ராஜா கைது: அ.தி.மு.க., பட்டாசு வெடித்து கொண்டாட்டம்

by **சிவா** Wed Feb 02, 2011 8:36 pm

திருநெல்வேலி: ஸ்பெக்ரம் முறைகேடு தொடர்பாக மாஜி மத்திய அமைச்சர் ராஜா கைது செய்யப்பட்டிருப்பதை அ.தி.மு.க., வினர் பட்டாசு வெடித்து கொண்டாடி வருகிறார்கள். திருநெல்வேலியில் அ.தி.மு.க., வினர் ராஜா கைதை வரவேற்கும் விதமாக பட்டாசு வெடித்த மகிழ்ச்சியை வெளிப்படுத்தினர்.

ராஜா கைது: தாமதிக்கப்பட்ட நடவடிக்கை : பா.ஜ., கருத்து

புதுடில்லி : ஸ்பெக்ரம் முறைகேடு தொடர்பாக மாஜி மத்திய அமைச்சர் ராஜா கைது செய்யப்பட்டிருப்பது தாமதிக்கப்பட்ட நடவடிக்கை என்று பா.ஜ. கருத்து தெரிவித்துள்ளது.

மாஜி அமைச்சர் ராஜாவை டில்லியில் சி.பி.ஐ., அதிகாரிகள் கைது செய்துள்ளனர். இது குறித்து பா.ஜ., செய்தி தொடர்பாளர் ராஜிவ் பிரதாப் ரூடி கருத்து தெரிவித்துள்ளார். அவர் கூறியதாவது: 2ஜி ஸ்பெக்ட்ரம் முறைகேடு தொடர்பாக ராஜா கைது செய்யப்பட்டுள்ளது தாமதிக்கப்பட்ட நடவடிக்கை. ஸ்பெக்ட்ரம் முறைகேட்டில் கிடைத்த பணம் அனைத்தும் ராஜா மட்டுமே வைத்திருப்பார் என கூறுவது நியாயமாகாது. அவருக்குப் பின்னணியில் இருந்து செயல்படும் அனைத்து தரப்பினர் மீதும் நடவடிக்கை எடுக்கப்பட வேண்டும். எனவே தாமதிக்கப்பட்ட நடவடிக்கைக்கு மத்திய அரசு மார் தட்டிக் கொள்ள வேண்டாம். இந்த கைது ‌நடவடிக்கை ஸ்பெக்ட்ரம் விவகாரத்துக்கு ஒரு முற்றுப்புள்ளி ஆகாது. இது ஒரு ஆரம்பம்தான், என்று அவர் கூறினார்.

ராஜா கைது செய்யப்பட்டிருந்தாலும் பார்லிமென்ட் கூட்டு விசாரணைக்கு உத்தரவிட வேண்டும் என தொடர்ந்து வலியுறுத்துவோம். ராஜா கைது செய்யப்பட்டுள்ளது, 2ஜி ஸ்பெக்ட்ரம் முறைகேடு குறித்து பார்லிமென்ட் கூட்டு விசாரணைக்கு உத்தரவிட கோர வேண்டும் என்ற எண்ணத்தை மேலும் உறுதிப்படுத்தியுள்ளது. எனவே பட்ஜெட் கூட்டத்தொடரின் போதும் இந்த கோரிக்கை தொடர்ந்து வலியுறுத்தப்படும் என பா.ஜ., மூத்த தலைவர் அருண் ஜெய்ட்லி தெரிவித்துள்ளார்.

சட்டம் தனது கடமையை செய்தது : ராஜா கைது குறித்து பத்திரிகையாளர்களுக்கு பேட்டியளித்த காங்கிரஸ் செய்தி தொடர்பாளர் ஜனார்தன் திவேதி சட்டம் தனது கடமையை செய்துள்ளது என்றார். ஸ்‌பெக்ட்ரம் விவகாரம் போன்ற சிக்கலான பிரச்னைகளை எதிர்கொள்வதில் சற்று பொறுமையும், நிதானமும் தேவை என காங்கிரஸ் ஆரம்பத்தில் இருந்தே கூறி வந்தது. அந்த வகையில் சட்டத்தின் கையில் விடப்பட்ட விவகாரத்தில் அதன் கடமை நிறைவேற்றப்பட்டுள்ளது என்றார்.

ராஜா கைது செய்யப்பட்டதன் காரணமாக தி.மு.க.,வுடனான கூட்டணியில் பாதிப்பில்லை என காங்கிரஸ் கூறியுள்ளது.

ராஜா கைது: பதிலளிக்க சிபல் மறுப்பு : 2ஜி ஸ்பெக்டரம் வழக்கில் ராஜா கைது செய்யப்பட்டுள்ளது குறித்து மத்திய தகவல் தொடர்புத்துறை அமைச்சர் கபில் சிபலிடம் கருத்து தெரிவிக்க மறுத்து விட்டார். அவர் , அனைத்து கேள்விகளையும் சி.பி.ஐ.,யிடம் கேளுங்கள் எனவும் கூறியுள்ளார்.

