புகுந்த வீட்டுக்குப் புகழ் தேடும் கிரிக்கெட் வீரர்கள்---அறிமுக நாயகன்

by மகா பிரபு Mon Mar 21, 2011 11:32 am

பெண்கள் ஒரு வீட்டில் பிறந்து, மற்றொரு வீட்டிற்கு வாழச் சென்று பிறந்த வீட்டிற்கும், புகுந்த வீட்டிற்கும் புகழைச் சேர்ப்பது இயற்கை. இதைப் போலவே ஒரு நாட்டில் பிறந்த கிரிக்கெட் வீரர்கள் மற்றொரு நாட்டிற்காக விளையாடி புகழைத் தேடி வருகிறார்கள்.

இங்கிலாந்து அணி:

இங்கிலாந்து அணியில் விளையாடும் தலை சிறந்த பல வீரர்கள் வெளிநாடுகளில் பிறந்தவர்கள்.

1. கேப்டன் ஸ்ட்ராஸ் (தென் ஆப்ரிக்கா)

2. பீட்டர்சன் (தென் ஆப்ரிக்கா)

3. ட்ராட் (தென் ஆப்ரிக்கா)

4. மேட் பிரியர் (தென் ஆப்ரிக்கா)

5. கெய்ஸ்வெட்டர் (தென் ஆப்ரிக்கா)

6. ஸ்டீவ் டேவிஸ் (தென் ஆப்ரிக்கா)

7. மோர்கன் (அயர்லாந்து)

8. ரவி பொபாரா (இந்தியா)

9. ஒவை ஷா (பாகிஸ்தான்)

இவர்களில் மோர்கன் அயர்லாந்து அணிக்காக சில சர்வதேசப் போட்டிகள் விளையாடியவர் என்பது
குறிப்பிடத்தக்கது.

இந்தியாவில் பிறந்த 16 பேர் இங்கிலாந்து அணிக்காக விளையாடி உள்ளனர்.அவர்களுள் நாசர் ஹுசைன் (சென்னை), ராபின் ஜாக்மேன் (தற்போதைய வருணனையாளர்), சென்ற உலகக் கோப்பையின் போது இறந்த பாப் உல்மர் (கான்பூர்), பட்டோடி போன்றோர் முக்கியமானவர்கள்.

மார்க் ராம்பிரகாஷ் மற்றும் மாண்டி பனேசர் ஆகிய இருவரும் இங்கிலாந்தில் பிறந்தாலும், இவர்கள் இந்திய வம்சாவழியினர்.

ஆஸ்திரேலிய அணி:
ஆஸ்திரேலிய அணியில் விளையாடும் சைமன்ட்ஸ் இங்கிலாந்தில் பிறந்தவர் என்பது குறிப்படத் தக்கது. அது போல ட்ரிக் நன்னிஸ் நெதர்லாந்தில் பிறந்து அந்த அணிக்காகவும் சில போட்டிகள் விளையாடியவர்.

மேற்கு இந்திய தீவுகள்:
மேற்கு இந்திய தீவு அணியில் விளையாடும் பலர் இந்திய வம்சா வழியை சேர்ந்தவர்கள்.

ராம்நரேஷ் சர்வான்,

சிவநாரயண சந்திரபால்,

தினேஷ் ராம்தின்,

டேரன் கங்கா,

ரவி ராம்பால்,

நாகமுத்து,

தேவேந்திர பிஷு ஆகியோர் முக்கியமானவர்கள்.

எனினும் மேற்கு இந்திய தீவில் உள்ள ட்ரினிடாட் & டுபாகோ வில் பிறந்த ராபின் சிங் இந்திய அணிக்காக, அதுவும் தனது முதல் போட்டியில் மேற்கு இந்திய தீவுகள் அணிக்கு எதிராகவே விளையாடினார் என்பது முக்கியமானது.

உலகக்கோப்பை கனடா அணியில் இடம் பெற்ற ஒன்பது பேர் 9 பேர் வெளிநாட்டு வீரர்கள்.
நெதர்லாந்து அணியின் டென் டஸ்காட் தென் ஆபிரிக்காவில் பிறந்தவர்.

