ஈகரையில் புதிய பகுதி - ஈகரை மணமாலை..!

by கலைவேந்தன் Mon Feb 28, 2011 11:41 pm

அன்பார்ந்த ஈகரை உறவுகளே..

ஈகரை எப்போதுமே தமது உறவினர்களுக்கும் அவர்தம் சொந்தங்களுக்கும் இயன்றவரை நல்லவை செய்ய முன்வருவது அனைவரும் அறிந்ததே..!

ஈகரை மூலம் ஜாதகப்பலன் பெற்றோரின் எண்ணிக்கை ஆயிரத்தைத் தாண்டி உள்ளதே அதற்கான சான்றாகும்.

அந்த வழிமுறையில் இன்று ஒரு புதிய பகுதி ஒன்றை ஈகரை நிறுவனர் சிவா அவர்களுடைய முழு ஆசியோடு தொடங்கி வைப்பதில் மனமகிழ்கிறேன்.

இந்த ஈகரை மணமாலைப்பகுதியில் ஈகரை உறுப்பினர்களும் அவர்களின் உறவினர்களும் பங்குபெற்று பயனடையும் விதத்தில் மணமக்கள் சேவை தொடங்க எண்ணி இச்சுபக்காரியத்தைத் தொடங்கி வைக்கிறேன்.

இந்த பகுதியில் திருமணமாகாத வரன்கள் சுயமாகவோ தமது உறவினரின் சார்பாகவோ தமது விவரங்களைப் பதிவதன் மூலம் உலகெங்கும் இருக்கும் தமிழர்களின் பார்வைக்கு செல்வதோடு எண்ணற்றோர் பயனும் பெற வலுவான உதவியாக இருக்கும் என நம்புகிறேன்.

இந்த பகுதியில் பதியும் வரன்கள் தமது உண்மை விவரங்களை முழுவதும் பதிய வேண்டுமென்பது இல்லை. பொதுவான விவரங்களும் விரும்பினால் புகைப்படமும் பதியலாம். விருப்புள்ளவர்கள் தலைமை நடத்துனர் மற்றும் நடத்துனர் நிர்வாகக்குழுவினர் மற்றும் நிறுவனர் சிவா அவர்களின் முன்னிலையில் தமது முழுவிவரங்களைப் பரிமாறிக்கொள்ளலாம்.

ஈகரை மூலம் மணம் நிச்சயமாகும் நிலையில் ஈகரையின் சார்பாக அவர்களுக்கு வாழ்த்துப் பத்திரமும் சிறு பரிசும் வழங்கப்படும்.

இச்சேவையை திறம்பட உண்மையுடன் நேர்மையுடன் பயன் படுத்திக்கொள்ள வேண்டிக்கொள்கிறேன்.

திருமணம் முடிக்கும் முன் மணமக்கள் பரஸ்பரம் தகவல்களை உறுதிப்படுத்திக் கொள்ள கேட்டுக்கொள்கிறோம். ஈகரையோ நிர்வாகமோ எந்த வித உத்தரவாதமும் தர இயலாது என்பதையும் அனைவரும் அறியவும்.

இது ஒரு புதிய முயற்சியே.. வெற்றி சதவீதம் நோக்கி இப்பகுதி தொடர்வதா வேண்டாமா என நிர்வாகம் முடிவு செய்யும்..!

இது தொடர்பான உங்கள் அனைவரது ஆலோசனைகளையும் இங்கே வழங்கலாம்.

மணமகன் தேவை / மணமகள் தேவை என்ற தலைப்பில் உங்கள் விவரங்களைத் தனித்திரியாகப் பதியவும்.

தேவைக்கேற்ப விதிமுறைகளை வகுக்கவும் மாற்றம் செய்யவும் ஈகரைக்கு முழு உரிமை உண்டு என்பதை அறியவும்..!

உங்கள் பொன்னான கருத்துக்களை இதே திரியில் மட்டுமே பதியவும்...!

by **Tamilzhan** Tue Mar 01, 2011 12:21 am

அருமையான யோசனை இதில் மதம் வாரியாக பிரித்தால் நன்றாக இருக்கும் இப்போ வேண்டாம் இப்பகுதியின் வெற்றீயை பொருத்து பிரித்துக் கொள்ளலாம் என ஆலோசனை வழங்குகிறேன்..!! [You must be registered and logged in to see this image.]