இவனால எத்தன பசங்க கெட்டு போகப்போறாங்களோ

by balakarthik Tue Mar 22, 2011 5:34 pm

வீடு இது போல் அமைதியாக என்றுமே இருந்ததில்லை. சன் மியூசிக்கில் சூப்பர்ஸ்டார் சத்தமின்றி துபாய் பாடல் பாடிக்கொண்டிருந்தார். எனது அக்கா மகன் கருப்பு நிற சோஃபா மீது வெள்ளை முண்டா பணியனோடு அமர்ந்திருந்தான். அம்மா அவனுக்கு 167 டிகிரி எதிர்புறத்தில், தரையில் சிதறியிருந்த புத்தகங்களை அடுக்கிக் கொண்டிருந்தார். அவ்வபோது அம்மா அவனை முறைப்பது போலிருந்தது. மேலே படிக்கட்டில் இருந்து இறங்கி வந்துக் கொண்டிருந்தார் அக்கா. என்னைக் கண்ட அக்கா மகன் ”மாமா” என அழுதுக் கொண்டே ஓடிவந்தான்.

”ஏய். எங்க ஓடுற? ஒழுங்கா அங்கேயே உட்காரு”. அம்மாவின் அதட்டல் குரலுக்கு பயந்து அப்படியே உட்கார்ந்துவிட்டான். மெதுவாக அவனருகில் போய் அமர்ந்தேன். அம்மாவின் குரல் சன்னமாய் திட்டிக் கொண்டேயிருந்தது.

”இதெல்லாம் ஒரு புள்ள! என் தலையெழுத்து”

“ஊருல யாருமே இப்படி கிடையாது. எங்க இருந்துதான் இப்படி ஒரு புத்தியோ”

”இவனால எத்தன பசங்க கெட்டு போகப்போறாங்களோ”

உற்று கேட்டபோது ஏதோ பெரிய தப்பு செய்துவிட்டான் என்பது மட்டும் புரிந்தது. கண்களில் கண்ணீரே இல்லாமல் அழுதுக் கொண்டிருந்தான் அவன் . மாடிப்படியில் நின்றுக் கொண்டிருந்த அக்கா முறைத்துக் கொண்டேயிருந்தார். நானும் அவனிடம் மெதுவாக பேச்சுக் கொடுத்தேன்.

ஸ்விம்மிங் கிளாஸ் போனியாடா?

ம்ம்ம்

டியூஷன்?

ம்ம்

ஹோம் வொர்க் எல்லாம் முடிச்சிட்டியா?

ம்ம்

ஸ்கூல்ல யார் கூடவாது சண்டையா?

ம்ஹூம்.

எல்லாக் கேள்விகளுக்கும் வாயை திறக்காமலே பதில் சொன்ன விதம் லேசாக எரிச்சலை தந்தது என்பது உண்மைதான்.

என்னடா செஞ்ச?

ஒண்ணும் செய்யலடா.

அப்புறம் ஏன் அம்மா,பாட்டியெல்லாம் திட்டுறாங்க.?

அவங்க திட்டினா..

அவங்க திட்டினா நீ தப்பு செஞ்சிருக்கன்னு அர்த்தம். எதிர்த்து பேசாத.

நிஜமாவா?

ஆமாம்.

அவங்க திட்டினது என்னை இல்லை. உன்னை.

என்னையா? என்னடா.

பாட்டியும் நானும் மாடிக்கு துணிக் காய போட போனோம்.

இப்போது நான் ம்ம் கொட்டத் துவங்கினேன்.

ஈரமா இருந்த துணிய காய வச்சாங்க. சீக்கிரம் போலாம் பாட்டின்னா அவங்க செடிக்கு தண்ணி ஊத்த போனாங்க.

ம்ம்

இருட்டா இருந்துச்சா. எனக்கு பயமா இருந்துச்சு.

ம்ம்

கார்த்தி மாமா பயப்படவே மாட்டான் தெரியுமான்னு பாட்டி சொன்னாங்க. நானும் உடனே நீ சொல்ற மாதிரி ஒண்ணு சொன்னேன். அதுக்குத்தான் திட்டுறாங்க.

