சர்ச்சை வீடியோ கேமில், பின்லேடன் கொல்லப்பட்ட வீடு!

by sabesan37 Tue May 17, 2011 5:31 am

சர்ச்சை வீடியோ கேமில், பின்லேடன் கொல்லப்பட்ட வீடு!
_________________________________________________________________________
விறுவிறுப்பு.காம், Monday 16 May 2011, 23:50 GMT
_________________________________________________________________________
சிக்காகோ, அமெரிக்கா: சமீபத்தில் வெளியான வீடியோ கேம் ஒன்று, விவகாரமான சர்ச்சையில் சிக்கியுள்ளது. இதிலுள்ள முக்கிய விஷயமே, சர்ச்சையில் சிக்கியுள்ள காரணத்தால்தான், குறிப்பிட்ட வீடீயோ கேம் செய்திகளிலும் அடிபடுகின்றது. பிரபலமாகியும் விட்டது. விற்பனையும் சூடுபிடித்துள்ளது!

‘கௌன்டர் ஸ்ரைக்’ என்பதுதான் வீடியோ கேமின் பெயர். சர்ச்சைக்கு உள்ளாகியிருப்பது அதிலுள்ளஒரு பகுதி மாத்திரமே. அந்தப் பகுதியின் பெயர் ‘ஃபிளை அபொட்டோபாத்’.

Valve Software என்ற அமெரிக்க நிறுவனத்தால் உருவாக்கப்பட்டுள்ள இதன் பெயரிலுள்ள ‘அபொட்டோபாத்’ என்பது, பாகிஸ்தானிலுள்ள சிறு நகரத்தின் பெயர். அமெரிக்க வீடியோ கேம் நிறுவனத்துக்கும், பாகிஸ்தானிய சிறு நகரத்துக்கும் என்ன சம்மந்தம்? வேறொன்றுமில்லை, இந்த இடத்தில்தான் பின்லேடன் மறைந்திருந்த வீடு இருந்தது!

மொத்தத்தில், பின்லேடன் கொல்லப்பட்ட வீடுதான், இந்த வீடியோ கேமில் சென்ட்ரல் அட்ராக்ஷன்.

வீடியோ கேம் விளையாடுபவர்கள், பின்லேடனின் 2.5 லட்சம் டொலர் பெறுமதியான இந்த வீட்டைத் திரையில் சுற்றிவரலாம். வீடு பற்றிய முழு விபரங்களை அறிந்து கொள்ளலாம். ஆனால், உள்நுழைய முடியாது! விளையாட்டு அப்படி வடிவமைக்கப்பட்டுள்ளது.

குறிப்பிட்ட வீடியோ கேம் பாகிஸ்தானில் பலத்த சர்ச்சையில் சிக்கியுள்ளது. இது பற்றிய எதிர்ப்புக் குரல்கள், வெளிநாடுகளில் வாழும் பாகிஸ்தானியர்களால் எழுப்பப்படுகின்றன.

ஆனால், இம்மாதம் 7ம் தேதி வெளிவந்துவிட்ட (பின்லேடன் கொல்லப்பட்டது 2ம் தேதி) வீடியோ கேம், சர்ச்சைகளில் அடிபடத் தொடங்கியபின்தான் விற்பனையில் கொடிகட்டிப் பறக்கத் தொடங்கியிருக்கறது!

http://viruvirupu.com/2011/05/16/1930/

by SK Tue May 17, 2011 11:54 am

நல்ல ஒரு விற்பனை தந்திரம் மகிழ்ச்சி

by **krishnaamma** Tue May 17, 2011 1:49 pm

சரியாய் சொன்னீர்கள் SK சர்ச்சை வீடியோ கேமில், பின்லேடன் கொல்லப்பட்ட வீடு! 2825183110

by **krishnaamma** Fri May 20, 2011 12:52 pm

இந்த வீடியோ கேமை நாம் தயாரித்திருந்தால் , நம் தமிழ் படங்களில் போடுவது போல் " இது யாரையும் குறிப்பது அல்ல' முழுக்க முழுக்க கற்பனையே " என் முதலிலேயே போட்டுவிடுவார்கள். மேலும் அந்த ஊர் பேரைக்கூட நம்ப ஊரு பேர் திருத்துபவரிடம் கேட்டு ஒரு ரெண்டு மூணு எழுத்தை சேர்த்துடுவாங்க.("பயணம்" பட டயலாக் தான் நியாபகம் வரது புன்னகை

" ஓ உங்க்ளால தான் ஊர்ல பல பேர் ஸ்பெல்லிங் மிஸ்டேக் ஓட பேர் எழுதாரங்க?" என் கேட்பார் ஒருவர், ஒரு நியூமரலாஜிஸ்ட் ஐ பார்த்து புன்னகை

)இது போல் செய்தா போதாதா அந்த வீடியோ கேம் வெற்றி பெற. பாவம் , புவர் அமெரிகன்ஸ் சோகம்