"தமிழ் சினிமாவை நான் மறக்கவில்லை" ரீஎன்ட்ரியாகும் சித்தார்த்தின் ஸ்டேட்மென்ட்

'பாய்ஸ்' படத்தின் மூலம் அறிமுகமான சித்தார்த், தமிழ் சாக்லேட்
ஹீரோக்களின் வரிசையில் ஒரு ரவுண்ட் வருவார் என்றுதான் கோடம்பாக்கமே
எதிர்பார்த்தது. ஆனால், 'ஆயுத எழுத்து' படத்திற்குப் பிறகு, "இவர் தெலுங்கு
ஹீரோடா" என்று தமிழ் ரசிகன் சித்தார்த்தை அழைக்கும் நிலை ஏற்பட்டது. அந்த
அளவுக்கு தெலுங்கு, இந்தி என பிஸியான சித்தார்த், ஏழு ஆண்டுகளுக்குப் பிறகு
'180' என்ற படத்தின் மூலம் தமிழ் சினிமாவில் மறுபிரவேசம்
செய்திருக்கிறார்.

ஐநூற்றுக்கும் மேற்பட்ட விளம்பரப்படங்களையும்,
மார்கழி ராகங்கள் என்ற இசைப் படத்தையும் இயக்கிய ஜெயேந்திரா, இயக்கும்
முதல் திரைப்படம் இது. சத்யம் சினிமாஸ் மற்றும் அகல் பிலிம்ஸ் இணைந்து
தயாரிக்கும் இப்படம் தமிழ், தெலுங்கு ஆகிய இரு மொழிகளில் தயாராகிறது. இதில்
சித்தார்த், பிரியா ஆனந்த், நித்யாமேனன் ஆகியோர் நடிக்கின்றனர்.

180
என்ற படத்தின் தலைப்பே அனைவரின் மனதிலும் படத்தைப் பற்றிய பலவித
எதிர்பார்ப்புகளை ஏற்படுத்த, அதனை தெளிவுப்படுத்தும் விதமாக இப்படத்தினைப்
பற்றிய செய்திகளை முத முறையாக பகிர்ந்துகொள்ள, இன்று (மார்ச் 31)
பத்திரிகையாளர்கள் சந்திப்பை ஏற்பாடு செய்திருந்தார்கள் 180 படக்குழுவினர்.

இதில்
கலந்துகொண்டு படத்தின் தலைப்பை பற்றி கூறிய இயக்குநர் ஜெயேந்திரா, "180
என்ற தலைப்பை பலர் பலவிதமாக கற்பனை செய்துகொள்கிறார்கள். இது என்ன 180
நாட்களில் எடிக்கப்பட்ட படமா? அல்லது 180 டிகிரியா? என்று. ஆனால் அதுதான்
இல்லை. 180 என்பதுதான் கதை. கடந்துபோன காலத்தைப் பற்றியும்,
எதிர்காலத்தைப்பற்றியும் திட்டமிடுவதை விட, இந்த நேரத்தை வாழ்கின்ற இந்த
காலத்தை எப்படி இனிமையாக்கிக் கொள்வது என்பதை கூறுவதே இப்படத்தின் கதை.
இதற்கு பலவிதமான டைடில்களை நாங்கள் தேர்ந்தெடுத்தாலும், அதிகமாக கதையுடன்
ஒத்துப்போன டைட்டில் 180 தான்." என்றார்.

நீண்ட இடைவேளிக்குப் பிறகு
நான் நடிக்கும் தமிழ்ப் படம் இது. தெலுங்கை பொறுத்தவரையில் இதை எனது
படமாகத்தான் பார்ப்பார்கள். ஆனால் தமிழியில் இதை ஒரு படமாகத்தான்
பார்ப்பார்கள். அந்த அளவுக்கு மிக சிறப்பாக வந்திருக்கிறது. என்று கூறிய
சித்தார்த்திடம், "தமிழ் சினிமாவில் நீங்கள் பெரிய இயக்குநர்களின்
படங்களில் மட்டும்தான் நடிக்க வேண்டும் என்ற முடிவில் இருப்பதாக
சொல்கிறார்களே! என்று நிருபர் ஒருவர் கேட்க, " நான் எப்போது இதுபோல்
சொன்னதில்லை. நல்ல கதைகளைத்தான் நான் எதிர்பார்க்கிறேன். ஆனால் என்மீது
இப்படி ஒரு குற்றச்சாட்டு இருப்பதால் இதை நான் தெளிவுபடுத்த
விரும்புகிறேன். நான் தெலுங்கில் இதுவரை பதினைந்து படங்களில்
நடித்திருக்கிறேன் அதில் எட்டு படம் அறிமுக இயக்குநர்களுடையது. அதில்
ஒன்பதாவது இப்போது ஜெயேந்திரா இடம்பெற்றிருக்கிறார்.

தமிழிலும்
புதுமுக இயக்குநர்களுடன் நடிக்க நான் தயாராகத்தான் இருக்கிறேன். தமிழில்
நான் கதைகேட்டு அதை மறுத்ததில்லை. இப்போதும் நல்ல கதைகளுக்காக நான்
காத்துகொண்டிருக்கிறேன். தமிழ் சினிமாவை நான் மறக்கவில்லை தமிழ் சினிமாதான்
என்னை மறந்துவிட்டது. ஆனால் 180 படத்தின் மூலம் மறுபடியும் தமிழ்
ரசிகர்கள் என்னை அடையாளம் கண்டுகொள்வார்கள். தமிழில் நெறைய படங்களில்
நடிக்க வேண்டும் என்ற எனது ஆசை இப்படத்தின் மூலம் நிறைவேறும்." என்றார்.

ஜெயேந்திராவுடன்
இணைந்து சுபா இப்படத்திற்கு கதை, திரைக்கதை, வசனம் அமைத்திருக்கிறார்கள்.
பாலசுப்ரமணியம் ஒளிப்பதிவு செய்ய, ஷரத் வாசுதேவன் இசையமைத்திருக்கும்
இப்படத்தின் இசை ஏப்ரல் 14ஆம் தேதியன்று வெளியாகிறது.
நன்றி : தமிழ் சினிமா ஆன் லைன்

படம் வரட்டும் பார்ப்போம்