நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும்

by **சிவா** Wed Oct 29, 2008 12:01 pm

சிறுநீரக செயலிழப்பு என்றால் சிறுநீரகங்கள் சரியாக வேலை செய்யவில்லை எனறு பொருள். அது நாள் பட்டதாக இருந்தால் அது தொடர்ந்து இருக்கும். முழுமையாக குணமாகவுப் போவதில்லை. ஆனால் சரியான சிறுநீரக மருத்துவரின் ஆலோசனையைப் பெற்று நீங்கள் முறையான வைத்தியத்தை தவறாது பின்பற்றினால் உங்கள் பழுதுபட்ட சிறுநீரகங்கள் மேலும் கெடாமல் பார்ததுக் கொள்ளலாம். மேலும் இன்னும் பல வருடங்கள் ஆரோக்யமாக வாழவும் முடியும். நாள்பட்ட நிரந்தர சிறுநீரக செயலிழப்பு ஆங்கிலத்தில் Chronic Kidney Disease சுருக்கமாக
(CKD) என்று அழைக்கப்படுகின்றது.

by **சிவா** Wed Oct 29, 2008 1:52 pm

எப்படி ஒருவருக்கு நாள்பட்ட சிறுநீரக செயலிழப்பு (இனி இங்கே சிறுநீரக செயலிழப்பு) உள்ளதா
என்பதை ஒருவர் தெரிந்து கொள்வது?

நாள்பட்ட சிறுநீரக செயலிழப்பு உள்ள பெரும்பாலானவர்களுக்கு (சிறுநீரகங்களின் செயல்திறன் 70%க்கு
கீழ் குறையும் வரை) எந்த வித தொந்திரவும் இருக்காது.இந்த கட்டத்தில் சிறுநீரக செயலிழப்பை இரத்த
சிறுநீர் பரிசோதனைகள் மூலம் மட்டுமே அறிய முடியும்.சிறுநீரகங்களின் செயல்திறன் படிப்படியே குறையும்
போது அவர்களுக்கு கீழ்கண்ட தொந்திரவுகள் வரலாம்.

பசி குறைவு,
கை,கால் முக வீக்கம்,
மூச்சுத்திணறல்
உமட்டல்,
வாந்தி,
நமைச்சல்,
கை,கால் குடைச்சல்,

ஆனால் இத்தகைய கஷ்டங்கள் வேறுபல வியாதிகளிலும் வரலாம் என்பதால் மருத்துவர் சிறுநீரக செயலிழப்பை சந்தேகித்து அதற்குறிய
பரிசோதனைகளை செய்யும் போது மட்டுமே அறிய முடியும்.

by **சிவா** Wed Oct 29, 2008 2:19 pm

நாள்பட்ட சிறுநீரக செயலிழப்பு எவ்வாறு மோசமாகின்றது?

பல காரணங்களினால் சிறுநீரகங்கள் 50 சதவிகிதற்கு மேல் சேதமடைந்த பிறகு அவை ஆரம்பத்தில் எந்தகாரணத்தால் சேதமடைந்திருந்து அந்த காரணிகள் இப்போது நீக்கப்பட்டு சரியாகி இருந்தாலும் பாதித்த சிறுநீரகங்கள் தொடர்ந்து சேதமடைகின்றன. அதிலும் கூட கட்டுப்படுத்தப்படாத உயர் இரத்த அழுத்தம், சர்க்கரை நோய்,சிறுநீரில் அதிக புரத ஒழுக்கு ஆகியவை இருந்தால் இன்னும் வேகமாக செயலிழக்கின்றன.

நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும் 110

இந்த வரைபடம் நாள்பட்ட சிறுநீரக செயலிழப்பால் பாதிக்கப்பட்ட ஒருவரின் சிறுநீரகங்களின் செயல்திறன் எப்படி பல வருடங்களில் மாறுகின்றது என்பதை காட்டுகின்றது. இவரது சிறுநீரகத்தின் செயல்திறன் ஆரம்பத்தில் கடுமையாக பாதிக்கப்பட்டது.ஆனால் சிகிச்சையின் மூலம் அது சுமார் 30% வரை உயர்ந்தது.அவரும் இயல்பான உடல் நிலையை திரும்பப் பெற்றார். அனால் துரதிருஷ்டவசமாக அடுத்த 5 வருடங்களில் சரியான மருத்துவ சிகிச்சையை மேற்கொண்டும் அவரது சிறுநீரகம் மறுபடியும் படிப்படியே செயலிழந்து முற்றிய செயலிழப்பாக மாறியது. அதன் பின்னர் அவர் டயாலிசிஸ் எனப்படும் செயற்கை இரத்த சுத்திகரிப்பு சிகிச்சையை தொடங்க வேண்டியதாகி விட்டது.

by Sponsored content

நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும்

நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும்

Re: நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும்

Re: நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும்

Re: நாள்பட்ட சிறுநீரக செயலிழப்பும் அதன் மாற்றங்களும் அவற்றின் சிகிச்சை முறையும்