முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

by **அருண்** Sat Feb 12, 2011 10:22 am

தேமுதிக தலைவர் விஜயகாந்த் இன்று வெளியிட்டுள்ள அறிக்கையில்,

’’கடந்த 5 நாட்களாக பால் கொள்முதல் விலையை உயர்த்தக் கோரி பால் உற்பத்தியாளர் சங்கத்தினர் போராட்டங்களில் ஈடுபட்டு வருகின்றனர். தவிடு போன்ற கால்நடை தீவனங்களின் விலை உயர்வால் பால் விலையை உயர்த்தக் கோரி வருகின்றனர்.

திமுக அரசு இந்த போராட்டத்தின் நியாயத்தை உணர்ந்து பரிகாரம் தேடுவதற்கு பதிலாக அவர்களின் போராட்டத்தை காவல்துறையை கொண்டு ஒடுக்க முற்படுவது கண்டனத்திற்குரியது.

பால் கொள்முதல் செய்யப்பட்டு ஆவின் நிர்வாகத்திற்கு அனுப்படும் பொழுது அதன் தரத்தையும், அளவையும் குறைவாக மதிப்பிடுகின்றனர். பணமும் காலதாமதமாக அனுப்பப்படுகிறது. இதனால் பால் உற்பத்தியாளர் கூட்டுறவு சங்கங்கள் பாதிக்கப்படுகின்றன.

பல தனியார் நிறுவனங்கள் குறிப்பாக ஆளும் கட்சியினரின் குடும்ப நிறுவனங்கள் வளர்ந்து வருகின்றன. அதற்கு ஆவின் அதிகாரிகளும் உடந்தையாக உள்ளனர்.

சங்கங்களிடம் இருந்து கொள்முதல் செய்யும் பாலின் விலையைவிட, ஆவின் விற்பனை செய்யும் பாலின் விலை இரு மடங்காக உள்ளது. இதில் நடைபெறும் ஊழலை அகற்றினாலே பால் விற்பனை வரியை உயர்த்தாமல் உற்பத்தியாளர்களுக்கு அதிக கொள்முதல் விலை தர இயலும்.

பால் விலை அதிகரிக்காமல் இருக்க மற்ற மாநில அரசுகள் மானியம் வழங்குகின்றன. குறிப்பாக கர்நாடகத்தில் ஒரு லிட்டர் பாலுக்கு 2 ரூபாயும், புதுச்சேரியில் ரூபாய் 2.50 காசும், கேரளாவில் 3 ரூபாயும் வழங்கப்படுகின்றன. குஜராத்தி்ல் கால்நடை தீவனங்களுக்கு மானியம் தந்து பால் விலை உயராமல் பார்த்துக் கொள்கின்றனர்.

எதற்கெடுத்தாலும் மற்ற மாநிலங்களை உதாரணம் காட்டும் முதல்வர் கருணாநிதி இதற்கு மட்டும் ஏன் அவைகளை பின்பற்ற மறுக்கிறார்?

தமிழ்நாட்டில் பால் விலை ஏறும் என்று சொல்லி கொள்முதல் விலையை உயர்த்தாமல், அதை நம்பியுள்ள விவசாயிகள் மற்றும் விவசாயத் தொழிலாளர்களை தி.மு.க. அரசு வஞ்சித்து வருகிறது.

பால் உற்பத்தி செய்யும் விவசாயிகளை அரசு அழைத்துப் பேசி பிரச்சினையை தீர்ப்பதற்கு பதிலாக மேலும் அவர்களை போராட்டங்களில் தொடர்ந்து ஈடுபட தூண்டி வருகிறது. மாடுகளுடன் சிறைநிரப்பு போராட்டம் செய்யப் போவதாக அவர்கள் அறிவித்துள்ளனர்.

இந்த நிலைக்கு சாதாரண விவசாயிகள் செல்லாத வகையில் அவர்களை அழைத்துப் பேசி அவர்களுடைய நியாயமான கோரிக்கையை உடனடியாக நிறைவேற்ற தி.மு.க. அரசு முன்வர வேண்டும்.

எவ்வாறு மலிவான விலையில் அரிசி வழங்கப்படுகிறதோ, அதே போன்று அனைவரும் பயன்படுத்தும் பாலுக்கும் அரசே மானியம் அளித்து குறைந்த விலையில் பொதுமக்களுக்கு பால் கிடைக்க நடவடிக்கை எடுக்க வற்புறுத்துகிறேன்’’என்று தெரிவித்துள்ளார்.

நக்கீரன்

by SK Sat Feb 12, 2011 10:56 am

அவருக்கு குடும்பதிற்காக சிந்திபதற்கே நேரம் சரியாக இருக்கிறது இதில் எப்படி பொதுமக்களை பற்றி சிந்திக்க போகிறார் என்ன கொடுமை சார் இது

by **ஸ்ரீஜா** Sat Feb 12, 2011 10:58 am

by அசோகன் Sat Feb 12, 2011 12:12 pm

SK wrote:அவருக்கு குடும்பதிற்காக சிந்திபதற்கே நேரம் சரியாக இருக்கிறது இதில் எப்படி பொதுமக்களை பற்றி சிந்திக்க போகிறார்

இதுக்கெல்லாம் இப்படி முட்டிக்கிட்டா எப்படி பாஸ்.....இன்னும் பாக்க வேண்டிய,கேட்க வேண்டிய கன்றாவியெல்லாம் எவ்வளவோ இருக்கு......................................

by mkag.khan Sat Feb 12, 2011 12:16 pm

தலைவர் இப்ப ஏதாவது கதை வசனம் எழுதிக்கீட்டு இருப்பார்

by Sponsored content

முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

Re: முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

Re: முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

Re: முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

Re: முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!

Re: முதல்வர் கருணாநிதி இதற்கு மட்டும் ஏன் அவற்றை பின்பற்ற மறுக்கிறார்? : விஜயகாந்த்!!!