உண்டு என்றால் எல்லாமும் உண்டு!

by **சிவா** Fri Feb 11, 2011 12:54 pm

உண்டு என்றால் எல்லாமும் உண்டு!

இரண்டு நண்பர்கள் நடந்து சென்றுகொண்டிருந்தார்கள். வழியிடையில் அவர்களுக்குத் தாகமெடுத்தது. சாலையோரத்தில் இருந்த ஒரு வீட்டில் குடிப்பதற்குத் தண்ணீர் கேட்டார்கள். அந்த வீட்டிலிருந்த பாட்டி, ஒரு குவளையில் கொஞ்சம் மோர் கொண்டுவந்து கொடுத்துவிட்டுச் சொன்னார்கள்:

""பிள்ளைகளே, வீட்டில் தண்ணீர் முற்றிலும் தீர்ந்துவிட்டது. தண்ணீர் எடுப்பதற்காக என் மகள் தொலைவில் உள்ள கிணற்றிற்குச் சென்றிருக்கிறாள். அவள் வருவதற்கு நேரமாகும். எனவே, இப்போது இருக்கும் கொஞ்சம் மோரைக் குடித்து தாகம் தீர்த்துச் செல்லுங்கள்.''

நண்பர்களில் முதலாமவன் அந்த மோர்க் குவளையைப் பார்த்துவிட்டுச் சொன்னான்:

""இந்தக் குவளையில் பாதியளவு மோர் இல்லையே, எங்கள் இருவருக்கும் இது எப்படிப் போதும்?''

பிறகு அந்தக் குவளையை வாங்கிப் பார்த்த இரண்டாமவன் சொன்னான்:

""இந்தக் குவளையில் பாதியளவு மோர் இருக்கிறது பாட்டி! இப்போதைக்கு எங்கள் தாகத்தைத் தீர்ப்பதற்கு இது போதும். உங்களுக்கு மிகவும் நன்றி. நாங்கள் போகுமிடத்தில் எங்காவது போதுமான அளவு நீர் பருகிக்கொள்வோம்!''

அந்தப் பாட்டி, ""உண்டு என்பவனுக்கு எல்லாமும் கிடைக்கும்!'' என்று ஆசீர்வதித்து அவர்களை அனுப்பினார்கள்.

அந்தப் பாட்டி சொன்னது அற்புதமான ஒரு மந்திர வார்த்தையாகும். எவ்வளவு கஷ்டத்திலும் நம்பிக்கையைக் கைவிடாமல், ""நமக்கு வெற்றி உண்டு, நமக்கு நல்ல வாழ்க்கை உண்டு!'' என்ற உறுதியுடன் போராடத் துணிபவனிடம் எல்லா நன்மையும் வந்தடையும். ""எனக்கு எதுவுமே இல்லை, எதுவும் கிடைக்காது!'' என்று சோர்ந்து அமர்கிறவனிடமிருந்து, அவனுக்குச் சொந்தமானதும் போய்விடும்.

நமக்கு என்ன வேண்டுமோ அது, நாம் நினைப்பதைவிடப் பன்மடங்கு அதிகமாக இந்த உலகத்தில் இருக்கிறது. கூர்மையான அறிவின் மூலமாகவும், அர்ப்பணிப்பு மிகுந்த உழைப்பின் மூலமாகவும் நாம் அவற்றை எடுத்துக்கொள்ளவேண்டும், அவ்வளவுதான்!

தினமணி

by SK Fri Feb 11, 2011 12:57 pm

அருமை அண்ணா

by திவா Fri Feb 11, 2011 12:58 pm

by மோகன் Fri Feb 11, 2011 2:48 pm

இந்த உலகத்தில் இருக்கிறது. கூர்மையான அறிவின் மூலமாகவும், அர்ப்பணிப்பு
மிகுந்த உழைப்பின் மூலமாகவும் நாம் அவற்றை எடுத்துக்கொள்ளவேண்டும் உண்டு என்றால் எல்லாமும் உண்டு! 677196