இரவில் டிரைவர்களுக்கு, பகலில் பெண்களுக்குகுறி!!

by **அருண்** Mon Feb 14, 2011 12:30 pm

மேட்டூர்: மேட்டூரில் நேற்று அதிகாலை ஆறுபேர் கும்பல், லாரி டிரைவரை அரிவாளால் வெட்டி 14 ஆயிரம் ரூபாயையும், நேற்று மதியம் நான்கு ரோடு அருகே நடந்து சென்ற பெண்ணின் கழுத்தில் இருந்து, 5 பவுன் நகையை பறித்து சென்றதால், மக்கள் கலக்கத்தில் உள்ளனர்.கேரளா மாநிலம், பாலக்கோடு மாவட்டம், பொடிக்குளம் கிராமத்தை சேர்ந்தவர் டிரைவர் ராமச்சந்திரன் (48). அதே பகுதியை சேர்ந்தவர் கிளீனர் சுரேஷ் (28). நேற்று முன்தினம் டிரைவர் ராமச்சந்திரன், தனது லாரியில் பெங்களூருவில் மருந்து பொருட்களை ஏற்றி கொண்டு, எர்ணாகுளம் நோக்கி சென்றுள்ளார். கிளீனர் சுரேஷ் உடன் இருந்தார்.நேற்று அதிகாலை, லாரி மேட்டூர் அனல்மின் நிலையம் அருகிலுள்ள ரோட்டில் சென்றது. லாரியின் பின்புறம் இரு பைக்குகளில் வந்த ஆறுபேர் கும்பல், திடீரென லாரிக்கு முன்னால் சென்று, லாரியை நிறுத்துமாறு சைகை செய்துள்ளது.

டிரைவர் லாரியை நிறுத்தியுள்ளார்.ஆறுபேர் கும்பல் திடீரென லாரியில் ஏறி, முன்பக்க கண்ணாடியை உடைத்து லாரியில் வைத்துள்ள பணத்தை எடுத்து தருமாறு டிரைவரை மிரட்டியுள்ளனர். டிரைவர், "பணம் தரமுடியாது' என மறுத்துள்ளார்.ஆத்திரம் அடைந்த மர்ம கும்பல், டிரைவர் கைகளில் மூன்று இடங்களில் வெட்டி விட்டு, அவரது பையில் இருந்த 14 ஆயிரம் ரூபாய், ஒரு மொபைல் ஃபோன் ஆகியவற்றை பிடுங்கி கொண்டது. அருகில் இருந்த கிளீனரையும் வெட்டி, பையில் இருந்த 100 ரூபாயையும் பிடுங்கி கொண்டு, பைக்கில் தலைமறைவாகி விட்டனர்.காயம் அடைந்த டிரைவர், கிளீனர் இருவரும் சிகிச்சைக்காக மேட்டூர் அரசு மருத்துவமனையில் அனுமதிக்கப்பட்டனர். கருமலைக்கூடல் போலீஸார் வழக்கு பதிந்து விசாரணை நடத்தி வருகின்றனர். மேட்டூர் அம்மன் நகரை சேர்ந்த மதிவாணன் மனைவி அனுராதா. நேற்று மதியம் அனுராதாவும், அவரது உறவினர் லீலாவதியும் மேட்டூர் நான்கு ரோடு அதிரடிப்படை முகாம் அருகிலுள்ள ரோட்டில் நடந்து சென்றனர். அப்போது, பைக்கில் வந்த இரு மர்மநபர்கள், அனுராதா கழுத்தில் இருந்த 5 பவுன் தங்கநகையை பறித்து விட்டு மாயமாகி விட்டனர். நகைகளின் மதிப்பு 75 ஆயிரம் ரூபாய்.மேட்டூர் போலீஸார் வழக்கு பதிந்து விசாரணை நடத்தி வருகின்றனர்.மேட்டூரில் நேற்று ஒரே நாளில் இரு வழிப்பறி சம்பவங்கள் அரங்கேறியுள்ளன. இரவில் லாரி டிரைவர்களையும், பகலில் நகைகளுடன் ரோட்டில் நடந்து செல்லும் பெண்களையும் குறி வைத்து, மர்மநபர்கள் வழிப்பறியில் ஈடுபடுவது மேட்டூர் பொதுமக்களை அதிர்ச்சியில் ஆழ்த்தியுள்ளது.

