இவர்களும் முதல்வர்கள்!

by **சிவா** Wed Apr 20, 2011 11:38 pm

முதலாவதுக்கு எப்போதும் முதல் மரியாதை உண்டு. அதிலும் அழகு விஷயத்தில் முதல் நிகழ்வுகள், சாதனைகள், முயற்சிகள், துணிச்சல்கள் எப்போதும் தனிக்கவனம் பெறும். அப்படி அழகு உலகத்தில் இந்தியாவின் ’முதல்'கள் சில...

முதல் நீச்சல் உடை `போஸ்'
இவர்களும் முதல்வர்கள்! SharmilaTagoore

பத்திரிகை அட்டைக்காக நீச்சல் உடையில் ’போஸ்' கொடுத்த முதல் இந்திய நடிகை என்ற பெருமை ஷர்மிளா தாகூருக்கு. அது 1966-ம் ஆண்டு. அனுபமா, வக்த் படங்களின் வெற்றியில் மிதந்து கொண்டிருந்தார் 20 வயது ஷர்மிளா. அப்போது `பிலிம்பேர்' பத்திரிகையின் `சுதந்திர' தினச் சிறப்பிதழின் அட்டைக்கான படம் எடுக்கப்படுவதற் காக புகைப்படக் கலைஞர் தீரஜ் சாவ்தாவின் அலுவலகத்துக்கு வந்தார் ஷர்மிளா. `என்ன ஆடை அணியப் போகிறீர்கள்?' என்று கேட்டார் புகைப்படக் கலைஞர்.

தனது கைப்பையில் இருந்து ’டூ பீஸை' பதற்றமின்றி எடுத்துவைத்தார் ஷர்மிளா. அந்தப் படம் பெரும் பரபரப்பையும், பலத்த சர்ச்சையையும் ஏற்படுத்தியது. ஷர்மிளாவின் `டூ பீஸால்' ஏற்பட்ட `அழகு நடுக்கம்', பாராளுமன்றம் வரை உணரப்பட்டது. பின்னாளில், அதே ஷர்மிளா தாகூர், சென்சார் போர்டின் தலைவரானது விந்தையான நகைச்சுவை தான்.

இந்திய முதல் உலக அழகி
இவர்களும் முதல்வர்கள்! ReetaPriya

மருத்துவக் கல்லூரி மாணவியான ரீட்டா பரியாவுக்குத் தன் அழகு மீது அவ்வளவாக நம்பிக்கையில்லை. ஆனால் அவரது தோழிகளும், சக மாணவிகளும் உந்தித் தள்ளியதில் 1966 `மிஸ் பாம்பே' போட்டியில் கலந்து கொண்டார். அவநம்பிக்கையையும் மீறி சுய நம்பிக்கை யோடு ரீட்டா வென்றார், லண்டனில் நடைபெற்ற உலக அழகிப் போட்டிக்கு இந்தியாவின் சார்பில் அனுப்பப்பட் டார்.

அழகும், அறிவுக்கூர்மையும் நிரம்பிய டீன் ஏஜ் ரீட்டா, யுகோஸ்லேவியாவின் நிகிகா மரினோவிக்கை பின்னுக் குத் தள்ளி கிரீடம் சூடினார். நாடு திரும்பியதுமே வந்து குவிந்த மாடலிங், சினிமா வாய்ப்புகளை ரீட்டா புறங்கையால் ஒதுக்கித் தள்ளினார். பொறுப்பாய் மருத்துவப் படிப்பை முடித்தார். இன்று ஐந்து பேரக் குழந்தைகள் இருக்கும் பாட்டி ரீட்டா, அயர்லாந்தின் டப்ளினில் வசிக்கிறார்.

சினிமாவுக்கு வந்த முதல் ’மாடல்'
இவர்களும் முதல்வர்கள்! ZeenathAman

1970-களில் ’மிஸ் ஆசியா பசிபிக்' பட்டம் வென்ற ஜீனத் அமன், இந்தி(ய)த் திரையுலகுக்கு வந்த முதல் `மாடல்'. தேவ் ஆனந்தின் `ஹரே ராமா ஹரே கிருஷ்ணா' படத்தில் வித்தியாசமான சகோதரி பாத்திரம் இவருக்குப் புகழ் பெற்றுத் தந்தது. ஜீனத்தின் தோற்றமும், அவர் ஏற்ற துணிச்சலான வேடங்களும் பார்வைகளை இவர் பக்கமாகத் திருப்பின. அந்தக் காலத்து இந்தி சினிமா ரசிகர்களிடம் ஜீனத்தை பற்றிக் கேட்டால் நிறைய ஜொள்ளுவார்கள்... சாரி, சொல்வார்கள். இந்தித் திரையுலகில் ஓர் அதிரடி மாற்றத்துக்குக் காரணமாக இருந்த ஜீனத், வெள்ளித்திரைக் கனவு காணும் மாடல்களுக்கு இன்றும் கிரியா ஊக்கியாக உள்ளார்.

முதலாவது `பேஷன் ஷோ'

சுதந்திரத்துக்கு முந்தைய இந்தியாவில் ’பேஷன்' என்பது ’ஸ்டைலை' விட துணி வகையை அறிமுகப்படுத்துவதாகத்தான் இருந்தது. ஜவுளி ஆலைகள் வழங்கிய துணியை வாங்கி, ஆலைக்காரர்களின் உதவியுடனே `டிசைனர்கள்' பேஷன் ஷோ என்று பேருக்கு எதையோ நடத்தினர். உண்மையாக முதல் பேஷன் ஷோவை சைலா- நர்கீஸ் ஸ்பென்சர் சகோதரிகள் 1955-56-ல் மும்பையில் நடத்தினர். அப்போது இந்திய பேஷன் துறையில் பளபளத்தவர்கள் பார்சிய, கிறிஸ்தவ பெண்கள். அவர்கள் வெளிநாடுகளுக்கும் சென்று பேஷன் ஷோக்களில் பங்கேற்றனர்.

முதல் இந்திய `சூப்பர் மாடல்'
இவர்களும் முதல்வர்கள்! AnjaliMendis

பியரே கார்டின் நிறுவனத்துக்கான `குடும்ப மாடலாக'த் திகழ்ந்தவர் கோவாவை பூர்வீகமாகக் கொண்ட பைலிஸ் மென்டிஸ். இந்த நீண்ட காலழகி, வெள்ளைத் தோலழகிகள் ஆதிக்கம் செலுத்திய மாடலிங் உலகில் முதலில் காலடி வைத்த பழுப்பு அழகு தேவதை.

பிற்பாடு அஞ்சலி மென்டிஸ் என்று பெயர் மாற்றிக் கொண்ட இவர், பாரிசில் வசித்தாலும் இந்திய இதயத்தோடு இருந்தார்.

பியரே கார்டின் நிறுவனத்தின் இந்தியச் செயல் பாடுகளை 18 ஆண்டு காலம் கவனித்துக் கொண்ட அஞ்சலி மென்டிஸ், கடந்த ஆண்டு தனது 64-வது வயதில் மறைந்தார்.

தினதந்தி!