உலகம் அழியப்போகிறது!

by **அருண்** Mon Mar 28, 2011 1:07 pm

உங்களுக்கு நிறைவேறாத ஆசைகள் ஏதாவது இருக்கின்றதா?

இதை அனுபவிக்க வேண்டும் என்று நினைத்து அது முடியாமற் போனவை ஏதாவது உண்டா?

முக்கியமான சில செயல்களைச் செய்யாமல் தள்ளிப்போட்டுக் கொண்டே வருகிறீர்களா?

வாழ்க்கையில் நாலு பேருக்கு நல்லது செய்ய வேண்டும் என்ற எண்ணம் இருந்தும் எதுவும் செய்யாமல் இருக்கிறீர்களா?

எல்லாவற்றையும் உடனே செய்து முடித்து விடுங்கள்!இனிக் கால தாமதம் வேண்டாம்! ஏனெனில் உங்கள் வசம் இருக்கும் காலம் மிகக் குறைவு!

ஆம்! இந்த உலகம் அழியப்போகிறது!

வரும் மே மாதம்,21ஆம் தேதி மாலை 6.00 மணிக்கு உலகம் அழியப் போகிறது!

உலகில் உள்ளவர்களில் 2 விழுக்காடு மக்கள்,அந்த நேரத்தில் சொர்க்கம் சென்றடைவர்!மற்றவர்,மறு உலகம் சேர்வர்!

இது நான் சொல்லவில்லை;ஓக்லேண்ட்,கலிஃபோர்னியாவில் இருக்கும்,89 வயதான ஹரால்ட் கேம்பிங்க் என்ற மதபோதகர் கூறுகிறார்.

ஒரு பொறியாளராக இருந்து,போதகராக மாறிய இவர்,இவரைத்தொடர்பவர்களின் நன்கொடையினால் தொடங்கிய 66 வானொலி நிலையங்கள் மூலமாகப் பிரசாரம் செய்து வருகிறார்.அந்தப் பிரசாரத்தில் அவர் கூறியதே இது!யு.எஸ்.ஸில் 2000 விளம்பர அட்டைகள் மூலமும் இது விளம்பரப்படுத்தப் பட்டுள்ளது!

சிலஆறுதல்கள்—

உலககோப்பை கிரிக்கெட் முடிந்து விடும்!

தமிழ்நாட்டில் தேர்தல் முடிவு தெரிந்து புதிய ஆட்சி மலர்ந்து விடும்!

இப்போதைக்கு இவைதானே நம் முக்கிய கவலைகள்!

chennaipithan.blogspot

by உதயசுதா Mon Mar 28, 2011 1:31 pm

இந்த மாதிரி மக்களை பயமுறுத்தும் பித்தர்கள் கூட்டம் அதிகமாகிவிட்டது.இவர் சொன்னது போல நடக்கா விட்டால் இவரை மறு உலகம் அனுப்பிடலாமா

by ரபீக் Mon Mar 28, 2011 1:34 pm

போங்க பாசு ,,இவங்க எப்பவுமே இப்படித்தான் ,

by ஹாசிம் Mon Mar 28, 2011 2:06 pm

உலகம் இந்த திகதியில்தான் முடியும் என்பது சுத்தப்பொய்

ஆனால் என்றோ ஒருநாள் உலகம் முழுவதும் அழிந்துவிடும் என்பது இஸ்லாமியர்களின் நம்பிக்கை அத்தினம்பற்றி இறைவன் மாத்திரமே அறிந்தவன் இருந்தாலும் அதற்கு முன்னரான சில அறிகுறிகளை இறைவன் அறிவித்திருக்கிறான் அவை நடந்தேறும்போது உலக முடிவு வரும் என்பது இறைவனின் ஏற்பாடாகும்

ஆக இத்தினத்தில் இவ்விடத்தில் உலகம் முடியும் என்றிருந்தால் உலகில் எத்தனை சிக்கல்கள் பிரச்சினைகள் ஏற்படும் என்பதை நினைத்துப்பாருங்கள் மறைக்கப்பட்ட விடயங்களில் இதுவும் ஒன்று