சினிமாவுக்கு பாட்டு

by vcnsethumadhav Sat Apr 30, 2011 10:55 pm

இங்கே நான்
வண்ணமொழிப் பிள்ளைக்குக்
தாலாட்டும் தாய்;
அங்கே நான்
விட்டெறியும் எலும்புக்கு
வாலாட்டும் நாய்!
மேலும்…
எந்தப்பா சினிமாவில்
எடுபடுமோ? விலைபெறுமோ?
அந்தப்பா எழுதுகிறேன்;
என்தப்பா? நீர் சொல்லும்!
மோனை முகம் பார்த்து
முழங்கிட நான் முயற்சித்தால்
பானை முகம் பார்த்தென்
பத்தினியாள் பசித்திருப்பாள்
கட்டுக்குள் அகப்படாமல்
கற்பனைச் சிறகடிக்கும்
சிட்டுக்கள் நீங்கள்;
சிறியேன் அப்படியா?
மெட்டுக்குள் கருத்தரித்து
மெல்லவே இடுப்புநோகத்
துட்டுக்குத் தகுந்தவாறு
முட்டையிடும் பெட்டைக்கோழி!-------- வாலி ---------------

by மஞ்சுபாஷிணி Sat Apr 30, 2011 10:57 pm

என்னது இது? அதிர்ச்சி

by **கே. பாலா** Sun May 01, 2011 8:05 am

மஞ்சுபாஷிணி wrote:என்னது இது?

கவிஞர் வாலி அவர்கள் சிறந்த புதுக்கவிதையில் , அவதார புருஷன், பாண்டவர் பூமி போன்ற படைப்புகளை தந்தவர். திரைப்பட பாடலாசிரியராகவும் விளங்குகிறார். இலக்கியத்துக்கும , திரைப்பாடலுக்கும் உள்ள வேறுபாட்டையும். தனக்கு பிடித்தது , இலக்கியம் என்பதையும் சொல்லும் கவிதையே இது!