ஷங்கர் - சிறு குறிப்புகள்

by **ந.கார்த்தி** Tue Apr 26, 2011 8:12 pm

தமிழ் சினிமா வர்த்தகத்தைக் கோடிகளில் ஹிட்டடிக்கவைத்த காஸ்ட்லி மாஸ்டர். கனவுக்கு கலரும் கோபத்துக்கு கிரஃபிக்ஸீமாக வெரைட்டி காட்டும் இயக்குநர் ஷங்கரின் பெர்சனல் பக்கங்கள்....

“குங்குமம்” படத்தில் நடிகர் திலகம் சிவாஜியின் பெயர் ஷங்கர் . அப் படத்தைப் பார்த்த ஷங்கரின் அம்மா. ‘தனக்கு ஒரு மகன் பிறந்தால் ஷங்கர் என்று பெயர் வைப்பேன்!” என்று சொல்லிக்கொண்டு இருந்தாராம். சொல்லிவைத்து போல அவருக்குப் பிறந்த மகன் ‘ஷங்கர்’ ஆனார்.

· நடிகராகும் ஆசையில் தமிழ் சினிமாவுக்கு வந்தவர், சின்னச்சின்ன வேடங்களில் காமெடி பண்ணியதோடு சரி ஷங்கர் கடைசியாகத் தலை காட்டிய படம் ‘சிவாஜி’. ‘

· ஷங்கர் டி.எம்.எஸ். குரலில் பாடுவதை வீட்டிலும் அலுவலகத்திலும் கேட்கலாம். ரஹ்மானுக்குப் பாடிக் காட்டினாரா எனத் தகவல் இல்லை!.

· வீட்டில் டிரெட்மில் வைத்திருக்கும் ஷங்கர்,’எனக்குத் தொப்பை விழுந்திருக்கா?’ என அடிக்கடி இயக்குநர் பாலாஜி சக்திவேலிடம் கேட்பார். தன்னைத்தான் கிண்டலடிக்கிறாரோ எனக் கலவரமாவது பாலாஜி பழக்கம்!.

· சினிமாவின் எந்தச் சாயலும் இல்லாமல் வளரும் ஷங்கரின் குழந்தைகள் ஐஸ்வர்யா, அதிதி, அர்ஜித் படிப்பது லேடி ஆண்டாள் பள்ளியில்!.

· தினமும் ஒரு மணி நேரமாவது ஷட்டில்காக் விளையாடுவார் ஷங்கர். விளையாட்டில் அவரது உதவி இயக்குநர்கள்தான் பார்ட்னர்கள்.

· மீன் உணவுகள் ஷங்கரின் ஃபேவரைட் மதுரை கோனார் மெஸ், அம்மா மெஸ்களின் சிறப்பு அசைவ உணவுகள் ரொம்பவும் பிடிக்கும்!.

· நகைகள் மீது ஈர்ப்பு இல்லாதவர். ஆனால், இப்போது மனைவி கொடுத்த ஒரு வைரக் கல் பதித்த பிளாட்டினம் மோதிரம் விரலில் மின்னுகிறது!.

· சினிமாவில் கால் பதிக்குமுன் சென்னை ‘ஹால்டா’ கம்பெனியில் பணிபுரிந்தவர். அப்போது தொழிற்சங்க நடவடிக்கைகளில் ஈடுபட்டு மூன்று நாட்கள் சிறையில் இருந்திருக்கிறார் ஷங்கர்!.

· இந்தியாவிலேயே ஷங்கரைவிட நிதானமாக கார் ஓட்டுபவர் வேறு எவரும் கிடையாது. க்ரீன் சிக்னல் விழாமல் கியர் தொடவே மாட்டார். ஒரு ரிவர்ஸ் எடுக்க 15 நிமிடங்களாவது ஆகும் இவருக்கு!.

· தொடர்ந்து சிகரெட் புகைத்து வந்தவர் ‘பாய்ஸ்’ படத்தோடு அந்தப் பழக்கத்தை நிறுத்தி விட்டார். ‘எப்படி சார் சிகரெட்டை விட்டீங்க?’ என்று இன்றும் ரஜினிகாந்த் ஷங்கரிடம் பொறாமையாக விசாரிப்பாராம்!

· எந்த நாட்டுக்கு, எந்த ஊருக்குப் போனாலும் தரையிறங்கியவுடன் தன் மனைவி ஈஸ்வரிக்குத் தன் இருப்பிடம் குறித்த தகவல் சொல்லிவிடுவார் ஷங்கர்!