என்னடா சொன்ன?

“பாட்டி. துணி ஈரமா இருக்குன்னு காய வைக்கிற. செடி காய்ஞ்சு போயிருக்குன்னு ஈரமாக்க தண்ணி ஊத்துற. இதான் பாட்டி வாழ்க்கைன்னு சொன்னேன்.

அந்த நேரம் பார்த்து ஆபத்பாந்தவன், அனாதரட்சகன் மாதிரி நண்பன் அலைபேசியில் அழைத்தார், ஃபோனை காதில் வைத்துக் கொண்டே அம்மா, அக்காவைப் பார்க்காமல் வெளியே நைசாக சென்றுவிட்டேன். நண்பன் பேசிய எதுவும் கேட்காமல் அம்மா சொன்னது எதிரொலித்துக் கொண்டேயிருந்தது

”இதெல்லாம் ஒரு புள்ள! என் தலையெழுத்து”

“ஊருல யாருமே இப்படி கிடையாது. எங்க இருந்துதான் இப்படி ஒரு புத்தியோ”

”இவனால எத்தன பசங்க கெட்டு போகப்போறாங்களோ”

என்னைத்தான் திட்டியிருக்கிறார்கள் கோபம்

by கலைவேந்தன் Tue Mar 22, 2011 5:39 pm

திட்டறதா... நாலு சாத்து சாத்தி இருக்கனும்.. இப்படி குண்டக்கா மண்டக்கான்னு யோசிச்சா ... ? ரிலாக்ஸ்

by balakarthik Tue Mar 22, 2011 5:58 pm

கலை wrote:திட்டறதா... நாலு சாத்து சாத்தி இருக்கனும்.. இப்படி குண்டக்கா மண்டக்கான்னு யோசிச்சா ... ?

என்ன செய்யறது என்ன போல அறிவாளிகளுக்கு எப்பவுமே இந்த உலகதாள கஷ்டம்தான்

by balakarthik Wed Mar 23, 2011 11:59 am

தெரியாம‌ ஒரு நாள் லீவ் போட்டேங்க‌. சும்மாதானே இருக்க‌.ஸ்கூலுக்கு போய் அக்கா பையனா கூட்டிட்டு வான்னு அம்மா சொன்னாங்க‌. நானும் போனேன். என் கெட்ட‌ நேர‌ம், அவனோட த‌மிழ் டீச்ச‌ர் என்கிட்ட‌ ஏதோ பேசுணும்னு சொன்னாங்க‌.

டீச்ச‌ர் : நீங்க‌ அவ‌ங்க‌ அங்கிளா? இவ‌னுக்கு வாய் ரொம்ப‌ அதிக‌மா இருக்குங்க‌.

நான் : என்ன‌ செஞ்சான் மிஸ்?

டீச்ச‌ர் : ஹோம் ஒர்க் செய்யாத‌ ப‌ச‌ங்க‌ள‌ வெளிய‌ நிக்க‌ வ‌ச்சிருக்காங்க‌ ச‌யின்ஸ் டீச்சர். இவ‌ன் கூட‌ வெளிய‌ வ‌ந்த‌ ப‌ச‌ங்க‌க்கிட்ட‌ "நாம ஹாஸ்ட‌லுக்கு போயிட‌லாம்டா"ன்னு சொன்னானாம். கேட்டா ஹாஸ்ட‌ல் ஒர்க் யாரு த‌றாங்க‌ன்னு சொல்றான்.

