மலேசியாவில் நாடுகடந்த தமிழீழ அரசாங்கம்

by கண்ணன்3536 Fri Mar 18, 2011 9:47 am

உலகத் தமிழ் மக்களிடையே தனது செயற்பாடுகளை விரிவாக்கம் செய்யும் நோக்கில், நாடுகடந்த தமிழீழ அரசாங்கம் மலேசியாவில் கூட்டரங்கொன்றை நடாத்தியுள்ளது.

மலேசியத் தலைநகர் கோலாலம்பூரில் மார்ச் 12 சனியன்று இடம்பெற்ற இந்நிகழ்வில நாடுகடந்த தமிழீழ அரசாங்கத்தின் துணைப் பிரதமர் இ.செல்வநாதன் - துணை வெளிவிவகார அரசியல்துறை துணை அமைச்சர் க. மாணிக்கவாசகர் - சபாநாயகர் பொன்.பாலராஜன் ஆகியோருடன் மலேசிய பினாங்கு மாநில துணை முதலமைச்சர் முனைவர் பி. இராமசாமி - மனித உரிமைச் செயல்பாட்டாளர் வழங்கறிஞர் பசுபதி ஐயா உட்பட பலர் பங்கெடுத்திருத்தனர்.

நாடுகடந்த தமிழீழ அரசாங்கத்தின் பிரதமர் விசுவநாதன் உருத்திரகுமாரன் அவர்கள் இணையவழி பரிவர்தனையூடாக நிகழ்வில் பங்கெடுத்திருந்தார்.

இன அழிப்பு, மனித இனத்திற்கெதிரானக் குற்றங்கள், தமிழர்களுக்கு எதிரான போர்க் குற்றங்கள் போன்றவற்றை புரிந்தவர்களை நீதியின் முன் நிறுத்துவதற்கு கணிசமான பங்களிப்பு செய்வது.

- தமிழ் மக்களின் பாரம்பரிய நிலங்களைப் பறித்து மக்களை இடமாற்றம் செய்ய சிறிலங்கா அரசாங்கமும் அதன் இராணுவமும் மேற்கொண்டுள்ள தீவிரமான செயல்பாடுகளைத் தடுத்து நிறுத்துவதற்கு திடமான நடவடிக்கைகள் மேற்கொள்வது.

- இன அழிப்பிற்கு ஆளாக்கப்பட்டுள்ள தமிழ் மக்களின் பாதுகாப்பை உறுதி செய்வதற்கான ஒரே வழி சுதந்திர தமிழீழ நாடு அமைக்கப்படுவதுதான் என்ற அனைத்துலக உடன்பாட்டை உருவாக்குவதில் வெற்றி பெறுவது"

ஆகிய விடயங்கள் நாடுகடந்த தமிழீழ அரசாங்கத்தின் பிரதான் முக்கிய பணியெனக் தனதுரையில் குறிப்பிட்ட பிரதமர் விசுநாதன் உருத்திரகுமாரன் அவர்கள், எதிர்வரும் ஜூலை மாதம், சுதந்திர நாடாக மலர இருக்கின்ற தென் சூடானில், நாடு கடந்த தமிழீழ அரசாங்கம், தனது முதல் உயர்காரியாலயத்தை உத்தியோகபூர்வமாக அமைக்க இருப்பதாகவும் தெரிவித்தார்.

அமைதி வழியிலும், ஆயுத வழியிலும் ஒரு சுதந்திர நாட்டை உருவாக்குவதற்காக போராடிய ஈழத்தமிழர்கள், இன்று சட்டமைப்பு வழியூடாக போராட்டத்தை தொடர்கின்றனர். அவர்களுக்கான முழுமையான ஆதரவை வழங்க மலேசியர்கள் நாடுகடந்த தமிழீழ அரசாங்கத்தின் இலட்சியத்தின் பின்னால் அணிதிரளவேண்டுமென மலேசிய பினாங்கு மாநில துணை முதலமைச்சர் முனைவர் பி. இராமசாமி அவர்கள் கோரினார்.

தொடர்ந்து நாடுகடந்த தமிழீழ அரசாங்கத்தின் பிரதிநிதிகள் - மலேசியப் பிரதிநிதிகள் நாடுகடந்த தமிழீழ அரசாங்கத்தை அவசியம் குறித்தும் அது கொண்டிருக்கின்ற தமிழீழ இலட்சியத்தை வென்றடைய உலகத் தமிழர்களின் ஒன்றிணைவையும் எடுத்துரைத்தனர்.

நாதம் ஊடகசேவை
தகவல்துறை அமைச்சகம்
நாடுகடந்த தமிழீழ அரசாங்கம்