சினிமாவில் மட்டுமே விஜயகாந்த் முதல்-அமைச்சராகலாம் நடிகர் வடிவேல் தாக்கு

by தாமு Sun Apr 03, 2011 5:59 am

நடிகர் வடிவேல் கன்னியாகுமரி மற்றும் நாகர்கோவில் பகுதியில் தி.மு.க. வேட்பாளர்கள் அமைச்சர் சுரேஷ்ராஜன், வக்கீல் மகேஷ் ஆகியோரை ஆதரித்து பிரசாரம் செய்தார். பிரசாரத்தின்போது அவர் கூறியதாவது:-

நான் அடிமட்ட ஏழையாக இருந்து, கஷ்டப்பட்டவன். அப்படி வாழ்ந்ததால் கஷ்டம் நஷ்டம் எல்லாம் எனக்கு தெரியும். ஏழைகளுக்காக கலைஞர் கடந்த 5 ஆண்டுகளில் எவ்வளவோ நலத்திட்டங்கள், உதவிகள் செய்து இருக்கிறார். 6-வது முறையாக முதல்- அமைச்சர் ஆனபிறகும் அதை செய்வார். மழை, ஏழை- பணக்காரர் வித்தியாசம் பார்க்காது. இதைப்போல கலைஞரின் நலத்திட்டங்களும் எல்லோருக்கும் போய்ச் சேர்கிறது. தலைவர் என்றால் கலைஞர் ஒருவர்தான். சிலர் தங்களை தலைவர் என்று சொல்லி வருவார்கள். கறுப்பு எம்.ஜி.ஆர். என்பார்கள்.

இதை எல்லாம் நம்பாதீர்கள். 2 ரூபாய் கண்ணாடியும், தொப்பியும் வாங்கி வைத்துக்கொண்டால் எம்.ஜி.ஆர். ஆகிவிட முடியுமா? கலைஞர் மீனவ மக்களுக்கு எவ்வளவோ நல்லது செய்து இருக்கிறார். அவர்கள் மீன்பிடிக்க முடியாத 45 நாளும் உதவித்தொகை வழங்குகிறார். டீசல், மண்எண்ணை மானிய விலையில் வழங்குகிறார். திருமணம் ஆகாத அக்கா தங்கச்சிகளுக்கு உதவித்தொகை வழங்குகிறார்.

வயிற்றில் இருக்கும் சிசு கூட உதவி பெறுகிறது. முதியோருக்கு இலவச பஸ் பாஸ் வரப்போகிறது. 500 ரூபாய் உதவித்தொகையை 750 ரூபாயாக தரப்போகிறார். கலைஞர் உருவத்தில் அண்ணா தெரிகிறார். பெரியார் தெரிகிறார். காமராஜர் தெரிகிறார். தி.மு.க.வின் திட்டங்கள் எனக்கு ரொம்ப பிடித்திருந்தது. அதனால்தான் பிரசாரம் செய்ய வந்தேன். கலைஞரய்யா ஆட்சியில் அனைத்து திட்டங்களும் வரும். ஆனால் எதிர்க்கட்சியின் திட்டங்கள் வரும்... ஆனா வராது.

கட்டிடத்தை இடித்ததற்காக எல்லோருமா கட்சி தொடங்கி இருக்கிறார்கள். மதுரைப்பக்கம் எனக்கு 4 ஏக்கர் நிலம் போனது. நான் சும்மா இருக்கவில்லையா? கட்சி தொடங்கிய உடனே முதல்-அமைச்சர் ஆகிவிட முடியுமா? முதல்-அமைச்சர் போல நினைத்தால் சினிமாவில்தான் ஆகணும். நான் மன்னர் ஆக நினைத்தேன். 23-ம் புலிகேசியில் ஆகிவிட்டேன். அதுமாதிரி செய்ய வேண்டியது தானே? என் மூஞ்சியை காட்டினாலாவது குழந்தைகள் சிரிக்கும். அவர் முகத்தைப் பார்த்தால் குழந்தைகள் அழத்தான் செய்யும்.

நான் அவரது பக்கத்து வீட்டில்தான் இருந்தேன். எவ்வளவு பிரச்சினைகள்? பக்கத்து வீட்டு பிரச்சினையையே தீர்க்க முடியவில்லை. இவர் எப்படி, நாட்டுப் பிரச்சினையை தீர்ப்பார்? எனவே, கலைஞர் 6-வது முறையாக மீண்டும் முதல்-அமைச்சர் ஆகவேண்டும். 108 திட்டம் தந்ததால் அவர் 108 வயதைக் கடந்து வாழ்வார். வருகிற 13-ந் தேதி வாக்குச்சாவடிக்குச் சென்று, அமைச்சர் சுரேஷ்ராஜனுக்கும், வக்கீல் மகேசுக்கும் உதயசூரியன் சின்னமாக பார்த்து பட்டனை அழுத்துங்கள். அழுத்தினால் உங்கள் வீட்டுக்கு மிக்சி வரும். கிரைண்டர் வரும். அரிசி வரும். பருப்பு வரும். மறந்துடாதீங்க. மாத்திப்போட்டிராதீங்க.

இவ்வாறு நடிகர் வடிவேலு பேசினார்.

மாலை மலர்.

by முரளிராஜா Sun Apr 03, 2011 11:04 am

நீ ஒரு டம்மீ பீஸ்னு குழந்தக்கு கூட தெரியும் அதான் குழந்தை சிரிக்குது

by **Manik** Sun Apr 03, 2011 12:45 pm

வடிவேல் இன்னைக்கு எங்க ஊருக்கு வர்ராரு எப்படி பேசப்போறாரோ தெரியல

by மகா பிரபு Sun Apr 03, 2011 12:53 pm

Manik wrote:வடிவேல் இன்னைக்கு எங்க ஊருக்கு வர்ராரு எப்படி பேசப்போறாரோ தெரியல

கேட்டதாக சொல்லு நண்பா

by மஞ்சுபாஷிணி Sun Apr 03, 2011 3:17 pm

by **அருண்** Sun Apr 03, 2011 5:39 pm

வடிவேலு உனக்கு இன்று சுக்கிரன் உச்சத்தில் இருக்கிறார்!

by **Manik** Sun Apr 03, 2011 6:14 pm

அறிமுக நாயகன் wrote:
Manik wrote:வடிவேல் இன்னைக்கு எங்க ஊருக்கு வர்ராரு எப்படி பேசப்போறாரோ தெரியல

கேட்டதாக சொல்லு நண்பா

அவர் கிட்ட மனுசன் பேசுவானா நண்பா

by அசுரன் Sun Apr 03, 2011 8:10 pm

எனக்கும் ஒரு மிக்சி கேட்டதா சொல்லுங்க புன்னகை

by **Manik** Sun Apr 03, 2011 8:11 pm

மிக்சி மட்டுமா கூடவே கிரைண்டர் ஃபேன் எல்லாத்தையும் கேக்குறேன் செரிதானே நண்பா

by கலைவேந்தன் Sun Apr 03, 2011 9:33 pm

அருண் wrote:வடிவேலு உனக்கு இன்று சுக்கிரன் உச்சத்தில் இருக்கிறார்!

தவறு அருண்... புன்னகை

சனி பகவான் அவனது நாக்கில் அமர்ந்து சிரிக்கிறார்.. எதிர்காலம் பற்றி எண்ணிப்பார்த்து வடிவேல் மேல் எனக்கு பரிதாபம் வருகிறது...

பொறுத்திருந்து பாருங்கள்... புரியும்..!