நான் :ஓ. விளையாட்டா சொல்லிட்டான் மிஸ். சாரி

டீச்ச‌ர் : அது ப‌ர‌வாயில்லைங்க‌. இவ‌ன் கூட‌ ரேஹான்னு ஒரு பைய‌ன் ப‌டிக்கிறான். கொஸ்டீன் பேப்ப‌ர் ரொம்ப‌ ட‌ஃப். ஆன்ச‌ர் ப‌ண்ற‌து ரொம்ப‌ க‌ஷ்ட‌ம்னு சொல்லியிருக்கான் அவ‌ன். அதுக்கு இவ‌ன் விடுறா. பேப்ப‌ர் திருத்த‌ மிஸ் அதை விட‌ ரொம்ப‌ க‌ஷ்ட‌ப்ப‌டுவாங்க‌னு சொல்லியிருக்கான். ஃபோர்த் ஸ்டேன்ட‌ட்ர்டு பைய‌ன் பேசுற‌ பேச்சா சார் இது?

நான் :அவ‌ங்க‌ பேர‌ன்ட்ஸ் கிட்ட‌ சொல்றேன்.

டீச்ச‌ர் : இது ம‌ட்டுமில்லாம‌ ரைமிங் வேர்ட்ஸா பேசுறான். காரு பேர்தான் இன்டிகா. காருல‌ போற‌வ‌ங்க‌ மோனிகான்னு எல்லோருக்கும் சொல்லிக் கொடுத்துட்டான். எல்லா ப‌ச‌ங்க‌ளும் அதையே சொல்லி அந்த‌ பொண்ணு தின‌மும் அழ‌றா.இந்த‌ மாதிரி எல்லோருக்கும் ஒரு ரைமிங் ட‌ய‌லாக் சொல்றான். ப‌டிக்கிற‌ பைய‌ன் செய்ற‌ வேலையா இது?

நான் :புரியுது மிஸ். நீங்க‌ கொஞ்ச‌ம் மிர‌ட்டி, அடிச்சு பார்க்க‌லாமே?

டீச்ச‌ர் : அடிக்கிற‌தா?அத‌ நீங்க‌தான் செய்ய‌ணும். மார்க் எல்லாம் ந‌ல்லா எடுக்கிறான். கிளாஸ்ல‌ அமைதியா இருக்கான். ல‌ன்ச் டைம்ல‌, ஸ்கூல் முடிஞ்ச‌வுட‌னேதான் இதெல்லாம் செய்றான். இவ‌ன‌ ப‌த்தி க‌ம்ப்ளைய‌ன்ட் வ‌ராத நாளே கிடையாது.

நான் : அவ‌ன் அப்பாகிட்ட‌ சொல்றேன் மிஸ். அவருக்குத்தான் பயப்படுவான்.

டீச்ச‌ர் : ஒவ்வொரு கிளாஸிலும் வால்ப‌ச‌ங்க‌ 10, 15 பேர் இருப்பாங்க‌. அந்த‌ கிளாஸ் டீச்ச‌ர் எல்லாம் நிம்ம‌தியா இருக்காங்க‌. இந்த ஒரே ஒரு பையன வ‌ச்சிக்கிட்டு நான் ப‌டுற‌ அவ‌ஸ்தை இருக்கே

நான் சோகம்

மன‌சுக்குள் அய்ய்ய்ய‌ய்ய்ய்ய்யோ என்று சொல்லிக் கொண்டேன்)

டீச்ச‌ர் : ஸ்கூலில் எல்லாம் பிர‌ச்சினை இல்லைங்க‌. இவ‌ன‌ திருத்த‌ ஒரு வ‌ழிதான் இருக்கு. நீங்க‌தான் செய்ய‌ணும்

நான் :சொல்லுங்க‌ மிஸ். நான் செய்றேன்.

டீச்ச‌ர் : உங்க‌ வீட்டு ப‌க்க‌த்துல‌ யாரோ ஒருத்த‌வ‌ங்க‌ தான் இவ‌ன‌ கெடுக்கிறாங்க‌. இந்த‌ மாதிரி மொக்கையா பேசுற‌ ஆளு யாராவ‌து இருந்தா அவ‌ங்க‌ கூட‌ இவ‌ன‌ சேர‌ விடாதீங்க‌. பேச‌வே விடாதீங்க‌. அவ‌ன‌ அடிச்சா இவ‌ன் திருந்திடுவான்

நான் : அப்ப‌டியா? தேங்க்ஸ் மிஸ். நான் யாருன்னு பார்க்கிறேன்.

