இந்திய கோடீஸ்வரர் முகேஷ் அம்பானி அமெரிக்க வங்கி வாரிய குழு தலைவராக தேர்வு

by சிவசங்கர் Sat Mar 19, 2011 6:28 pm

நியுயார்க் மார்ச்சு 18- இந்தியாவின் ரிலையன்ஸ் குழு தலைவர் கோடீஸ்வரர் முகேஷ் அம்பானி அமெரிக்க வங்கி வாரியத்தின் உயர்மட்ட குழு உறுப்பினராகத் தேர்ந்தெடுக்கபட்டுள்ளார். இதன்மூலம் அமெரிக்க வங்கியின் மிகவும் பலமான ஒரு பதவி அவருக்குக் கிட்டியுள்ளது. அமெரிக்க வங்கி முதலீட்டில் முதலிடம் வகிக்கும் ஒரு நிறுவனமாகும்.அந்நிறுவனத்தில் இடம்பெற்ற முதல் அமெரிக்கர் அல்லாதவர் முகேஷ் அம்பானியாவார்.இது இந்தியாவிற்குக் கிடைத்த பெருமை என்பதை விட ஒரு சாதனை என்றும் தாராளமாகக் கூறலாம்.முகேஷ் அம்பானி எதிர்வரும் வங்கி வாரிய குழு தேர்தலில் போட்டியிடுவார் என்று வங்கி அதிகாரிகள் தெரிவித்தனர். அமெரிக்க வங்கியின் உயர்மட்ட உறுப்பினர்களுள் ஒருவரான சார்ல்ஸ் ஹொலிடே கூறுகையில் 'அம்பானியை எங்கள் அமெரிக்க வங்கியின் உயர்மட்ட குழு உறுப்பினராக தேர்ந்தெடுத்ததின் மூலம் எங்கள் வங்கி நிறைய நன்மைகளை அடையவிருக்கிறது. வங்கி நிர்வாகத்தை எந்த ஒரு இக்கட்டான சூழ்நிலையும் வராமல் தற்காப்பதிலும், பல்முனை வாணிப நடவடிக்கைகள்,குறிப்பாக தகவல் தொழில்நுட்பம், நெட்வொர்க் துறைகளிலும் மிகவும் அனுபவம் வாய்ந்தவர்' என்றார்.
இந்தியாவில் முகேஷ் அம்பானி பிரதமர் இலாகாவில் வாணிப பிரிவின் ஆலோசகராகவும் இருந்து வருகிறார் என்பது குறிப்பிடத்தக்கது. 'வணக்கம் மலேசியா' [

Uploaded with ImageShack.us]

by **Manik** Sat Mar 19, 2011 7:14 pm

நல்ல தகவல்

by கலைவேந்தன் Sat Mar 19, 2011 8:17 pm

ஒரு தலை சிறந்த திருடனின் மகன் என்னும் அந்தஸ்து இருப்பதால் பாராட்டலாம்... ஆனால் இதனால் இந்தியாவுக்கு என்ன பயன் என்ரு யோசிக்க வேண்டும்... காசிருந்தால் வாங்கலாம் ஐயோ பாவம்... என்னும் பாடல் நினைவுக்கு வருகிறது.. என்ன கொடுமை சார் இது