இன்று பூமிக்கு மிக அருகில் வருகிறது நிலவு

by eegaraiviswa Sat Mar 19, 2011 2:41 pm

பூமியை ஒரு நீள் வட்டப் பாதையில் சுற்றிவரும் நிலவு, இன்று பூமிக்கு மிக அருகில் வருகிறது. இதனால் நமது பார்வைக்கு வழக்கமாகத் தெரியும் அளவை விட மிகப் பெரிதாக நிலவு தெரியும்.

பூமியில் இருந்து நிலவு சுற்றிவரும் சுழற்சிப் பாதையில் அதன் சராசரி தூரம் 2,38,857 மைல்களாகும், அதாவது 3,84,403 கி.மீ. அது ஒரு நீள் வட்டப் பாதையில் பூமியை சுற்றி வருவதால் பூமிக்கு குறைந்த தூரத்திலும், பூமியில் இருந்து மிக அதிக தூரத்திற்கும் சென்று சுற்றி வருகிறது. அதன் சுழற்சிப் பாதையில் பூமியில் இருந்து வெகு தூரத்திற்கும் செல்லும்போது (அபோஜி) பூமியில் இருந்து 4,06,395 கி.மீ. தூரம் வரை செல்கிறது. இந்த நேரத்தில் வரும் பெளர்ணமி அன்று நிலவு மிகச் சிறியதாகத் தெரியும்.

அது தனது சுழற்சிப் பாதையில் பூமிக்கு மிக அருகில் வரும்போது (பெரிஜி) அதன் தூரம் 3,57,643 கி.மீ. ஆக சுருங்குகிறது. இப்படிப்பட்ட நிலைதான் இன்று ஏற்படுகிறது. பெளர்ணமி தினமான இன்று நிலவு பூமிக்கு மிக அருகில் வருகிறது. பூமியில் இருந்து அதனை நாம் காணும் தூரம் 2,21,567 மைல்களாக, அதாவது 3,54,507.2 கி.மீ. தூரத்திற்கு வருகிறது. இதனால் நிலவு மிகப் பெரியதாகத் தெரியும்.

இப்படிப்பட்ட குறைந்த தூரத்திற்கு நிலவு வருவது ஒவ்வொரு ஆண்டும் நிகழவில்லை என்று அறிவியலாளர்கள் கூறுகின்றனர். இதற்கு முன்பு 1955, 1974, 1992, 2005 ஆகிய ஆண்டுகளில் நெருக்கமாக நிலவு வந்தது. அதன் பிறகு ஆறே ஆண்டுகளில் பூமிக்கு நெருக்கமாக வருகிறது.

இன்று வானத்தில் மேக மூட்டம் ஏதுமில்லாமல் இருந்தால் நீங்கள் அழகிய நிலவை மிக அருகில் நின்று பார்ப்பது போன்ற உணர்வுடன் பார்க்கலாம்.

நிலவு இப்படி பூமியை நெருங்கி வருவதால் கடல் பொங்கும் (எல்லா பெளர்ணமி, அமாவாசை தினங்களிலும்தான் பொங்குகிறது), நில நடுக்கம் ஏற்படும், எரிமலைகள் வெடித்துச் சீரும் என்றெல்லாம் எக்கச்சக்க புரளிகளும் பரவி வருகின்றன. ஆனால் இதையெல்லாம் அறிவியலாளர்கள் மறுத்துள்ளனர். இன்றைக்கு கடலில் எழும் அலைகள் அதிகமாக இருக்கும் என்று மட்டும் கூறியுள்ளனர்.

by **மாணிக்கம் நடேசன்** Sat Mar 19, 2011 2:50 pm

ஓகே, ஒரு பாலத்தைப் போட்டு ஏறி போயிடலாமே!

by கலைவேந்தன் Sat Mar 19, 2011 5:08 pm

அப்ப சரி.. நிலா காட்டி ஏமாத்தும் அன்னையர்கள் இன்னைக்கு ரெம்ப கிட்டத்துல நிலா காட்டி ஏமாத்தலாம்... ஜாலி

- அடம் பிடிக்கும் கொழந்தே

by மஞ்சுபாஷிணி Sat Mar 19, 2011 5:10 pm

அவசர தகவல் அன்னையர் அனைவருக்கும்...

நிலா நிலா ஓடிவான்னு எந்த தாயும் பாடிடாதீங்கப்பா.... அப்புறம் நிலா வீட்டு சோபாவில் வந்து அழையா விருந்தாளியா உட்கார்ந்துகிட்டு சண்டிவில சேனல் மாத்த சொல்லி கேட்டுர போகுது...

by சாந்தன் Sat Mar 19, 2011 5:13 pm

ஆகா இந்த காட்சி கானகிடைத்தால் மிக்க நன்றாக இருக்கும் ...
நன்றி தகவலுக்கு

by **Manik** Sat Mar 19, 2011 5:13 pm

நேத்து எங்க வீட்ல 9 டூ 9.30 வரைக்கும் மின்சாரம் இல்ல அதனால வெளிய போயி நிலாவைப் பாத்தேன் ரொம்ப பிரகாசமா ரொம்ப வெளிச்சமா இருந்துச்சு. பாக்க ரொம்ப அழகா இருந்துச்சு

by மஞ்சுபாஷிணி Sat Mar 19, 2011 5:14 pm

by **Manik** Sat Mar 19, 2011 9:34 pm

ஹைய்யா நான் பாத்துட்டேன் ரொம்ப பெருசா இருக்கு நிலா

by கலைவேந்தன் Sat Mar 19, 2011 10:16 pm

நீங்க சொன்னதைப் படித்தவுடன் நானும் ஓடிப்போய் மொட்டைமாடியில் பார்த்தேன் மானிக்... எனக்கென்னவோ வித்தியாசம் தெரியவில்லை... டெல்லி என்பதால் சுருங்கி விட்டதோ..? ஜாலி