கம்யூனிஸ்ட் கட்சிகளுடன் அதிமுக சமரச பேச்சு

by **Tamilzhan** Thu Mar 17, 2011 2:50 pm

அதிமுக வேட்பாளர் பட்டியல் அறிவிக்கப்பட்டதால் அதிர்ச்சியில் இருந்த 2 கம்யூனிஸ்ட் கட்சிகளின் தலைவர்களிடம் அதிமுக சார்பில் இன்று சமரச பேச்சுவார்த்தை நடத்தப்பட்டது.

முன்னதாக தாங்கள் கேட்ட தொகுதிகளில் அதிமுக வேட்பாளர்களை நிறுத்தப்பட்டுள்ளதாகக் கூறி கம்யூனிஸ்ட்கள் மற்றும் அதிமுக கூட்டணிக் கட்சித் தலைவர்கள் தேமுதிக அலுவலகத்தில் இன்று காலை ஆலோசனை நடத்தினர். அவர்கள் 3-வது அணி அமைக்கக்கூடும் என்றும் செய்திகள் வெளியாயின.

இந்த நிலையில் அதிருப்தியில் உள்ள கம்யூனிஸ்ட் கட்சித் தலைவர்களுடன் அதிமுக சார்பில் ஓ.பன்னீர்செல்வமும், செங்கோட்டையனும் இன்று சமரச பேச்சு நடத்தினர். கம்யூனிஸ்ட்கள் விரும்பும் தொகுதிகள் அவர்களுக்கு அளிக்கப்படும் என இருவரும் உறுதியளித்ததாக செய்திகள் தெரிவிக்கின்றன.