ஜீனியர் விகடன் பத்திரிக்கையின் செய்தியாளர் அம்சாவுடன் தொடர்பு

by kirupairajah Sat Aug 29, 2009 8:43 pm

தமிழ்நாட்டிலிருந்து வெளி வரும் முண்ணனி வாரமிருமுறை இதழான ஜீனியர் விகடன் பத்திரிக்கையில் செய்தியாளராக பணிபுரிந்து வந்தவர் விகேஸ். இவர் இலங்கை துணை தூதர் அம்சாவிற்கு நெருக்கமாகவும், இலங்கை அரசு தரும் செய்திகளை தமிழக பத்திரிகைகளில் இடம் பெறச் செய்யும் பணியில் ஈடுபட்டு வந்திருக்கிறார் என்பது தற்போது அம்பலமாகியுள்ளது.

இந்நிலையில் அவர் வருமானத்திற்கு அதிகமாக சொத்து சேர்த்திருப்பதையும்,ஆடம்பரமாக செலவு செய்து வந்ததையும் தனியார் துப்பறியும் நிறுவனத்தின் உதவியுடன் கண்டு பிடித்த அப்பத்திரிகை நிர்வாகம் அவரை அப்பதவியில் இருந்து நீக்கியுள்ளதாம். விடுதலைப் புலிகள் இயக்கத்தில் இருந்து கருணா பிரிந்தபோது அவரை பேட்டி எடுத்து அதனைப் பிரசுரித்ததும் இவரே.

இவரைப் போல இன்னும் எத்தனை ஆசிரியர்கள் அம்சா இலங்கைத் தூதுவராக இருந்த காலகட்டத்தில் இலங்கை அரசிற்குச் சாதகமாக செயல்ப்பட்டார்கள் எனத் தெரியவில்லை. இதனால் அம்சாவிடம் கைநீட்டி வாங்கி தின்ற பிற ஏடுகளின் செய்தியாளர்கள் தற்போது கலக்கமடைந்துள்ளதாக தமிழ் நாட்டில் இருந்துவரும் செய்திகள் தெரிவிக்கின்றன.