(நானும் அவனும் கிளம்ப, அவன் மட்டும் கிளாஸ்ரூமுக்குள் போன மிஸ்ஸை முறைத்துக் கொண்டிருந்தான்)

நான் : எதுக்குடா அந்த மிஸ்ஸ முறைக்கிற?

அதுக்கு அவன் என்கிட்ட பேச வேணாம்ன்னு உன்கிட்டயே சொல்றாங்க. அந்த மொக்கையே நீதான்னு தெரில. இவங்க சொல்லிக் கொடுத்து நாங்க என்ன படிச்சு…. இவங்க மிஸ் இல்லைடா. ஜஸ்ட் மிஸ்…

by உதயசுதா Wed Mar 23, 2011 12:02 pm

அய்யோ பாலா எல்லாரும் என்னை ஆபீசுல வேடிக்கை பார்க்குராங்கடா.என்ன இவங்க இப்படி சிரிக்குராங்கன்னு.சிரிச்சு சிரிச்சு கண்ணுல தண்ணீயே வந்துடுத்துடா .எங்கடா போய் இருந்தா இவ்வளவு நாளும்?

by balakarthik Wed Mar 23, 2011 12:30 pm

இது போன விடுமுறயில் நடந்தது.

”சக்கர சீக்கிரம் வைடா. சாப்பிட உட்கார்ந்திட்டான் பாரு” என்று சொன்னாராம் பாட்டி. சக்கரபாணியும் பொறுப்பாக இட்லி வைத்திருக்கிறான். “உன்னை சக்கரதானே வைக்க சொன்னாங்க. இட்லி வைக்கிற” என்றானாம் இவன்.

மாட்டர் இதுவல்ல இது போன்ற தொடர் மொக்கைகளை கவனித்த பக்கத்து வீட்டு அக்கா (கவனிக்க: அவனுக்கு மட்டுமே அக்கா) “என்னம்மா பேசுறான்.. எங்கடா கத்துக்கிட்ட?” என்று வியந்தாராம். எங்க கார்த்தி மாமாகிட்ட கத்துக்கிட்டேன் என்று பதில் சொன்னானாம் இவன் .தகவலோடு ஃபோன் நம்பரும் தந்திருக்கலாம். இன்னும் கொஞ்சம் பயிற்சி வேண்டுமோ?????????

by கலைவேந்தன் Wed Mar 23, 2011 12:36 pm

எப்படி இது பாலா... எப்படின்னேன்...? உனக்கு மட்டும் மூளை இம்புட்டு ரொம்பி வழியுதே எப்படின்னேன்..?

ரசித்தேன் பாலா.. தொடருங்க..

by மஞ்சுபாஷிணி Wed Mar 23, 2011 12:40 pm

balakarthik wrote:வீடு இது போல் அமைதியாக என்றுமே இருந்ததில்லை. சன் மியூசிக்கில் சூப்பர்ஸ்டார் சத்தமின்றி துபாய் பாடல் பாடிக்கொண்டிருந்தார். எனது அக்கா மகன் கருப்பு நிற சோஃபா மீது வெள்ளை முண்டா பணியனோடு அமர்ந்திருந்தான். அம்மா அவனுக்கு 167 டிகிரி எதிர்புறத்தில், தரையில் சிதறியிருந்த புத்தகங்களை அடுக்கிக் கொண்டிருந்தார். அவ்வபோது அம்மா அவனை முறைப்பது போலிருந்தது. மேலே படிக்கட்டில் இருந்து இறங்கி வந்துக் கொண்டிருந்தார் அக்கா. என்னைக் கண்ட அக்கா மகன் ”மாமா” என அழுதுக் கொண்டே ஓடிவந்தான்.

”ஏய். எங்க ஓடுற? ஒழுங்கா அங்கேயே உட்காரு”. அம்மாவின் அதட்டல் குரலுக்கு பயந்து அப்படியே உட்கார்ந்துவிட்டான். மெதுவாக அவனருகில் போய் அமர்ந்தேன். அம்மாவின் குரல் சன்னமாய் திட்டிக் கொண்டேயிருந்தது.

