புது யுகம் படைத்திட புறப்படு பெண்ணே

by **மு.வித்யாசன்** Sat 26 Feb 2011 - 19:36

முடியும் என்ற வார்த்தை சொல்லி - இனி
ஒவ்வொரு பொழுதுகளும் விடியட்டும்
எழும் தடைகள் யாவும் - இனி
திரை விலகிடும் என இமை பிரியட்டும்...

காலமிட்ட கைவிலங்குகள்
கர்ஜித்து அவிழட்டும்
ஞாலம் யாவும் நம் பெயர் சொல்லி
காற்று பயணிக்கட்டும்...

அடிமை, மடமை,கொடுமை; யாவுமினி
அடுப்பு நெருப்பாக எரியட்டும்
நிஜ உரிமை, முகம் கொண்டு;
நிலம்தனில் நம் பாதம் தடம் பதிக்கட்டும்...

படுக்கைக்கும், இனப் பெருக்கத்திற்கும்
பிறவி எடுத்த இயந்திர வாழ்க்கை புதையட்டும்
உடுக்கை என ஆண்கள் கையிடுக்கில்
அகப்பட்டு கண்ணீர் வடிக்கும் அவலம் மாறட்டும்...

படிப்புக்கும், படைப்புக்கும்
நம் பெயர் சொல்லி பிறவிகள் எடுக்கட்டும்
துடிக்கும் மீனினமாய் யிருந்த கதைகள் மாறி
விண்மீன் பிடித்து நம் விரல்கள் விளையாடட்டும்...

வெறும் பேச்சில் மட்டுமிருக்கும் நம் சுதந்திரம் - இனி
விடும் ஒவ்வொரு மூச்சு காற்றிலும் கலந்திருக்கட்டும்
ஏடுகளில் மட்டும் படிந்திருக்கும் நம் உணர்வுகள் - இனி
எல்லோர் இதயங்களிலும் அழுத்தி எழுதட்டும்....

இச்சமூகத்தின் முன் அணு அணுவாய் கொல்லப்படுவதும்
நாளுக்கொரு விதமாய் ஆளுக்கொன்றாய் மெல்லப்படுவதும்
உருக்குலைந்து காய்ந்த சருகாய் காலம் கழிப்பதும் - இனி போதும்
புறப்படு பெண்ணே புது யுகம் படைத்திட !!

காதல் கவிஞன் மாறினான்..புரட்சிக் கவியாய். சிரி

புரட்சிகவிஞனின் வார்த்தைகள்
எழுத்து வடிவில் எழுந்திட சொல்கிறது..
புறப்படச் சொல்கிறது..பெண்ணினத்தை.. புது யுகம் படைத்திட புறப்படு பெண்ணே 678642

எழுச்சி கவிதை..அருமை..நண்பா.... புது யுகம் படைத்திட புறப்படு பெண்ணே 154550

by கலைவேந்தன் Sun 27 Feb 2011 - 15:07

எழுச்சிக்கவிதை மிக மிக அருமை இளவலே..சிறப்புக்கவிஞர் மிகவும் அற்புதக்கவிஞராய் மிளிர்வது கர்வமுற வைக்கிறது..

பிறவியெடுத்த... உடுக்கை என ...விரல்கள்...அணு அணுவாய்...

பாராட்டுக்கள் கவி இளவலே..!

by **மு.வித்யாசன்** Sun 27 Feb 2011 - 21:12

கலை அண்ணா தவறுகளை சுட்டி காட்டியதற்கு நன்றி. வார்த்தைகளை திருத்தி விட்டேன்.

வாழ்த்துக்கு நன்றி !

சூரியாவிற்கும் எனது நன்றி !!

by **Aathira** Sun 27 Feb 2011 - 21:59

//இச்சமூகத்தின் முன் அணு அணுவாய் கொல்லப்படுவதும்
நாளுக்கொரு விதமாய் ஆளுக்கொன்றாய் மெல்லப்படுவதும்
உருக்குலைந்து காய்ந்த சருகாய் காலம் கழிப்பதும் - இனி போதும்
புறப்படு பெண்ணே புது யுகம் படைத்திட !!//

பெண்ணின எழுச்சிக் கவிஞன் வித்தாயாசன்... அருமையான கவிதையால் எனக்குள்ளும் ஒரு சிறு பொறியை மூட்டி விட்டீர்கள்.. இந்த எழுச்சித் தூண்டலுக்குப் பெண்ணினம் சார்பாக என் அன்பான வாழ்த்துக்களும் நன்றியும்..

வித்யாசன்.. பெண்கள் தினத்திற்கு ஒரு கூட்டத்தில் தலைமை தாங்கபோகிறேன். இந்தக் கவிதையின், மேலே காட்டியுள்ள வரிகளை உங்கள் அனுமதியுடன், உங்கள் பெயருடன் பயன்படுத்திக்கொள்ளட்டுமா?

by varsha Mon 28 Feb 2011 - 7:44

புது யுகம் படைத்திட புறப்படு பெண்ணே 677196

by **மு.வித்யாசன்** Tue 1 Mar 2011 - 22:05

Aathira wrote://இச்சமூகத்தின் முன் அணு அணுவாய் கொல்லப்படுவதும்
நாளுக்கொரு விதமாய் ஆளுக்கொன்றாய் மெல்லப்படுவதும்
உருக்குலைந்து காய்ந்த சருகாய் காலம் கழிப்பதும் - இனி போதும்
புறப்படு பெண்ணே புது யுகம் படைத்திட !!//

பெண்ணின எழுச்சிக் கவிஞன் வித்தாயாசன்... அருமையான கவிதையால் எனக்குள்ளும் ஒரு சிறு பொறியை மூட்டி விட்டீர்கள்.. இந்த எழுச்சித் தூண்டலுக்குப் பெண்ணினம் சார்பாக என் அன்பான வாழ்த்துக்களும் நன்றியும்..

வித்யாசன்.. பெண்கள் தினத்திற்கு ஒரு கூட்டத்தில் தலைமை தாங்கபோகிறேன். இந்தக் கவிதையின், மேலே காட்டியுள்ள வரிகளை உங்கள் அனுமதியுடன், உங்கள் பெயருடன் பயன்படுத்திக்கொள்ளட்டுமா?

தாராளமாக எடுத்து கொள்ளுங்கள். தமிழ் வார்த்தை நம் பாட்டன் சொத்து. யாவருக்கும் உரிமையுண்டு காசா பணமா எடுத்துகோங்க. நண்பரே. வாழ்த்துக்கு நன்றி !!