வயிற்றில் அடித்துக்கொண்டு விஜயகாந்த் கண்ணீர்!!

by **அருண்** Wed Mar 30, 2011 7:59 pm

அரியலூர் மாவட்டம் செந்துரையில் குன்னம் தொகுதி தேமுதிக வேட்பாளர் துரைகாமரஜை ஆதரித்து தேமுதிக தலைவர் விஜயகாந்த் பிரச்சாரம் செய்தார்.

அப்போது அவர், ‘’எனக்கு வலி இருக்கு. வலி இருக்குறதுனாலதான் பேசுகிறேன்.(அடித்தொண்டையில் பேசுகிறார்) எனக்கு மனுக்கள் வந்து குவியுது. ஒவ்வொரு மனுவையும் பிரித்துப்பார்த்தால் பஞ்சம், பசி,பட்டினி என்றுதான் இருக்கு. இதுதானா? ஏமாத்து உலகம்தானா? மக்கள் ஏமாந்துதான் போகனுமா?

எத்தனை எம்.எல்.ஏ. இருக்கீங்க. என்னய்யா பன்றீங்க. மக்கள் என்னய்யா கேட்டாங்க உங்ககிட்ட. பத்துகோடி கொடு அஞ்சுகோடி கொடுன்னா கேட்டாங்க.

மூனு வேள சோத்துக்கு கூட வழி இல்லாம இருக்காங்கடா பாவி பசங்களா’’ என்று சொல்லிவிட்டு கண்ணீருடன் வயிற்றில் அடித்துக்கொண்டார். பின்பு பேச்சுவாக்கில் கண்ணீரை துடைத்துக்கொண்டு,

’’அதைக்கூட செய்யாத இந்த கட்சிகளுக்கு எதுக்கு நீங்க ஓட்டுப்போடுறீங்க. ஏண்டா விஜயகாந்த் இப்படி பேசுறான்னு நினைக்காதீங்க. உண்மையிலே எனக்கு வந்த மனுக்கள படிச்ச ஆத்திரத்துல இப்படி பேசுறேன்.

எல்லா மனுக்களையும் படித்துப்பார்த்து என்னால் ஆன உதவிகளை செய்துவருகிறேன். தேர்தலுக்கு பிறகும் நான் நடிப்பேன். நடித்து அதில் வரும் பணத்தைக்கொண்டு தனிப்பட்ட முறையில் மக்களுக்கு என்னால் ஆன உதவிகளை செய்வேன்.

உழைச்சுதான் நான் மக்களுக்கு கொடுப்பேன். ஊழல் செய்து கொடுக்கமாட்டேன்’’ என்று ஆவேசமாய் பேசினார்

நக்கீரன்

by **Manik** Wed Mar 30, 2011 8:02 pm

பேசுனது என்னமோ நல்லாதான் பேசியிருக்காரு ஜெயித்த பின்பும் இதே மாதிரி இருக்க வேண்டும் மக்களுக்கு நல்லது செய்வாரா

by மஞ்சுபாஷிணி Wed Mar 30, 2011 8:05 pm

விஜயகாந்த் மார்க்கெட் இழந்த நடிகரானதால் தான் அரசியலுக்கே வந்திருக்கார்.....

ஆட்சிக்கு வந்தப்பின்னும் நடிப்பாராம் எங்க சினிமால இல்ல மக்கள் கிட்டயாம் புன்னகை

by **Manik** Wed Mar 30, 2011 8:06 pm

அப்படியா அப்ப விஜயகாந்த கூட நம்ப முடியாதா

by **சிவா** Wed Mar 30, 2011 8:08 pm

இதனால்தான் நடிகர்கள் அரசியலுக்குத் தகுதியானவர்களாகின்றனர்!

உலகமகா நடிப்புடா சாமி!

by மஞ்சுபாஷிணி Wed Mar 30, 2011 8:09 pm

by **Aathira** Wed Mar 30, 2011 8:19 pm

அனா தனிப்பட்ட முறையில அவர் கொஞ்சம் உதவி செய்யறதா கேள்விப்படறேன் சிவா. சில ஏழைங்க கிட்ட இருந்து என் காதுபட கேள்விப்பட்டது. எப்படின்னா ஒரு தெருவில் தீ விபத்து. நான்கைந்து வீடுகள் எரிந்ததாம். உடனடியாக வந்து அவர்களுக்குப் பணம் கொடுத்து உதவினாராம். இப்படியெல்லாம் செய்வதாக உதவி பெற்ற ஒரு பெண்மணி கூறினார்.