நாய் செய்த ஆபரேஷன்!

by **சிவா** Mon Mar 21, 2011 3:32 pm

ஜேம்ஸ் லிட்டில் (வயது 61) என்பவர் நீரிழிவு நோயால் பாதிக்கப்பட்டவர். கால்களில் உள்ள சில விரல்களை ஆபரேஷன் செய்து நீக்கும் அளவுக்கு தீவிர நோய் பாதிப்பு இருந்தது. ஆபரேஷனுக்கு சரியான நாளை எதிர்பார்த்து காலம் கடத்தி வந்தார் ஜேம்ஸ்.

சம்பவத்தன்று அவர் அயர்ந்து தூங்கிக் கொண்டிருந்தார். அப்போது அவரது வளர்ப்பு நாய் `ஷிபா இனு' அருகில் படுத்திருந்தது. திடீரென்று எஜமானரின் காலை மோந்து பார்த்த நாய், 3 விரல்களை அல்வா துண்டுபோல கடித்து தின்றுவிட்டது. அந்த விரல் பகுதிகளில் உணர்ச்சி இல்லாததால் நடந்தது எதுவும் தெரியாமல் எஜமானர் ஆழ்ந்து தூங்கிக் கொண்டிருந்தார்.

காலையில் கண்விழித்தபோது தனது விரல்கள் நாயால் பதம் பார்க்கப்பட்டது கண்டு அதிர்ச்சி அடைந்த அவர், அலறியடித்துக் கொண்டு ஆஸ்பத்திரிக்குச் சென்றார். பரிசோதனை செய்த டாக்டர்கள் `ஆபத்து ஒன்றுமில்லை, நாங்கள் செய்ய வேண்டிய வேலையை நாய் செய்துவிட்டது' என்றார்கள். நாய்க்கு ஏதாவது பாதிப்பு ஏற்படுமோ என பரிசோதித்து வருகிறார்கள் டாக்டர்கள். இந்த சம்பவம் நடந்தது

அமெரிக்காவில்.இப்போது செலவில்லாமல் ஆபரேஷன் முடிந்துவிட்ட சந்தோஷத்தில் குதிக்கிறார் பெருசு!