ஹலோ ஜாக்கிரதை.... போலி சாமியார் ஜாக்கிரதை...

by மஞ்சுபாஷிணி Sat Mar 19, 2011 1:32 am

போலி சாமியார் ஜாக்கிரதை....
ஒரு நாள் காலை பதினோரு மணி இருக்கும்... வீட்டு வாசலில் சாமியார் போல நின்றிருந்த பெரியவர் யாசகம் கேட்க, நான் சாப்பாடு கொடுத்தேன். திடீரென அருள் வந்தது போல குரலை மாற்றி, ''உன் பழைய நட்பு உன் குடும்பத்தையே அழிக்கப் போகுது. உன் பழைய காதலன் உனக்கு செய்வினை வெச்சிருக்கான்'' என்று அவர் வார்த்தைகளை வீச, பதறிப் போனேன். நான் பள்ளியில் படிக்கும்போது, ஏதுமறியாத வயதில் காதலித்த சக மாணவனின் முகம், சட்டென்று மனதில் ஊசியாக வந்து இறங்க, உதறல் எடுத்தது எனக்கு. நான் நிலை குலைந்ததைப் பார்த்த அந்தச் சாமியார், சட்டென குரலை தாழ்த்தி, ''ஒண்ணும் பிரச்னையில்ல... இந்த மந்திரிச்ச தாயத்தை வீட்டுல வாங்கி வெச்சுக்கிட்டா போதும். நூறு ரூபா கொடு’ என்று கேட்டார். மூளையை யோசிக்க விடாமல், என் மனசு துரத்த, சட்டென பணத்தைக் கொடுத்து தாயத்தை வாங்கிக் கொண்டு, அவரை அவசரமாக அனுப்பி வைத்தேன்.

வீட்டுக்குள் வந்து பதற்றம் அடங்கியபோதுதான் ஓர் உண்மை புரிந்தது. ஆணாக இருக்கட்டும்... பெண்ணாக இருக்கட்டும்... பலருக்கும் ஏதாவது ஒரு ரூபத்தில் 'முன்னாள் காதல்' இருப்பதற்கு வாய்ப்புகள் உண்டு. அதை ஒரு யூகமாக வைத்துக் கொண்டு, சாமியார் போல் வேடமிட்டு, இப்படி வார்த்தைகளிலேயே பயமுறுத்தும் ஒருவனின் வக்கிர வித்தைக்கு பலியாகிவிட்டேன் என்ற உண்மைதான் அது!

- ஓர் அப்பாவி பெண்

நன்றி விகடன்