யார் பிச்சைக்காரன்?

by **rameshnaga** Sat May 28, 2011 2:19 pm

தினமும் அவனைக் கடக்க நேர்கையில்
குறையத் துவங்குகிறது -
இறைவனைக் கும்பிடுவதான எனது விருப்பம்.
யாரும் விவரிக்க இயலாத -
ஒரு மவுனத்தின் குரல்வளையிலிருந்து
அலை அலையாய் விரியும் சப்தம் -
ஒடுங்கி ஒளியிழந்து தேய்கிறது
அவன் கண்களில்.
திசைகள் அறியாக் கன்றென அலைந்து தேய்கிறது
அவனது குறை உறுப்புகள் -
அந்த வீதியின் இரு முனைகளுக்கும்.
தன்னைக் கடந்து செல்பவர்களின் கருணையை
விரட்டி ஈர்க்கிறது அவனது இருப்பின் அவஸ்தைகள்.
இந்த உலகம் அழகானது எனின்-
இறைவனைத் தண்டிக்க எவர் முன்வரக் கூடும்?.