· ஷங்கரின் காஸ்ட்யூமர் அவரது மனைவிதான். ஷங்கர் எப்போதும் கடைகளுக்குச் சென்று உடைகள் வாங்கியது கிடையாது. விழாக்களுக்கு பிளாக் பேண்ட், பிளாக் சூட் அணிந்துகொள்ள விரும்புவார்!.

· ஷங்கர் மிகவும் ஆசைப்பட்டு ஸ்க்ரிப்ட் செய்த படம் ‘அழகிய குயிலே’. ஆனால், அதைப் படமாக்க முயற்சிக்கும் ஒவ்வொரு முறையும் இன்னொரு பிரமாண்ட வாய்ப்பு வாசல் கதவைத் தட்டும்!.

· குடும்பத்தினருக்காக மட்டுமே அவர்களுடன் கோயிலுக்குப் போவார். மற்றபடி நல்ல நாள். கெட்ட நேரம் போன்றவை குறித்து அலட்டிக்கொள்வது இல்லை!.

· பக்கத்து வீட்டிலேயே சூர்யா வசித்தாலும், விஜய்யின் அப்பா எஸ்.ஏ.சந்திரசேருடன் 14 படங்களில் உதவி இயக்குநராகப் பணிபுரிந்தாலும் இன்னும் அந்த இரு ஹீரோக்களை வைத்துப் படம் இயக்கவில்லை ஷங்கர்!.

· ஷங்கர் பக்கா பங்ச்சுவல். ‘டைரக்டர் லேட்டாத்தானே வருவார்’ என்று யாரும் அசட்டையாகச் சென்றால், செட்டில் பரபரப்பாக் இயங்கிக்கொண்டு இருப்பார் இயக்குநர் ஷங்கர்!

· 1993-ல் ஜெண்டில்மேன் துவங்கி காதலன், இந்தியன்,ஜீன்ஸ், முதல்வன்,நாயக்,பாய்ஸ், அந்நியன்,சிவாஜி .. பத்தாவது படம் ‘எந்திரன்’!

· முறைப்படி சங்கீதம் கற்றுக்கொண்டு இருக்கிறார் ஷங்கர். ‘அந்நியன்’ பட வேலைகளின் போது கிளைவிட்ட ஆர்வம் இது!.

· ஷீட்டிங் ஸ்பாட்டில் அரட்டை, சிரிப்பெல்லாம் கிடையாது. ஸ்பாட்டில் ஏதேனும் கோபமூட்டுவது போல நடந்தால், கொஞ்ச நேரம் அங்கிருந்து மறைந்து விடுவார்!.

· உதவி இயக்குநர்களுக்கு நிலையில்லாத மினிமம் சம்பளம், குறைந்தபட்ச வசதி என்று இருந்ததை, மாதச் சம்பளம், டூ வீலர் வசதி என நிலைநிறுத்தியவர் ஷங்கர்!

· ஷங்கரை மிகவும் பாதித்த படம், ‘சில்ரன்ஸ் ஆஃப் ஹெவன்’ பல முறை பார்த்திருந்தாலும் இன்னும் இன்னும் என்று நேரம் கிடைக்கும்போது எல்லாம் அந்தப் படத்தைப் பார்ப்பார் ஷங்கர்!.

· கைக்கடிகாரங்களின் காதலன் ஷங்கர். விதவிதமான் கடிகாரங்களைச் சேகரித்திருக்கும் ஷங்கர். கையில் கட்டி இருக்கும் கடிகாரத்தைக் கழற்றி மேஜையில் வைக்கும் போது, அதற்கு வலிக்குமே என்பது போல பதமாக இருத்துவார்!.

· ஆகஸ்ட் 17 ம் தேதி பிறந்த நாளுக்கு வீடுதான் ஸ்பாட் குழந்தைகள்தான் அவரது உடனிருக்கும் தோழர்கள்!

· நீங்களே தனியாக ஒரு பாடல் பாடுங்களேன்!. என்று ஏ.ஆர்.ரஹ்மான் கேடட்தற்கு வெட்கப்பட்டு மறுத்த ஷங்கர் ‘காதலன்’ படத்தின் பேட்டைராப் பாடலில் ‘பேட்டைராப்’ என்று மட்டும் குரல் கொடுத்திருக்கிறார்!
TMT ஷங்கர் - சிறு குறிப்புகள் 678642