ஏர்செல் கம்பெனி விற்பனை வழக்கில் தயாநிதி மாறன்: சி.பி.ஐ.

by மகா பிரபு Sun May 22, 2011 1:27 pm

சென்னையை சேர்ந்த ஏர்செல் கம்பெனியை மலேசியாவை சேர்ந்த மேக்சிஸ் தொலைதொடர்பு கம்பெனிக்கு
விற்பனை செய்யப்பட்டது தொடர்பான வழக்கில் தயாநிதி மாறனையும் மேக்சிஸ் கம்யூனிகேஷன் கம்பெனியையும் சேர்க்க சி.பி.ஐ. முடிவு செய்துள்ளதாக சி.பி.ஐ. வட்டாரங்கள் தெரிவித்துள்ளன. சென்னையை தலைமையிடமாகக்கொண்ட ஏர்செல் தொலைதொடர்பு நிறுவனத்தை வெளிநாட்டு வாழ் இந்தியரான சிவா என்று அழைக்கப்படும் சிவசங்கரன் என்பவர் நடத்தி வந்தார். இந்த ஏர்செல் நிறுவனத்திற்கு அலைக்கற்றை உரிமம் வழங்க அப்போதைய தொலைதொடர்புத்துறை அமைச்சராக இருந்த தயாநிதிமாறன் மறுப்பு தெரிவித்ததாக கூறப்படுகிறது. இதனால்ஏர்செல் நிறுவனத்தை மலேசியாவை சேர்ந்த மேக்சிஸ் கம்யூனிகேஷன்ஸ் என்ற தொலைதொடர்பு நிறுவனத்திற்கு விற்க வேண்டிய கட்டாயம் ஏற்பட்டது. அதன்படி கடந்த 2006-ம் ஆண்டு ஏர்செல் கம்பெனியை மேக்சிஸ் கம்யூனிகேஷன்ஸ் விலைக்கு வாங்கியது.

இந்த மேக்சிஸ் கம்யூனிகேஷன்ஸ் கம்பெனியை நிறுவகித்து வருபவர் டி. அனந்தகிருஷ்ணன். இவர் ஒரு இலங்கை தமிழர் வம்சாவழியை சேர்ந்தவர். மலேசியாவில் ஒரு மிகப்பெரிய தொழிலதிபர் என்பது குறிப்பிடத்தக்கது. கடந்த 2001-ம் ஆண்டு முதல் 2007-ம் ஆண்டுவரை உள்ள 6 ஆண்டுகளில் தொலைதொடர்புத்துறையில் நடந்த முறைகேடுகள் குறித்து சி.பி.ஐ. பூர்வாங்க விசாரணை நடத்தி வருகிறது. இந்த பூர்வாங்க விசாரணை அடிப்படையில் அடுத்து முதல் தகவல் அறிக்கை (எப்.ஐ.ஆர்.) ஒன்றை சி.பி.ஐ. வருகிற ஜூலை 6-ம் தேதிக்கு முன்பாக அதாவது சுப்ரீம்கோர்ட்டின் கோடை விடுமுறை காலம் முடிந்து மீண்டும் திறந்த பிறகு தாக்கல் செய்ய சி.பி.ஐ. திட்டமிட்டுள்ளது. இந்த முதல் தகவல் அறிக்கையில்தான் அப்போதைய தொலைதொடர்புத்துறை அமைச்சரும் இப்போதைய ஜவுளித்துறை அமைச்சருமான தயாநிதி மாறனின் பெயரை சேர்க்க சி.பி.ஐ. முடிவு செய்துள்ளதாக சி.பி.ஐ. வட்டாரங்கள் தெரிவித்தன.

மேலும் இதே முதல் தகவல் அறிக்கையில் மேக்சிஸ் கம்யூனிகேஷன்ஸ் கம்பெனியின் பெயரையும் சேர்க்க
சி.பி.ஐ. திட்டமிட்டுள்ளது என்றும் அந்த வட்டாரங்கள் தெரிவித்துள்ளன. மேக்சிஸ் கம்யூனிகேஷன்ஸ் கம்பெனியின் முக்கிய நிர்வாகிகள் மாறன் குடும்பத்திற்கு நெருக்கமானவர்கள் என்றும் கூறப்படுகிறது. இந்த செய்தி எக்னாமிக்ஸ் டைம்ஸ் என்ற ஆங்கில நாளிதழின் இணையதளத்தில் வெளியாகி உள்ளது.

ஏர்செல் கம்பெனி விற்பனை வழக்கில் தயாநிதி மாறன்: சி.பி.ஐ. 1772578765

ஏர்செல் கம்பெனி விற்பனை வழக்கில் தயாநிதி மாறன்: சி.பி.ஐ. 1772578765

thinaboomi

by ரபீக் Sun May 22, 2011 1:28 pm

அடுத்த ஆப்பு மாறனுக்கு ? சூப்பருங்க

by மகா பிரபு Sun May 22, 2011 1:33 pm

ரபீக் wrote:அடுத்த ஆப்பு மாறனுக்கு ?

கூண்டோடு கைலாசம் அப்டிங்கூறது இது தானா ??????? ஏர்செல் கம்பெனி விற்பனை வழக்கில் தயாநிதி மாறன்: சி.பி.ஐ. 168300

by மஞ்சுபாஷிணி Sun May 22, 2011 1:37 pm

கனிமொழிக்கு அடுத்து மாட்டுவது இவரா?

அழகிரிக்கு எப்ப இந்த கைது செய்யும் படலம் எல்லாம் ஆகும்?

by மகா பிரபு Sun May 22, 2011 1:39 pm

மஞ்சுபாஷிணி wrote:கனிமொழிக்கு அடுத்து மாட்டுவது இவரா?

அழகிரிக்கு எப்ப இந்த கைது செய்யும் படலம் எல்லாம் ஆகும்?

வரும் பொது கரெக்டா வரும்

by அசுரன் Sun May 22, 2011 1:39 pm

குற்றம் சாட்டப்படும் அனைவரும் குற்றவாளியாக இருக்க வாய்ப்பில்லை என்பது என் எண்ணம். இதே சி.பி.ஐ தான் ஜரூராக நடத்தி வந்த போபால் விச வாயு விபத்தை டீல்ல விட்டவங்க புன்னகை

by மஞ்சுபாஷிணி Sun May 22, 2011 3:20 pm

அதுவும் சரி தான்....

by பாலாஜி Sun May 22, 2011 3:36 pm

யாரும் மக்களுக்கு நல்லது செய்யாமல் , இது போன்ற பழிவாங்கல்
நடவடிக்கையில் ஈடுபடுவது கேவலம். ஆட்சி மாறும் மீண்டும் தலைமை செயலகம் மாற்றம் . மீண்டும் பழிவாங்கல்.மீண்டும் தலைமை செயலகம் மாற்றம் . மீண்டும் பழிவாங்கல். எப்படியோ இருவரும் மக்களை பழிவாங்கிவிட்டார்கள்.

by மகா பிரபு Sun May 22, 2011 4:25 pm

பழிவாங்கல் என்பது தமிழ்நாட்டின் தலையெழுத்து. அதை மாற்ற யாராலும் முடியாது.

by mmani15646 Sun May 22, 2011 5:22 pm

உண்மை. இரண்டு திராவிடக் கட்சிகளுக்கும் இதே வேலைதான். இதை அறிந்துதான் தி.மு.க விலிருந்து அ.தி.மு.க பிரிந்தபோது காமராசர்” இரண்டு கட்சிகளும் ஒரே குட்டையில் ஊறிய மட்டைகள்” என்று கூறினார்.