அடுத்தவர் கிண்டலை அலட்சியப்படுத்தினால்தான் வெற்றி

by தாமு Tue May 24, 2011 5:13 pm

குருவே வணக்கம். எனக்கு ஒரு பிரச்னை. நான் எது செய்தாலும் மற்றவர்கள் கிண்டலடிக்கிறார்கள்’ என்று சொன்னவனை நிமிர்ந்து பார்த்தார் குரு.
“அதனாலென்ன? நீ அவர்களைப் பொருட்படுத்தாமல் காரியங்களை செய்ய வேண்டியதுதானே’ என்றார் குரு.
“என்னால் அப்படி இருக்க முடியவில்லை குருவே’என்று சொன்னவனுக்கு குரு ஒரு சம்பவத்தை சொல்லத் துவங்கினார்.
“ஒரு முறை டெல்லி ரயில்வே ஸ்டேஷனில் டாக்ஸி ஏறினார்கள் இரண்டு இளைஞர்கள். டாக்ஸி டிரைவர் ஒரு வயதான சர்தார்ஜி. அவரைப் பார்த்ததும் இளைஞர்களுக்கு கிண்டல் புத்தி வந்துவிட்டது. அவர்கள் கேட்ட, படித்த சர்தார்ஜிகளைக் கேலி செய்யும் ஜோக்குகள் நினைவுக்கு வந்தன. டிரைவரை வெறுப்பேற்ற வேண்டும் என்றபதற்காக நிறைய சர்தார்ஜி ஜோக்குகளை சொல்லிக் கொண்டே வந்தார்கள். ஆனால் அந்த சர்தார்ஜி டிரைவர் ஒரு வார்த்தைகூடபேசவில்லை. பல மணி நேரம் சுற்றிவிட்டு அவர்கள் இறங்கும் இடம் வந்தது. அதற்குள் ஏகப்பட்ட கிண்டல் அடித்தவிட்டனர். இளைஞர்கள். மீட்டரைப் பார்த்து காசு கொடுத்ததும் அந்த சர்தார்ஜி டிரைவர், அந்த இளைஞர்களிடம் இரண்டு ஐந்து ரூபாய் நாணயங்களைக் கொடுத்து, “தம்பி, எங்க சர்தார்ஜிகளை நிறைய கிண்டலடிச்சிங்க பரவாயில்லை. எனக்காக ஒரே ஒரு காரியம் பண்ணுங்க. இந்த அஞ்சு ரூபாய் காசை நீங்க பாக்கிற முதல் சர்தார்ஜி பிச்சைக்காரனுக்கு போடுங்க. உங்களுக்கு புண்ணியமா போகும்’ என்று சொல்லி போய்விட்டார்.
இளைஞர்களுக்கு ஒன்றும் புரியவில்லை. அந்த ஐந்து ரூபாய் நாணயங்களை வைத்துக் கொண்டு அவர்கள் போன இடமெல்லாம் பார்த்தார்கள். ஒரு இடத்தில் கூட பிச்சைக்கார சர்தார்ஜியை பார்க்க முடியவில்லை.
அவர்கள் டெல்லியைவிட்டு கிளம்பும் நாள் வந்தது. ரயில் நிலைய வாசலில் அந்த சர்தார்ஜி டிரைவரை சந்தித்தனர். அப்போது அவர் கேட்டார், “என்ன தம்பி, அஞ்சு ரூபாயை சர்தார்ஜிக்கு பிச்சை போட்டிங்களா’ என்று. இளைஞர்கள் “இல்லை’யென்று தலையசைத்தார்கள்.
“அதான் தம்பி சர்தார்ஜி. உலகம் முழுக்க எங்களை வச்சு ஜோக்கடிக்கிறாங்க. கேலி பண்றாங்க. ஆனா நாங்க அதெல்லாம் பொருட்படுத்துறதில்ல. எங்களுக்குத் தெரிஞ்சதுலாம் உழைப்புதான். ரோட்டுக் கடை வைப்போம், லாரி ஓட்டுவோம், மூட்டை தூக்குவோம் ஆனா பிச்சை மட்டும் எடுக்க மாட்டோம். டெல்லில நீங்க ஒரு பிச்சைக்கார சர்தார்ஜியைக் கூட பார்க்க முடியாது.’ என்று அந்த சர்தார்ஜி டிரைவர் சொன்னபோது இளைஞர்கள் கண்களில் பிரமிப்பு.’
இந்தச் சம்பவத்தை குரு சொன்னதும் தான் செய்ய வேண்டியது என்ன என்பது வந்தவனுக்குப் புரிந்தது.
அப்போது குரு அவனுக்குச் சொன்ன winமொழி:
அடுத்தவர் கிண்டலை அலட்சியப்படுத்தினால்தான் வெற்றி

kovai

by **உமா** Tue May 24, 2011 5:28 pm

பிறரது பாராட்டுக்கும் பழிக்கும் செவிசாய்த்தால்
மகத்தான காரியம் எதையும் செய்ய முடியாது
-விவேகானந்தர்-

உண்மை தான்......

by தாமு Tue May 24, 2011 5:30 pm

by மஞ்சுபாஷிணி Tue May 24, 2011 7:41 pm

சரியான வார்த்தைகள்....

மற்றவர் நம்மை ஏளனப்படுத்துவதையும் கிண்டல் அடிப்பதையும் பெரிது பண்ணி சண்டைக்கு போகக்கூடாது... நம் இயல்பு பிரகாரம் அமைதியா நம் உழைப்பை தொடர்ந்துக்கொண்டு இருக்கணும்...... சர்தார்ஜி சரியான உவமானம்,

அன்பு நன்றிகள் தாமு.

by முரளிராஜா Tue May 24, 2011 7:49 pm

தாமு இத மாதிரியான பதிவ நீ எங்கிருந்து வேண்டுமானாலும் சுட்டு இங்கு பதிவு செய். ஆனால் அதுக்காக உன்னை கிண்டல் செய்வதை நிறுத்துவேன்
என்று மட்டும் கனவு காணாதே கன்னத்தில் அறை

by **Manik** Tue May 24, 2011 7:52 pm

சூப்பரான பதிவு அண்ணா மிக்க நன்றி பகிர்ந்து கொண்டமைக்கு அடுத்தவர் கிண்டலை அலட்சியப்படுத்தினால்தான் வெற்றி 154550

by கலைவேந்தன் Wed May 25, 2011 12:23 am

by puthuvaipraba Wed May 25, 2011 4:57 am

நம்பிக்கையூட்டும் நல்ல பதிவு . தாமு அவர்களுக்கு வாழ்த்தும் பாராட்டும்

by தாமு Wed May 25, 2011 8:12 am

மஞ்சுபாஷிணி wrote:சரியான வார்த்தைகள்....

மற்றவர் நம்மை ஏளனப்படுத்துவதையும் கிண்டல் அடிப்பதையும் பெரிது பண்ணி சண்டைக்கு போகக்கூடாது... நம் இயல்பு பிரகாரம் அமைதியா நம் உழைப்பை தொடர்ந்துக்கொண்டு இருக்கணும்...... சர்தார்ஜி சரியான உவமானம்,

அன்பு நன்றிகள் தாமு.

by தாமு Wed May 25, 2011 8:13 am

முரளிராஜா wrote:தாமு இத மாதிரியான பதிவ நீ எங்கிருந்து வேண்டுமானாலும் சுட்டு இங்கு பதிவு செய். ஆனால் அதுக்காக உன்னை கிண்டல் செய்வதை நிறுத்துவேன்
என்று மட்டும் கனவு காணாதே