.......,,,ஐந்து மிக மிகப் பெரியது ஆறை விட.

by **rameshnaga** Sun May 29, 2011 3:31 pm

எனக்குத் தெரிந்து -
எந்தப் பறவைக்கும்
முதியோர் இல்லங்கள் இல்லை;
அநாதை விடுதிகள் இல்லை;
சிலுவையோ,தொப்பியோ,விபூதியோ-
எந்த அடையாளமும் இல்லை;
சேமிப்புக் கணக்கு இல்லை;
சொத்துச் சண்டை இல்லை;
வரதக்ஷணை இல்லை;
வரம்பு மீறிய எண்ணங்கள் இல்லை;
கூண்டில் அடைபடாத நாள் வரை
வானமே எல்லை.
தன் குழந்தைகளின் சிறகுகளை முத்தமிட்டபடி -
கடவுளின் திசை கடந்து
தனக்கான வாழ்வை வாழ்ந்து விடுகின்றன
எல்லாப் பறவைகளும் - இந்தப் பூமியில்.

by **ரா.ரமேஷ்குமார்** Sun May 29, 2011 3:33 pm

அருமையான வரிகள் நண்பா... அருமையிருக்கு

by மஞ்சுபாஷிணி Sun May 29, 2011 3:41 pm

மனிதனும் அப்படி சுதந்திரமாக இருக்கும் வரை பிரச்சனை இல்லை.... பிள்ளைகளிடம் எதிர்ப்பார்ப்புகளோடு வளர்க்காமல் இருந்தால் இந்த பிரச்சனை இல்லை... நாம் கடமை என்று நினைத்து வளர்ப்பதால் பிள்ளைகள் வளர்ந்து இது என் கடமை இல்லை என்று முதியோர் இல்லத்தின் வழி காண்பிக்கும் அவலநிலை ஏற்படுகிறது....

அருமையான வரிகள் ரமேஷ்...

by அப்துல்லாஹ் Sun May 29, 2011 4:06 pm

தன் குழந்தைகளின் சிறகுகளை முத்தமிட்டபடி -
கடவுளின் திசை கடந்து
தனக்கான வாழ்வை வாழ்ந்து விடுகின்றன
எல்லாப் பறவைகளும் - இந்தப் பூமியில்.

வாழ்க்கை
இந்தப் பறவைகளுக்கு மட்டும் வசப்படுகிறது. அறிய கருத்துக்களை உள்ளடக்கிய எளிய இந்தக் கவிதை உங்களின் எண்ணங்களுக்கும் அதன் வழி எழுத்துக்கும் கிடைத்த ஒரு புதையல்.
ரமேஷ் சொல்லுங்கள் நிறைய.....