”இதெல்லாம் ஒரு புள்ள! என் தலையெழுத்து”

“ஊருல யாருமே இப்படி கிடையாது. எங்க இருந்துதான் இப்படி ஒரு புத்தியோ”

”இவனால எத்தன பசங்க கெட்டு போகப்போறாங்களோ”

உற்று கேட்டபோது ஏதோ பெரிய தப்பு செய்துவிட்டான் என்பது மட்டும் புரிந்தது. கண்களில் கண்ணீரே இல்லாமல் அழுதுக் கொண்டிருந்தான் அவன் . மாடிப்படியில் நின்றுக் கொண்டிருந்த அக்கா முறைத்துக் கொண்டேயிருந்தார். நானும் அவனிடம் மெதுவாக பேச்சுக் கொடுத்தேன்.

ஸ்விம்மிங் கிளாஸ் போனியாடா?

ம்ம்ம்

டியூஷன்?

ம்ம்

ஹோம் வொர்க் எல்லாம் முடிச்சிட்டியா?

ம்ம்

ஸ்கூல்ல யார் கூடவாது சண்டையா?

ம்ஹூம்.

எல்லாக் கேள்விகளுக்கும் வாயை திறக்காமலே பதில் சொன்ன விதம் லேசாக எரிச்சலை தந்தது என்பது உண்மைதான்.

என்னடா செஞ்ச?

ஒண்ணும் செய்யலடா.

அப்புறம் ஏன் அம்மா,பாட்டியெல்லாம் திட்டுறாங்க.?

அவங்க திட்டினா..

அவங்க திட்டினா நீ தப்பு செஞ்சிருக்கன்னு அர்த்தம். எதிர்த்து பேசாத.

நிஜமாவா?

ஆமாம்.

அவங்க திட்டினது என்னை இல்லை. உன்னை.

என்னையா? என்னடா.

பாட்டியும் நானும் மாடிக்கு துணிக் காய போட போனோம்.

இப்போது நான் ம்ம் கொட்டத் துவங்கினேன்.

ஈரமா இருந்த துணிய காய வச்சாங்க. சீக்கிரம் போலாம் பாட்டின்னா அவங்க செடிக்கு தண்ணி ஊத்த போனாங்க.

ம்ம்

இருட்டா இருந்துச்சா. எனக்கு பயமா இருந்துச்சு.

ம்ம்

கார்த்தி மாமா பயப்படவே மாட்டான் தெரியுமான்னு பாட்டி சொன்னாங்க. நானும் உடனே நீ சொல்ற மாதிரி ஒண்ணு சொன்னேன். அதுக்குத்தான் திட்டுறாங்க.

என்னடா சொன்ன?

“பாட்டி. துணி ஈரமா இருக்குன்னு காய வைக்கிற. செடி காய்ஞ்சு போயிருக்குன்னு ஈரமாக்க தண்ணி ஊத்துற. இதான் பாட்டி வாழ்க்கைன்னு சொன்னேன்.

அந்த நேரம் பார்த்து ஆபத்பாந்தவன், அனாதரட்சகன் மாதிரி நண்பன் அலைபேசியில் அழைத்தார், ஃபோனை காதில் வைத்துக் கொண்டே அம்மா, அக்காவைப் பார்க்காமல் வெளியே நைசாக சென்றுவிட்டேன். நண்பன் பேசிய எதுவும் கேட்காமல் அம்மா சொன்னது எதிரொலித்துக் கொண்டேயிருந்தது

”இதெல்லாம் ஒரு புள்ள! என் தலையெழுத்து”

“ஊருல யாருமே இப்படி கிடையாது. எங்க இருந்துதான் இப்படி ஒரு புத்தியோ”

”இவனால எத்தன பசங்க கெட்டு போகப்போறாங்களோ”

என்னைத்தான் திட்டியிருக்கிறார்கள்