இவர்கள் இடம்பெயரக் காரணங்கள்:

1. வம்சா வழியினராக செல்லல்
2. தாய் அல்லது தந்தை வெவ்வேறு நாடாக இருத்தல்
3. வேலை நிமித்தமாக செல்லுதல்.

4. தன்னுடைய நாட்டில் கிரிக்கெட் அணி இல்லாதது.

ஐசிசி விதி என்னக் கூறுகிறது?
1.ஒரு அணிக்காக விளையாடும் ஒருவர் எந்த நாட்டில் வேண்டுமானாலும் பிறந்து இருக்கலாம்.
2. ஒரு அணிக்காக விளையாடிவிட்டு, மற்றொரு அணிக்காக விளையாட வேண்டுமானால் 5 ஆண்டுகள் காத்து இருக்க வேண்டும்.
3. ஆனால் டெஸ்ட் அந்தஸ்த்து பெறாத அணியில் விளையாடிய ஒருவர், டெஸ்ட் அந்தஸ்த்து பெற்ற அணியில் உடனே விளையாடலாம். ஆனால் மீண்டும் பழைய அணிக்குத் திரும்ப 5 ஆண்டுகள் காக்க வேண்டும்.

எது எப்படியோ தான் விளயாடும் அணிக்காக தான் முழு திறமையையும் வெளிப்படுத்தினால் சரி.

என்றும் அன்புட்ன் அறிமுக நாயகன்.............

by உதயசுதா Mon Mar 21, 2011 11:35 am

எங்கே பிறந்து இருந்தால் என்ன? தான் நாட்டு அணிக்காக நன்றாக விளையாடினால் அது போதும்.

by **Manik** Mon Mar 21, 2011 11:39 am

இப்ப கூட நீங்க ஒரு சிறந்த கிரிக்கெட் வீரரா இருந்தா ஆஸ்திரேலியா போன்ற பெரிய அணிகள் கூட உங்களை வரவேர்கும். நீங்க அந்த ஊருக்கு போயி வேலை பாத்தா போதும் உடனே அந்த ஊரு சிட்டிசனாக்கி மாசம் பல கோடி சம்பாதிக்கலாம். ஆனால் திறமை இருக்கனும்

by ஹாசிம் Mon Mar 21, 2011 11:45 am

ஆக இலங்கை பாக்கிஸ்தான் அணிகள் மாத்திரம் வெளிநாட்டவர்களை உள்வாங்குவதில்லை பாக்கிஸ்தான் பற்றி சரியாக தெரியாது ஆனால் இலங்கை இல்லவே இல்லை என்று கூறலாம்

நல்ல தகவல் முதல் தடவையாக அறிந்தேன்
நன்றி

by **Manik** Mon Mar 21, 2011 11:47 am

பாகிஸ்தான் இப்ப இருக்குற நாட்டு நிலைமைல யாராவது அங்க போவாங்களா நண்பரே. இலங்கையும் அதே மாதிரிதான் எப்ப எந்த நாடு போர் தொடுக்குமோ என்ற அபாயத்தில் யார் தான் அங்க போவாங்க சுத்தி பாக்க கூட அங்க போகமாட்டாங்க

by மகா பிரபு Mon Mar 21, 2011 5:52 pm

பங்க்ளதேசிலும் யாரும் வெளி நாட்டின இல்லை.

by **சிவா** Wed Mar 23, 2011 5:18 pm

இப்பொழுது நடைபெற்று வரும் உலகக் கோப்பைப் போட்டியில் உள்ள அணி வீரர்களில் இந்தியா, இலங்கை, பாகிஸ்தான், வங்கதேசம், ஜிம்பாப்வே, வெஸ்ட் இண்டீஸ் அணிகளில் வேறு நாட்டைச் சேர்ந்தவர்கள் இல்லை.

by மஞ்சுபாஷிணி Wed Mar 23, 2011 5:23 pm

சிவா wrote:இப்பொழுது நடைபெற்று வரும் உலகக் கோப்பைப் போட்டியில் உள்ள அணி வீரர்களில் இந்தியா, இலங்கை, பாகிஸ்தான், வங்கதேசம், ஜிம்பாப்வே, வெஸ்ட் இண்டீஸ் அணிகளில் வேறு நாட்டைச் சேர்ந்தவர்கள் இல்லை.