உணரும் நேரமிது (கவிதை)

by யாதுமானவள் Thu Apr 07, 2011 6:52 pm

பேய் பிடித்ததா?
நோய் பிடித்ததா?

வியாபார வளர்ச்சியா?
வெளிநாட்டில் வேலையா?

திருமணத்தடையா?
குழந்தை வரமா?

எல்லாவற்றிற்கும் தீர்விருந்தது –

காற்றிலிருந்து எடுத்த விபூதியிலும்
வாயிலிருந்து எடுத்த லிங்கத்திலும்

அந்த லோக ரட்சகன் –
இன்று நோயின் பிடியில்

இவரை ரட்சிக்க –
விபூதி யார் கொடுப்பது?

அன்று –
அவருக்கு செய்தனர் பூஜை
இன்று -
அவருக்காகச் செய்கின்றனர் பூஜை

மரணப்படுக்கை மனிதனுக்கல்லவா?
ஆண்டவன் ஆத்துமா அவதிப்படுமா?

சாயி பாபா சாயும் நேரமாவது -
புரிந்துகொள்ளுஙள்

அவர் கடவுளல்ல -

நம்மைப்போல் -

மரணக்குழிக்குள் புதையப்போகும்
சாதாரண மனிதன் தான் என்று!

ஒரு வித்யாசம் -
ஒத்துக்கொள்ளத்தான் வேண்டும்

இக் கலியுகத்திலும்

காவியுடை தரித்து
கல்வியில் சிறந்தோரையும்

கடவுள்நானெனச் சொல்லி
தன்வசப்படுத்திய-

ஓர் திறமைசாலி என்பதை !

- யாதுமானவள்

by அன்பு தளபதி Thu Apr 07, 2011 9:20 pm

அக்க அவர் கடவுள் இல்லையென நீங்கள் சொன்னாலும் சரி அதுவே உண்மையாய் இருப்பினும் சரி அவரின் இருதய மருத்துவமனை மூலம் பயன்பெறும் மக்களை கேளுங்கள் அவர் கடவுளா இல்லையா என இந்த மருத்துவ சேவைக்கே அவர் கொண்டாடப்பட்ட வேண்டியவர்