ரத்த அழுத்தம்: எமனின் ஏஜென்ட்

by மீனு Wed Sep 02, 2009 9:39 pm

நோய்கள்கூட வசதியற்றவர்களுக்கு எதிராகத்தான் இருக்கின்றன. உயர் ரத்த அழுத்தமானது 40 வயதுக்கு மேற்பட்டவர்களுக்கு சாதாரணமாக வரும் உடல்நலப் பிரச்னை. இதற்கு மரபு ரீதியான காரணங்கள் போக, நம்முடைய வாழ்க்கை முறையும் முக்கியப் பங்கு வகிக்கிறது. நீங்கள் அழுத்தம் அதிகமுள்ள வேலை பார்ப்பவராக இருந்தால், உங்களுக்கு நிச்சயமாக ரத்த அழுத்த நோய் பிற்காலத்தில் ஏற்படும்.

தமனிகளில் ரத்தமானது அதிக அழுத்தத்தில் தொடர்ந்து பாய்வதுதான் ரத்த அழுத்தம் என்று குறிப்பிடப்படுகிறது. இது தொடர்ந்து நிகழும் பட்சத்தில் தமனியின் உள்புற செல்கள் சேதமடையும். இதனால், மாரடைப்பு, சிறுநீ

ரகம் சேதமடைவது போன்ற மிக மோசமான உடல் நலப் பிரச்னைகள் ஏற்படும்.

சமீத்தில் மேற்கொள்ளப்பட்ட ஆய்வுகளின்படி, சிஇஓ, எக்ஸிக்யூட்டிவ்கள் ஆகியோரைவிட, கீழ்மட்டத்தில் பணியாற்றும் தொழிலாளர்களுக்குத்தான் ரத்த அழுத்த நோய் வரும் வாய்ப்பு அதிகமுள்ளதாகத் தெரியவந்திருக்கிறது. இவர்கள் வேலையிலிருந்து ஓய்வுபெற்ற பிறகும் வேலையில் இருக்கும்போது அனுபவித்த அழுத்ததை அனுபவிக்கிறார்கள். மிக அழுத்தம் அதிகமுள்ள வேலை பார்க்கும் தொழிலாளர்களுக்கு மன அழுத்தம் ஏற்படும். இந்த அழுத்தம் அவ்வளவு சீக்கிரம் சரியாகது. அவர்கள் 75 வயதைத் தாண்டிய பிறகும் இந்த அழுத்தம் நீடிக்கும்.

50 வயதுக்கு மேற்பட்ட 22,000 பேரிடம் மேற்கொள்ளப்பட்ட ஆய்விலிருந்து இது தெரியவந்திருக்கிறது. அவர்களது வேலை, அந்தஸ்து, வாழ்க்கை முறை ஆகியவை இதில் கணக்கில் எடுத்துக்கொள்ளப்பட்டன. நிர்வாகிகள், சிஇஓக்களில் ஆரம்பித்து, அடிமட்டத் தொழிலாளர்கள் வரை இதில் அடக்கம். அதில், நல்ல அந்தஸ்தில் இருப்பவர்களுக்கு ரத்த அழுத்த நோய் தாக்குவது குறைவாகவும் வசதி குறைந்தவர்களுக்கு அந்நோயின் தாக்கம் அதிகம் இருப்பதும் தெரிய வந்திருக்கிறது.

இவ்வளவு நாட்களாக பணக்காரர்களையே இந்நோய் அதிகம் தாக்குவதாகே கருதப்பட்டு வந்த நிலையில், இந்த ஆய்வு ஒரு மாறுபட்ட முடிவைத் தந்திருக்கிறது. கீழ்மட்டத்தில் இருக்கும் தொழிலாளர்கள், ஒரு குறிப்பிட்ட காலகட்டத்தில், குறிப்பிட்ட அளவு வேலையைச் செய்துமுடிக்க வேண்டும் என்ற கட்டுப்பாடு அவர்களுக்குள் பெரும் அழுத்தத்தை ஏற்படுத்துவதாக மருத்துவர்கள் சொல்கிறார்கள். அந்த சமயத்தில் ஏற்படும் ரத்த அழுத்தம், அப்படியே நிலைத்து விடுகிறது என்கிறார்கள் அவர்கள். இந்த ஆய்வு முடிவு ஜர்னல் ஆஃப் ஆக்குபேஷனல் எண்ட் என்விராண்மென்டல் மெடினிசில் பதிப்பிக்கப்பட்டது.

ரத்த அழுத்தம்: எமனின் ஏஜென்ட் 9124

லண்டனிலிருக்கும் யுனிவர்சிட்டி கல்லூரியின் கேன்சர் ரிசர்ச் யுகே மேற்கொண்ட மற்றொரு ஆய்வின்படி புகைபிடிப்பவர்கள் ரத்த அழுத்த நோயினால் மரணமடையும் வாய்ப்பு அதிகமிருப்பதாக தெரியவந்திருக்கிறது. ரத்த அழுத்த நோய் இருப்பதாகக் கண்டறியப்பட்டிருப்பவர்கள் உடனடியாக புகைபிடிக்கும் பழக்கத்தை நிறுத்த வேண்டும் என்கிறது அந்த ஆய்வு. தவிர புகைப்பிடிப்பவர்கள் ஒவ்வொருவரும் தனக்கு ரத்த அழுத்த நோய் இருக்கிறதா என்று 30 வயதைத் தாண்டியவுடனேயே பரிசோதனை செய்துகொள்ள வேண்டும் என்கிறார்கள் மருத்துவர்கள்,. காரணம், புகைப் பிடிப்பவர்களுக்கு இதய நோய் வரும் வாய்ப்பு ஏற்கனவே இருக்கிறது. ரத்த அழுத்தம் இந்த வாய்ப்பை மேலும் அதிகரிக்கும் என்கிறார்கள் மருத்துவர்கள். ரத்த அழுத்தம், இதய நோய், புகைப் பழக்கம்

- இந்த மூன்றும் உங்களுக்கு இருந்தால், மரணம் கூப்பிடும் தாரத்தில் இருக்கிறது என்று அர்த்தம்.