எனக்கும் கல்யாணம் நடந்தது

by **rameshnaga** Sat May 28, 2011 10:22 pm

எனது சம்பளத்தில் நெக்லஸ் வாங்க
உனக்குக் கவனம்.
உனது சம்பளத்தில் ஒரு பைக் வாங்க
எனக்குக் கவனம்.
அன்பாய் வாழ்வதை விட
வசதியாய் வாழ்வதே அவசியம்-அதனால்
நீ வேலை செய்கிறாய் தென் கோடியில்;
நானும் உழைத்துத் தேய்கிறேன் வட கோடியில்;
கண்ணே!
முப்பத்து முக்கோடி தேவர்கள் வாழ்த்தி
நம் திருமணம் நடந்தாலும்-
ஓருடலாய் இல்லாமல், ஒட்டாமல் வாழ்ந்தாலும்-
ஓருயிராய் ஒருநாள் வாழ
ஓய்வு பெற்ற பின் வா -ஒன்று சேரலாம்.

by **சிவா** Sun May 29, 2011 7:44 am

இன்றைய தம்பதிகளின் வாழ்க்கை முறையை அழகாக எடுத்துக் கூறும் கவிதை! இளமையை தனிமையில் தொலைத்து, பணம் என்ற பகட்டு வாழ்க்கைக்காக எவ்வளவு தியாகங்கள்தான் செய்யப் போகிறோம். இந்தப் பிறவியில் கடவுளின் கருணை எங்கள் பக்கம் இல்லை. அடுத்த பிறவியிலாவது குடும்பத்துடன் இணைந்திருக்கும் வரம் தருவாயா இறைவா?

by மஞ்சுபாஷிணி Sun May 29, 2011 10:41 am

பணம் மட்டுமே பிரதானமாக கருதும் தம்பதியர் பிரிந்து ஒவ்வொருவரும் ஒரு திக்கில் வேலை செய்து அந்த வாழ்க்கை அலுக்கும்போது அன்புக்காக ஏங்கி தவித்து அன்பு, காதல், அரவணைப்பு கிடைக்காமல் மூப்பு தோன்றும்போதும் உடலும் உள்ளமும் சோர்ந்துவிடுகிறது...... எளிமையாக வாழமுடியும் என்று மனது வைத்தால் கணவன் மனைவி பிரியாமல் ஒன்றாய் இருந்து அன்பை பரிமாறி காதலுடன் இருந்து வாழ்க்கையை சந்தோஷமாக அனுபவிக்கலாம்....

அருமையான ஏக்கம் தரும் வரிகள் ரமேஷ். அன்பு வாழ்த்துக்கள்...

by சுரேஷ்குமார் Sun May 29, 2011 10:55 am

தல கவலை படாதிங்க எல்லா நல்லதே நடக்கும் ....எல்லாம் நன்மைக்கே

by ANTHAPPAARVAI Sun May 29, 2011 12:39 pm

rameshnaga wrote:எனது சம்பளத்தில் நெக்லஸ் வாங்க
உனக்குக் கவனம்.
உனது சம்பளத்தில் ஒரு பைக் வாங்க
எனக்குக் கவனம்.
அன்பாய் வாழ்வதை விட
வசதியாய் வாழ்வதே அவசியம்-அதனால்
நீ வேலை செய்கிறாய் தென் கோடியில்;
நானும் உழைத்துத் தேய்கிறேன் வட கோடியில்;
கண்ணே!
முப்பத்து முக்கோடி தேவர்கள் வாழ்த்தி
நம் திருமணம் நடந்தாலும்-
ஓருடலாய் இல்லாமல், ஒட்டாமல் வாழ்ந்தாலும்-
ஓருயிராய் ஒருநாள் வாழ
ஓய்வு பெற்ற பின் வா -ஒன்று சேரலாம்.