ராஜா கைது சுப்ரமணிய சாமி பாராட்டு : ராஜா கைது குறித்து ஜனதா கட்சித்தலைவர் சுப்ரமணி சாமி கூறுகையில் : ராஜா கைது நடவடிக்கைக்கு சுப்ரீம்கோர்ட்டுக்கு நன்றி தெரிவித்துக் கொள்கிறேன். சட்டம் செயலாற்றத் துவங்கியுள்ளது என்றார்.

by **சிவா** Wed Feb 02, 2011 8:38 pm

ராஜா கைது : தி.மு.க., வினர் கல்வீச்சு

பெரம்பலூர்: ஸ்பெக்ரம் முறைகேடு காரணமாக ராஜா கைது செய்யப்பட்டார். இதனை அறிந்த பெரம்பலூர் தி.மு.க., வினர் சாலை மறியலில் ஈடுபட்டனர். படம் எடுக்கச் சென்ற நிருபர்கள் மீது கல்வீசி தாக்குதல் நடத்தினர்.

ராஜா நாளை கோர்ட்டில் ஆஜர்

புதுடில்லி : 2ஜி ஸ்பெக்ட்ரம் முறைகேட்டில் கைது செய்யப்பட்டுள்ள ராஜா, மற்றும் தொலை தொடர்பு துறை மாஜி அதிகாரிகள் ஆர். கே.சந்தோலியா, பெஹீரியா ஆகியோர் நாளை பாட்டியாலா கோர்ட்டில் ஆஜர்படுத்தப்படுவார்கள் என சி.பி.ஐ., அறிவித்துள்ளது. மேலும் விசாரணையின் போது கிடைத்த தகவல் அடிப்படையில் ராஜா கைது செய்யப்பட்டுள்ளார் எனவும் சி.பி.ஐ., அறிவித்துள்ளது.

ராஜா கைது: பதிலளிக்க சிபல் மறுப்பு

புதுடில்லி : 2ஜி ஸ்பெக்டரம் வழக்கில் ராஜா கைது செய்யப்பட்டுள்ளது குறித்து மத்திய தகவல் தொடர்புத்துறை அமைச்சர் கபில் சிபலிடம் கருத்து தெரிவிக்க மறுத்து விட்டார். அவர் , அனைத்து கேள்விகளையும் சி.பி.ஐ.,யிடம் கேளுங்கள் எனவும் கூறியுள்ளார்.

by **சிவா** Wed Feb 02, 2011 8:39 pm

ராஜா கைது- அரசியல் ரீதியான நடவடிக்கை : ஜெ

சென்னை : ஸ்பெக்ட்ரம் முறைகேட்டில் ராஜா கைது செய்யப்பட்டிருப்பது தமிழக சட்டசபை தேர்தலை மனதில் வைத்து எடுக்கப்பட்ட அரசியல் ரீதியான நடவடிக்கை என கூறியுள்ளார். ராஜா கைது தொடர்பாக அ.தி.மு.க., பொதுச்செயலாளர் ஜெயலலிதா வெளியிட்டுள்ள அறிக்கை : ஸ்பெக்ட்ரம் முறைகேட்டில் ராஜா கைது மட்டும் போதாது. இந்த விவகாரத்திற்கு காரணமான முதல்வர் குடும்ப உறுப்பினர்களையும் கைது செய்ய வேண்டும். இந்த விவகாரத்தில் பார்லிமென்ட் கூட்டுக்குழு நடவடிக்கை தேவை என்பதையும் அ.தி.மு.க ., கைவிடாது. தமிழக சட்டசபை தேர்தலை மனதில் வைத்தே ராஜா தற்போது கைது செய்யப்பட்டுள்ளார். ராஜா கைது மூலம் பல கேள்விகள் எழுந்துள்ளது. அதில், பல கேள்விகளுக்கு பதில் அளிக்கப்படவில்லை. இது ஒரு தாமதமான நடவடிக்கை. ராஜா 3 ஆண்டுகளுக்கு முன்னரே கைது செய்யப்பட்டிருக்க வேண்டும். அல்லது 2 ஆண்டுக்கு முன்னரோ, ஒராண்டுக்கு முன்னரோ அல்லது சுப்ரீம் கோர்ட் கண்டனம் தெரிவித்தவுடனோ கைது செய்யப்பட்டிருக்க வேண்டும் என கூறியுள்ளார்.

by அன்பு தளபதி Wed Feb 02, 2011 8:40 pm

கொஞ்சம் தாமதமான நடவடிக்கை ஆனால் திருப்தி இல்லை

by **Tamilzhan** Wed Feb 02, 2011 8:45 pm

எப்படியும் நாளை வெளியே வந்துடுவார் எல்லாம் ஒரு கண் துடைப்பு நாடகம்...! ராஜா கைது: அ.தி.மு.க., பட்டாசு வெடித்து கொண்டாட்டம் 102564

by கலைவேந்தன் Wed Feb 02, 2011 11:06 pm

அடிக்கிறமாதிரி அடிச்சு அணைச்சுக்கற வேலைதான்... எப்படின்னா... உண்மையில் இது சீரியசான நடவடிக்கை என்றால் கருணாநிதி அவர்கள் காங்கிரசுடனான கூட்டணியைக் கலைச்சுடுவாங்கதானே,,,?