இந்தியாவுக்கு போட்டியாக பாகிஸ்தானும் ஏவுகணை சோதனை நடத்தியது

by **சிவா** Sat Mar 12, 2011 9:17 am

இந்தியாவுக்கு போட்டியாக பாகிஸ்தானும் ஏவுகணை சோதனை நடத்தியது: அணுஆயுதங்களை சுமந்து செல்லக்கூடியது

இஸ்லாமாபாத், மார்ச்.12- இந்தியா நேற்று தனுஷ், பிருத்வி என்ற 2 ஏவுகணைகளை வெற்றிகரமாக சோதித்து பார்த்தது. இதற்கு போடடியாக பாகிஸ்தானும் நேற்று ஏவுகணை சோதனை நடத்தியது. அணுஆயுதங்களை சுமந்து செல்லக்கூடிய அப்தாலி என்ற பெயருள்ள ஏவுகணையை அது சோதித்து பார்த்தது.

இந்தியா சோதனை

இந்தியா நேற்று தனுஷ், பிருத்வி என்ற 2 ஏவுகணைகளை வெற்றிகரமாக சோதித்து பார்த்தது. தனுஷ் கடற்படை கப்பலில் இருந்து ஏவப்பட்டது. பிருத்வி ஏவுகணை கண்டம் விட்டு கண்டம் தாக்கும் திறன் கொண்டது.

இதற்கு போட்டியாக பாகிஸ்தான் நேற்று ஏவுகணை சோதனை நடத்தியது. குறுகிய தூரம் சென்று தாக்கக்கூடிய இந்த ஏவுகணைக்கு அப்தாலி அல்லது ஹட்ப்-2 என்று பெயர். இது கண்டம் விட்டு கண்டம் பாயக்கூடியது. இது 180 கி.மீ.தூரம் செல்லக்கூடியது.

அணு ஆயுதங்களை

இது அணுஆயுதங்களையும் மரபு ரீதியான ஆயுதங்களையும் சுமந்து செல்லக்கூடியது. இலக்குகளை மிகச்சரியாக தாக்கக்கூடியது.

இந்த சோதனை எந்த இடத்தில் நடத்தப்பட்டது என்பது தெரிவிக்கப்படவில்லை.

ராணுவ தளபதிகளின் முன்னிலையில்

ராணுவ முப்படைகளின் தலைவர் ஜெனரல் ஷமிம் ஐதர் வைன்உள்ளிட்ட தளபதிகள் பார்வையிட்டனர். தேசப்பாதுகாப்பை பலப்படுத்த நாம் இன்னும் அதிக தூரம் செல்லவேண்டும் என்று முப்படைகளின் தலைவர் ஜெனரல் ஷமிம் தெரிவித்தார்.

இந்த சோதனை நிகழ்ச்சியில் விஞ்ஞானிகளும், பொறியியல் நிபுணர்களும் கலந்து கொண்டனர்.

பாராட்டு

இந்த சோதனை வெற்றிகரமாக நடந்ததாக ராணுவ அதிகாரிகள் தெரிவித்தனர். இந்த சோதனையை வெற்றிகரமாக நடத்தியதற்காக விஞ்ஞானிகளையும், பொறியியல் நிபுணர்களையும் அதிபர் சர்தாரியும், பிரதமர் கிலானியும் பாராட்டினார்கள்.

தரையில் இருந்து ஏவப்படும் ஏவுகணை திட்டத்தில் மேம்பாடுகளை செய்யும் தொடர் திட்டத்தின் ஒரு அங்கமாக இந்த சோதனை நடத்தப்பட்டதாக ராணுவம் வெளியிட்டு உள்ள அறிக்கையில் கூறப்பட்டு உள்ளது.

by ரபீக் Sat Mar 12, 2011 11:38 am

by **Aathira** Sat Mar 12, 2011 4:03 pm

இதுக்கெல்லாம் நாங்க பயப்பட மாட்டோம்ல.. இந்தியாவுக்கு போட்டியாக பாகிஸ்தானும் ஏவுகணை சோதனை நடத்தியது 102564

by உதயசுதா Sat Mar 12, 2011 5:14 pm

இந்தியாவுக்கு போட்டியா ஏவுகணைய தான் இவனுகலாள விடமுடியும்.எங்க இந்தியா மக்களை போல படிச்சு முன்னுக்கு வார சொல்லுங்க பார்க்கலாம்.அதுல நாங்கதானே எப்பவும் நம்பர் 1

by பிரகாசம் Sat Mar 12, 2011 5:18 pm

இதுக்கெல்லாம் நாங்க பயப்பட மாட்டோம்ல.. இந்தியாவுக்கு போட்டியாக பாகிஸ்தானும் ஏவுகணை சோதனை நடத்தியது 102564

உதயசுதா wrote:இந்தியாவுக்கு போட்டியா ஏவுகணைய தான் இவனுகலாள விடமுடியும்.எங்க இந்தியா மக்களை போல படிச்சு முன்னுக்கு வார சொல்லுங்க பார்க்கலாம்.அதுல நாங்கதானே எப்பவும் நம்பர் 1

நெத்தியடி