அதிக - குறைந்த ஓட்டு வித்தியாசத்தில் வெற்றி பெற்றது யார்?

by **ந.கார்த்தி** Sat May 14, 2011 7:25 pm

திருப்பூர் வடக்கு தொகுதியில் போட்டியிட்ட அ.தி.மு.க., வேட்பாளர் எம்.எஸ்.எம்., ஆனந்தன் (1,13,640), எதிர்த்து போட்டியிட்ட தி.மு.க., வேட்பாளர் கோவிந்தசாமியை (40,369) விட 73,271 ஓட்டுகள் அதிகம் பெற்று வெற்றி பெற்றார். இதுவே இந்த தேர்தலில் அதிக ஓட்டு வித்தியாசம்.

குறைந்த ஓட்டு வித்தியாசம்: எழும்பூர் தொகுதியில் போட்டியிட்ட தே.மு.தி.க., வேட்பாளர் நல்லதம்பி (51,722), எதிர்த்து போட்டியிட்ட தி.மு.க., வேட்பாளர் பரிதி இளம்வழுதியை (51,570) விட 202 ஓட்டுகள் மட்டுமே கூடுதல் பெற்று வெற்றி பெற்றார். இதுவே இத்தேர்தலில் குறைந்த ஓட்டு வித்தியாசம்.

கட்சிகளின் வெற்றி சதவீதம் : தமிழக சட்டசபை தேர்தலில் அ.தி.மு.க., கூட்டணியில் போட்டியிட்ட கட்சிகளின் வெற்றி சதவீதம் அதிகரித்துள்ளது. அதே சமயம் தி.மு.க., கூட்டணியில் இடம்பெற்ற கட்சிகளின் வெற்றி சதவீதம் குறைந்துள்ளது. குறிப்பாக காங்கிரஸ், பா.ம.க., விடுதலை சிறுத்தைகள் ஆகிய கட்சிகள் பெரும் பின்னடவை சந்தித்துள்ளன. அ.தி.மு.க.,; 91.875 சதவீதம், தே.மு.தி.க.,68.29 சதவீதம், தி.மு.க., 19.32 சதவீதம் ,காங்கிரஸ் : 7.93 சதவீதம், பா.ம.க.,10 சதவீதம்.
தினமலர்