யுவராஜ் "உலக' சாதனை!

by **சிவா** Mon Mar 07, 2011 12:37 am

பெங்களூரு: அயர்லாந்துக்கு எதிராக அபாரமாக பந்துவீசிய இந்திய வீரர் யுவராஜ் சிங் 31 ரன் மட்டும் கொடுத்து 5 விக்கெட் வீழ்த்தினார். இதன் மூலம் உலக கோப்பை வரலாற்றில் இடது கை சுழற்பந்துவீச்சாளராக, மிகச் சிறந்த பந்துவீச்சை பதிவு செய்து, சாதனை படைத்தார்.

பெங்களூருவில் நடந்த "பி' பிரிவு உலக கோப்பை லீக் போட்டியில் இந்தியா, அயர்லாந்து அணிகள் மோதின. கடந்த போட்டியில் இங்கிலாந்தை வீழ்த்தி அதிர்ச்சி அளித்த அயர்லாந்துக்கு, இம்முறை யுவராஜ் சிங் வேட்டு வைத்தார். சுழலில் மிரட்டிய இவர் வரிசையாக விக்கெட்டுகளை கைப்பற்றினார். பிரதான சுழற்பந்துவீச்சாளர்களான ஹர்பஜன், பியுஸ் சாவ்லா சொதப்பிய நிலையில், "பார்ட் டைம்' பவுலரான யுவராஜ் பட்டையை கிளப்பினார். முதலில் ஆன்ட்ரூ ஒயிட்டை வெளியேற்றினார். பின் "ஆபத்தான' கெவின் ஓ' பிரையனை அவுட்டாக்கி திருப்புமுனை ஏற்படுத்தினார். கடந்த போட்டியில் இங்கிலாந்துக்கு எதிராக 50 பந்துகளில் 100 ரன்கள் எடுத்த கெவின், உலக கோப்பை அரங்கில் அதிவேக சதம் அடித்தார். இம்முறை இவர் யுவராஜ் பந்தில் அவரிடமே "கேட்ச்' கொடுத்து வெறும் 9 ரன்களுக்கு நடையை கட்ட, இந்திய ரசிகர்கள் நிம்மதி அடைந்தனர். அயர்லாந்து சார்பில் அதிபட்சமாக 75 ரன்கள் எடுத்த அந்த அணியின் கேப்டன் போர்ட்டர்பீல்டும், யுவராஜ் வலையில் சிக்கினார். தொடர்ந்து மூனே, "அதிரடி' கியுசக்கை வெளியேற்றிய இவர், உலக கோப்பை அரங்கில் முதல் முறையாக 5 விக்கெட் கைப்பற்றினார்.

இம்முறை பாகிஸ்தான் கேப்டன் அப்ரிதி அனைத்து போட்டிகளிலும் விக்கெட் வேட்டை நடத்தி வருகிறார். இதே போல யுவராஜும் சாதித்து வருகிறார். இவர் பேட்டிங்கிலும் அதிரடி காட்டினால், இந்திய அணியின் கோப்பை கனவு நிச்சம் நனவாகும்.

by ரபீக் Mon Mar 07, 2011 1:06 am

மிகவும் சிறந்த முறையில் யுவ்ராஜ் ஆட்டம் இருந்த்து

by Guest Mon Mar 07, 2011 1:22 am

இந்தியர் ( தமிழன் ) எல்லோயும் எளிதிள் நம்புவர் என்பதிற்க்கு இதை விட சிறந்த உதாரணம் எதுவும் இல்லை. வாழ்க பாதரம்.

by Guest Mon Mar 07, 2011 1:28 am

இந்தியர் ( தமிழன் ) எல்லோயும் எளிதிள் நம்புவர் என்பதிற்க்கு இதை விட சிறந்த உதாரணம் எதுவும் இல்லை. வாழ்க பாதரம். ஏற்கனவே முடிவு செய்யப்பட்டு விட்ட முடிவு இது . இத்தியா பாகிஸ்தான் தான் இறுதி போட்டியில் விளையாடும் . இதனால் ஏற்படும் இலாபம் உங்களுக்கும் தெரியாதூ எனக்கும் தெரியாது. ஏன்னா நாம இந்தியன். ஜெய் ஹித்