மின்வெட்டை சரிசெய்ய முன்னுரிமை: ஆளுநரைச் சந்தித்த பின் ஜெ. பேட்டி!

by முரளிராஜா Sun 15 May 2011 - 13:30

மின்வெட்டைச் சீரமைப்பதே அதிமுக ஆட்சியின் முதல் நடவடிக்கையாக இருக்கும், என்று அதிமுக பொதுச் செயலாளர் ஜெயலலிதா கூறினார்.

சட்டமன்றத் தேர்தலில் அபார வெற்றி பெற்று தனிப் பெரும் கட்சியாக ஆட்சியமைக்கிறது அதிமுக.

ஆட்சியமைக்க முறைப்படி உரிமை கோர, இன்று காலை ஆளுநர் பர்னாலாவை ராஜ் பவனில் சந்தித்தார் ஜெயலலிதா. அதிமுக எம்எல்ஏக்கள் கூட்டத்தில், ஜெயலலிதாவை சட்டமன்ற அதிமுக தலைவராக ஏகமனதாக தேர்வு செய்த தீர்மான கடிதத்தை கவர்னரிடம் கொடுத்தார் ஜெயலலிதா.

இதைத் தொடர்ந்து, புதிய முதல்வராக பொறுப்பேற்கவும் தமிழகத்தின் ஆட்சிப் பொறுப்பினை ஏற்கவும் முறைப்படி அழைப்பு விடுத்தார் ஆளுநர் பர்னாலா. இதனை ஏற்றுக் கொண்ட ஜெயலலிதா, நாளை முதல்வராக பதவி ஏற்கிறார்.

இதைத் தொடர்ந்து நிருபர்களை ராஜ்பவனில் சந்தித்தார் ஜெயலலிதா.

அவரிடம் கேட்கப்பட்ட கேள்விகளுடம் அதற்கு ஜெயலலிதா தந்த பதில்களும்:

கேள்வி: அதிமுக அரசின் முதல் நடவடிக்கை, முன்னுரிமைத் திட்டம் என்னவாக இருக்கும்?

பதில்: மின்வெட்டைச் சீரமைப்பதே எனது அரசின் முதல் நடவடிக்கையாக இருக்கும். அதுமட்டுமல்ல, மாநிலம் முழுவதிலும் பல துறைகள் பின்னடைந்த நிலையில் உள்ளன. அவற்றைச் சீரமைத்து ஒழுங்குபடுத்துவதற்கும் முன்னுரிமை தரவிருக்கிறோம்.

கேள்வி: பதவி ஏற்பு விழாவுக்கு தேமுதிகவுக்கு அழைப்பு உண்டா?

பதில்: அனைத்து கூட்டணி கட்சிகளுக்கும் அழைப்பு உண்டு. அனைவரும் பதவி ஏற்பு விழாவில் பங்கேற்பார்கள்.

கேள்வி: உங்கள் அமைச்சரவையில் எத்தனை அமைச்சர்கள் இடம்பெறுவார்கள்?

பதில்: அதைப் பற்றி ஆலோசனை செய்து கொண்டிருக்கிறோம். பின்னர் சொல்கிறோம்.

கேள்வி: பெட்ரோல் விலை கடுமையாக உயர்த்தப்பட்டுள்ளதே?

பதில்: பெட்ரோல் விலை உயர்வு மிகவும் துரதிருஷ்டவசமானது என்றார்.

நன்றி ஒன் இந்தியா

by உதயசுதா Sun 15 May 2011 - 13:31

மின்வெட்டை முதல்ல சரி பண்ணுங்க தாயி.உங்களுக்கு புண்ணியமா போகும்.இந்த மின் வெட்டாளா எத்தனை தொழிலு நசிந்து கிடக்கு.அதுக்கு ஒரு வழி பண்ணினா உங்களுக்கு புண்ணியமா போகும்

by ரபீக் Sun 15 May 2011 - 13:34

நல்லாட்சி புரிய வாழ்த்துக்கள் தாயி !~!!!!!!

by **அருண்** Sun 15 May 2011 - 14:33

முதலில் இதை நிவர்த்தி செய்யுங்கள்! அருமையிருக்கு

by மஞ்சுபாஷிணி Sun 15 May 2011 - 18:28

பெட்ரோல் விலைஉயர்வு மிகவும் வேதனை தான், நடுத்தரவர்க்க மக்கள் தான் இதனால் பாதிக்கப்படுவது அதிகம்...

மின்வெட்டு சரி செய்துட்டால் அப்புறம் ஜெயலலிதா தான் எல்லாருக்கும் கண்கண்ட இல்லை மின்கண்ட தெய்வமாகிவிடுவார்... எப்படியாவது சரி செய்யுங்கம்மா ஆத்தா.... மக்கள் சுபிட்சமடையட்டும்....

by மோகன் Sun 15 May 2011 - 19:44

மின்வெட்டை சரிசெய்ய முன்னுரிமை: ஆளுநரைச் சந்தித்த பின் ஜெ. பேட்டி! 677196

மின்வெட்டு சரி செய்துட்டால் அப்புறம் ஜெயலலிதா தான் எல்லாருக்கும் கண்கண்ட இல்லை மின்கண்ட தெய்வமாகிவிடுவார்... மின்வெட்டை சரிசெய்ய முன்னுரிமை: ஆளுநரைச் சந்தித்த பின் ஜெ. பேட்டி! 677196