காதலர் தின கொண்டாட்டத்தை தடை செய்யக் கோரி சிவசேனா சார்பில் ஆர்ப்பாட்டம் !!!

by **அருண்** Sat Feb 12, 2011 10:19 am

காதலர் தின கொண்டாட்டத்தை தடைசெய்யக்கோரி சிவசேனா சார்பில் மதுரையில் ஆர்ப்பாட்டம் நடந்தது.

மதுரை தலைமை தபால் நிலையம் அருகே தமிழ் மாநில சிவசேனா சார்பில் ஆர்ப்பாட்டம் நடநத்து. காதலர் தின கொண்டாட்டத்தை தடைசெய்யவேண்டும், தியாகி சங்கரலிங்கனாரின் சிலையை சென்னை புதிய தலைமை செயலகத்தின் முன் நிறுவவேண்டும், மதுரையில் தியாகி வைத்தியநாத அய்யர் சிலை அருகே கட்டப்படும் கழிப்பறையை அங்கிருந்து அகற்றவேண்டும் என்பன போன்ற கோரிக்கைகளை வலியுறுத்தி இந்த ஆர்ப்பாட்டம் நடைபெற்றது.

மாநில தலைவர் திரவியபாண்டியன் தலைமை தாங்கினார். 40 பெண்கள் உள்பட 50 க்கும் மேற்பட்டோர் கலந்துகொண்டனர். காதலர் தின கொண்டாட்டங்களை தடை செய்யவேண்டும் என்பன உள்ளிட்ட கோஷங்களை அவர்கள் எழுப்பி ஆர்ப்பாட்டம் செய்தனர்.

பின்னர் மாநில தலைவர் திரவியபாண்டியன் கூறியதாவது:

காதலர் தினம் கொண்டாட்டம் என்பது கலாச்சாரம், பண்பாட்டை சீரழிக்கும். கல்லூரிக்கு செல்லும் தங்கள் பிள்ளைகள் காதலில் சிக்கி சீரழிவதால் பல பெற்றோர்கள் நிம்மதி இழக்கிறார்கள். இதனால் காதல் தின கொண்டாட்டத்தையும், காதலர் தின வாழ்த்து அட்டைகள் விற்பனையையும் உடனே தடை செய்யவேண்டும். தமிழ்நாடு என்று பெயர் வைக்க காரணமாக இருந்த தியாகி சங்கரலிங்கனார் சிலையை புதிய தலைமை செயலகத்தின் முன்பு அரசு வைக்கா வேண்டும். இல்லாவிட்டால் சிவசேனா சார்பில் அங்கு அவரது சிலையை வைப்போம் என்றார்.

நக்கீரன்

by உதயசுதா Sat Feb 12, 2011 10:22 am

ஆமா இவனுகளுக்கு வேற வேலையே இல்லை.காதலர் தினம் வந்துட்டா மட்டும்தான் இவனுகா இருக்கறதே தெரியும்
தமிழ்நாட்டுல எத்தனையோ பிரச்சினை இருக்கு,அதெல்லாம் விட்டுட்டாணுக.இதுக்கு வந்துட்டாணுக