பாண்டிங் ஓய்வு

by கோவைசிவா Tue Sep 08, 2009 12:38 pm

மெல்போர்ன் : ஆஸ்திரேலிய அணியின் வெற்றிக் கேப்டனாக விளங்குபவர் 34 வயதான பாண்டிங். இவரது தலைமையின் கீழ் ஆஸ்திரேலிய அணி 2 முறை (2003, 07) உலக கோப்பை (50 ஓவர்) வென்றுள்ளது. இதுவரை 136 டெஸ்டில் விளையாடிய இவர் 38 சதம் உட்பட 11,345 ரன்களும், 315 ஒருநாள் போட்டியில் 26 சதம் உட்பட 11,523 ரன்களும் சேர்த்துள்ளார். தவிர 17 சர்வதேச "டுவென்டி-20' போட்டியில் பங்கேற்று 401 ரன்கள் எடுத்துள்ளார்.

ஆஷஸ் தொடரின் தோல்வியை அடுத்து ஆஸ்திரேலிய அணி டெஸ்ட் ரேங்கிங் பட்டியலில் 4வது இடத்துக்கு தள்ளப்பட்டது. ஒருநாள் ரேங்கிங்கில் 3வது இடத்தில் உள்ளது. இதனையடுத்து ஆஸ்திரேலிய அணியை மீண்டும் "நம்பர்-1' அணியாக மாற்ற பாண்டிங் திட்டமிட்டுள்ளார். இதனால் சர்வதேச "டுவென்டி-20' போட்டியிலிருந்து ஓய்வு பெறுவதாக நேற்று அறிவித்தார். ஆனால், தொடர்ந்து ஒருநாள் மற்றும் டெஸ்ட் போட்டியில் கேப்டனாக செயல்படப்
போவதாக தெரிவித்தார்.