எகிப்து பாணியில் பக்ரைனில் ஆயிரக்கணக்கானோர் போராட்டம்

by **சிவா** Wed Feb 16, 2011 2:06 pm

துபாய், பிப்.16- எகிப்தில் மக்கள் போராட்டத்தால், அதிபர் பதவி விலகினார். அதே பாணியில், பக்ரைன் நாட்டில் மன்னர் ஹமாத் பின் அல் காலிபாவுக்கு எதிராக 3-வது நாளாக போராட்டம் நடந்து வருகிறது. பாதுகாப்பு படையினருடன் நடந்த மோதலில் 2 பேர் பலியானார்கள். நேற்று தலைநகர் மனாமாவில் உள்ள முக்கிய சதுக்கத்தில் பல்லாயிரக்கணக்கானோர் கூடி நின்று போராட்டம் நடத்தினர். மன்னருக்கு எதிராகவும், அரசியல் விடுதலை கோரியும் கோஷம் எழுப்பினர். பாதுகாப்பு படையினர் செய்வதறியாமல் திகைத்து நின்றனர்.

இதற்கிடையே, மன்னர் நேற்று டி.வி.யில் உரையாற்றினார். அப்போது, 2 பேர் பலியானதற்கு இரங்கல் தெரிவித்தார்.

தினதந்தி

by உதயசுதா Wed Feb 16, 2011 2:11 pm

வரிசையா இனி மன்னார் ஆட்சி நடக்கும் இடமெல்லாம் புரட்சி வெடிக்கும் போலயே. ஆனா ஐக்கிய அரபு எமிரேட்சில் இது நடக்க சாத்தியமே இல்லை,ஏனென்றால் இங்கு இந்த நாட்டு குடிமகன்களை விட வெளிநாட்டினர்தான் அதிகம்.

by **அருண்** Wed Feb 16, 2011 2:47 pm

நேற்று நாங்கள் இருக்கும் இடத்தில் ஒரே கலவரம் தான் அன்னியர்களை வெளி ஏற்று என்று போராட்டம் நடத்தினர்.
வெளியில் செல்லும் அந்நிய நாட்டினரை சில பேர் அடிக்கவும் செய்தனர்.
இதனால் பஹ்ரைன் அரசாங்கம் 1000BD கொடுப்பதாக முடிவு செய்துள்ளனர்.

by **சிவா** Wed Feb 16, 2011 2:49 pm

அருண் wrote:நேற்று நாங்கள் இருக்கும் இடத்தில் ஒரே கலவரம் தான் அன்னியர்களை வெளி ஏற்று என்று போராட்டம் நடத்தினர்.
வெளியில் செல்லும் அந்நிய நாட்டினரை சில பேர் அடிக்கவும் செய்தனர்.
இதனால் பஹ்ரைன் அரசாங்கம் 1000BD கொடுப்பதாக முடிவு செய்துள்ளனர்.

நீங்கள் அங்குதான் உள்ளீர்களா அருண்!

அந்நியர்களால் இவர்களுக்கு வேலை வாய்ப்புக் குறைந்துவிட்டதோ? ஜாக்கிரதையாக வேலைக்குச் சென்று வாருங்கள்!