தினமலர்.

by **சிவா** Mon Feb 14, 2011 12:58 pm

தமிழகத்தில் போலீசார் என்ன செய்கிறார்கள்? அரசியல்வாதிகளின் செருப்பைத் துடைக்கவே இவர்களுக்கு நேரம் சரியாக உள்ளது!

by பிரகாசம் Mon Feb 14, 2011 1:19 pm

சிவா wrote:தமிழகத்தில் போலீசார் என்ன செய்கிறார்கள்? அரசியல்வாதிகளின் செருப்பைத் துடைக்கவே இவர்களுக்கு நேரம் சரியாக உள்ளது!

ஐ சி

இரவில் டிரைவர்களுக்கு, பகலில் பெண்களுக்குகுறி!! 865843

by அன்பு தளபதி Mon Feb 14, 2011 1:22 pm

prakash.lux wrote:
சிவா wrote:தமிழகத்தில் போலீசார் என்ன செய்கிறார்கள்? அரசியல்வாதிகளின் செருப்பைத் துடைக்கவே இவர்களுக்கு நேரம் சரியாக உள்ளது!

ஐ சி

ஓவர் குசும்புதானப்பா உனக்கு

by **krishnaamma** Mon Feb 14, 2011 1:28 pm

ரொம்ப அநியாயமாய் இருக்கே ? இரவில் நகைகளுடன் என்று ஒரு பெண் தனியாக போகமுடிகிறதோ அப்பதான் நம் நாடு விடுதலை அடைந்ததாக எண்ணலாம் என்றார் காந்தி ; இப்ப என்னடான்னா பகலிலேயே வெளிய போவது கடினமாகிக்கொண்டே வருகிறதே ? எங்கு போகிறது நம் நாடு ? என்னதான் முடிவு இதற்க்கு? பயமாக இருக்கிறது சோகம்

by **சிவா** Mon Feb 14, 2011 1:31 pm

krishnaamma wrote:ரொம்ப அநியாயமாய் இருக்கே ? இரவில் நகைகளுடன் என்று ஒரு பெண் தனியாக போகமுடிகிறதோ அப்பதான் நம் நாடு விடுதலை அடைந்ததாக எண்ணலாம் என்றார் காந்தி ; இப்ப என்னடான்னா பகலிலேயே வெளிய போவது கடினமாகிக்கொண்டே வருகிறதே ? எங்கு போகிறது நம் நாடு ? என்னதான் முடிவு இதற்க்கு? பயமாக இருக்கிறது

இதிலிருந்து பெண்கள் அறிந்துகொள்ள வேண்டியது.....

பெண்கள் இனிமேல் நகைகள் அணிய வேண்டாம். இருக்கும் நகைகளை ஆண்களிடம் கொடுத்து பத்திரமாக வைத்துக் கொள்ளச் செய்யலாம். இனிமேல் புது நகைகள் கேட்டு அடம்பிடிக்க வேண்டாம்!

-நகை வாங்கிக் கொடுத்தே நலிந்துபோன ஆண்கள் சங்கம்

by **krishnaamma** Mon Feb 14, 2011 1:48 pm

சிவா wrote:
krishnaamma wrote:ரொம்ப அநியாயமாய் இருக்கே ? இரவில் நகைகளுடன் என்று ஒரு பெண் தனியாக போகமுடிகிறதோ அப்பதான் நம் நாடு விடுதலை அடைந்ததாக எண்ணலாம் என்றார் காந்தி ; இப்ப என்னடான்னா பகலிலேயே வெளிய போவது கடினமாகிக்கொண்டே வருகிறதே ? எங்கு போகிறது நம் நாடு ? என்னதான் முடிவு இதற்க்கு? பயமாக இருக்கிறது

இதிலிருந்து பெண்கள் அறிந்துகொள்ள வேண்டியது.....

பெண்கள் இனிமேல் நகைகள் அணிய வேண்டாம். இருக்கும் நகைகளை ஆண்களிடம் கொடுத்து பத்திரமாக வைத்துக் கொள்ளச் செய்யலாம். இனிமேல் புது நகைகள் கேட்டு அடம்பிடிக்க வேண்டாம்!

-நகை வாங்கிக் கொடுத்தே நலிந்துபோன ஆண்கள் சங்கம்

ஐயோ ஐயோ ஐயோ ! என்ன கொடுமை சார் இது