிந்துரைத்தார்.
சிங்கப்பூரில் இப்போது ரஜினி அனுமதிக்கப்பட்டுள்ள மருத்துவமனையில்தான், அமிதாப்பின் நெருங்கிய நண்பர் அமர்சிங் சிறுநீரக மாற்று சிகிச்சைப் பெற்று நலமுடன் திரும்பினார் என்பது குறிப்பிடத்தக்கது.
மேலும் இதய நோய்கள் மற்றும் சிறுநீரக கோளாறுகளுக்கு மிகச் சிறந்த சிகிச்சை இங்கு தரப்படுகிறது. தனிப்பட்ட முறையில் இங்குள்ள மருத்துவர்களையும் அமிதாப்புக்குத் தெரியுமாம். அவர்தான் இங்குள்ள மருத்துவர்களுடன் பேசி, ரஜினியை அழைத்துச் செல்ல ஏற்பாடு செய்துள்ளார்.
இதனை அவரே உறுதி செய்துள்ளார். “ரஜினிக்கு மிகச் சிறந்த சிகிச்சை சிங்கப்பூர் மருத்துவமனையில் கிடைக்கும் என உறுதியாக நம்புகிறேன். அதானால்தான் அங்கே அழைத்துச் செல்லுமாறு லதாவிடம் கூறினேன். வேறு பல நாடுகள் குறித்து யோசித்தோம். ஆனால் சிங்கப்பூர்தான் பெஸ்ட் என முடிவு செய்தோம்,” என்று கூறியுள்ளார் அமிதாப்.
ரஜினியுடனான தனது நெருக்கம் குறித்து அவர் கூறுகையில், “ரஜினி மிக எளிமையான மனிதர். இவ்வளவு பெரிய ரசிகர் படையை வைத்துக் கொண்டு, இத்தனை எளிமையாக யாராலாவது இருக்க முடியுமா… இப்படியொருவரைப் பார்க்கவே முடியாது. ரஜினி ரஜினிதான். பல விஷயங்களை நாங்கள் இருவரும் கலந்து பேசுவோம். சிக்கலான தருணங்களில் யோசனை சொல்லிக் கொள்வோம். ரஜினி விரைவில் நலம் பெற்று வருவார்,” என்றார்.

என்வழி

ரஜினி மட்டும்தான் உலகமா?

உலகின் உள்ள 100 முக்கிய மனிதர்களில் அவரும் ஒருவர் - டைம்ஸ்

ராம்

கே. பாலா wrote: ரஜினி மட்டும்தான் உலகமா?

rarara wrote:உலகின் உள்ள 100 முக்கிய மனிதர்களில் அவரும் ஒருவர் - டைம்ஸ்

ராம்

கே. பாலா wrote: ரஜினி மட்டும்தான் உலகமா?

6,921,672,512 இது இன்று வரை உள்ள உலக மக்கள் தொகை !( மதியம் 1.30 வரை http://www.census.gov/main/www/popclock.html) ரஜினி என்ற மனிதர் குணமடையவேண்டும், அவர் நல்லவர், முக்கியமானவர் என்பதில் மாற்றுக் கருத்து இல்லை. ஆனால் சுயநலமான ஊடகங்களை போல ஈகரை அன்பர்களும் திகட்ட , திகட்ட , அவரை பற்றியே பேசிக் கொண்டிருப்பது. தேவைதானா? இது என் கருத்து . மாற்றுக் கருத்தும் இருக்கலாம். ( this my last comment to this topic )