கேரள மாணவிகளை காதலித்து தீவிரவாதிகளாக மாற்றும் திட்டம்; உளவுத்துறை எச்சரிக்கை

தென்
இந்திய நகரங்களை குறி வைத்துள்ள பாகிஸ்தான் தீவிரவாதிகள் முதல் கட்டமாக
தங்களுக்கு ஆதரவாளர்களை உருவாக்கும் முயற்சிகளில் ஈடுபட்டுள்ளனர்.

அவர்களுக்கு கேரள மாநிலம் வயநாடு பகுதியில் உள்ள இளைஞர்களுடன் தொடர்பு ஏற்பட்டு இருப்பது சமீபத்தில் கண்டு பிடிக்கப்பட்டது.

இந்த
நிலையில் கேரள மாநில கல்லூரி மாணவிகளை ஏமாற்றி, காதலித்து திருமணம்
செய்யும் முயற்சிகளில் தீவிரவாதிகள் ஈடுபட்டுள்ளதாக தெரியவந்துள்ளது. இந்த
மாணவிகளை நாளடைவில் அவர்கள் தற்கொலை படை தீவிரவாதிகளாக மாற்றக்கூடும்
என்று மத்திய உளவுத்துறை எச்சரித்துள்ளது.

சில
மாதங்களுக்கு முன்பு 2 எம்.பி.ஏ. மாணவிகள் முஸ்லிம் வாலிபர்களை காதலிப்பது
தெரிந்தது. பிறகு அந்த 2 மாணவிகளும் காணாமல் போய் விட்டனர்.

அந்த
2 மாணவிகளின் பெற்றோரும் தங்கள் மகளை கண்டுபிடித்து மீட்டுத்தருமாறு கேரள
ஐகோர்ட்டை நாடினார்கள். கோர்ட் உத்தரவுப்படி 2 மாணவிகளையும் போலீசார்
மீட்டனர். அந்த சமயத்தில் 2 மாணவிகளில் ஒருவர் முஸ்லிம் வாலிபரை திருமணம்
செய்திருந்தார்.

போலீஸ்
விசாரணையின் போது 2 மாணவிகளும் பல திடுக்கிடும் தகவல்களை தெரிவித்தனர்.
தங்களை முஸ்லிம் மதத்துக்கு மாற அந்த வாலிபர்கள் வலியுறுத்தியதாக
கூறினார்கள்.

மேலும்
புனிதப்போர் நடத்தினால் சொர்க்கம் கிடைக்கும் என்றும் அந்த வாலிபர்கள் 2
மாணவிகளையும் மூளை சலவை செய்துள்ளனர். அதோடு சில தற்கொலை தாக்குதல் வீடியோ
காட்சிகளையும் காட்டி உள்ளனர்.

இது
பற்றி தெரிய வந்ததும் மத்திய உளவுத்துறை தீவிர விசாரணை நடத்தியது. அப்போது
மாணவிகளை ஏமாற்றி காதலித்து தீவிரவாதிகளாக மாற்ற ஒரு தனிப்பிரிவே
இயங்குவது கண்டுபிடிக்கப்பட்டது.
இது பற்றி முழுமையான விசாரணை நடத்த கேரள மாநில போலீசார் தனிப்படை உருவாக்கி வேட்டையை தொடங்கி உள்ளனர்.