கத்தை கத்தையாய், கோடிக்கணக்கில் ரூபாய் நோட்டுகள் தீயில் எரிப்பு

கர்நாடகாவில் நடந்துள்ள இந்தக் கூத்து பற்றி கூறப்படுவதாவது: கர்நாடக மாநிலம் பெல்லாரியில் இருந்து 4 கிலோ மீட்டர் தொலைவில் உள்ள அலிபுரா கிராமத்துக்கு நேற்று மர்ம மனிதர்கள் சிலர் ஒரு நீள்வாகனத்தில் வந்தனர். கிராமத்திற்கு வெளியே ஒதுக்குப்புறமான இடத்தில் வாகனத்தை நிறுத்தி அந்த பகுதியை நோட்டமிட்டபடி காத்து இருந்தனர்.

அதன்பிறகு ஆள் நடமாட்டம் இல்லாத நேரமாகப் பார்த்து திடீரென்று சில சாக்கு மூட்டைகளை வேக வேகமாக கீழே இறக்கினார்கள். அந்த மூட்டைகளை சாலை ஓரத்தில் ஒன்றாகப் போட்டு தீ வைத்தனர். தீ கொளுந்து விட்டு எரியத் தொடங்கவும் தாம் வந்த வாகனத்திலேயே ஏறிச் சென்று விட்டனர்.

இந்தத் தீயை வெகு தூரத்தில் வயலில் வேலை செய்து கொண்டிருந்த பொதுமக்கள் பார்த்து விட்டு சந்தேகத்துடன் ஓடி வந்து நீரை எடுத்து வந்து சாக்கு மூட்டைகளில் மீது ஊற்றி தீயை அணைத்தனர்.

தீ அணைந்ததும் சாக்கு மூட்டைகளில் இருந்து பாதி எரிந்தும் எரியாமலும் ரூபாய் நோட்டுகள் காற்றில் நாலாபுறமும் பறக்க ஆரம்பித்தன. அவை அனைத்துமே 100 ரூபாய், 500 ரூபாய் நோட்டுகளாக இருந்தன. அதைப் பார்த்து அதிர்ச்சியில் திகைத்துப்போன கிராம மக்கள் உடனே காவல் துறைக்கு தகவல் கொடுத்தார்கள்.

காவல்துறை விரைந்து வந்து அந்த ரூபாய் நோட்டுகளைக் கைப்பற்றினார்கள். பெல்லாரியில் உள்ள வங்கி அதிகாரிகள் சம்பவ இடத்துக்கு வரவழைக்கப்பட்டு தீயில் எரிந்த ரூபாய் நோட்டுகள் பரிசோதிக்கப்பட்டன. சோதனையில் அந்த நோட்டுகள் அனைத்துமே உண்மையானவை என்று உறுதி செய்யப்பட்டது. தீ வைக்கப்பட்ட நோட்டுகளின் மொத்த மதிப்பு ரூ.4 கோடி இருக்கும் என்றும் அவர்கள் தெரிவித்தனர்.

கிராம மக்களிடம் தொடர்ந்து விசாரணை நடத்தியதில் மர்ம மனிதர்கள் மேலும் சில சாக்கு மூட்டைகளை அருகில் உள்ள கால்வாயில் வீசிவிட்டு சென்றதை பார்த்தோம் என்று கூறினார்கள். இதையடுத்து கால்வாய்க்குள் சாக்கு மூட்டைகள் கிடக்கிறதா என்று தேடும் பணி முடுக்கி விடப்பட்டுள்ளது.

உண்மையான ரூபாய் நோட்டுகளை கிராமப்பகுதிக்கு கொண்டு வந்து எரிக்க வேண்டிய அவசியம் என்ன என்பது புரியாதப் புதிராக உள்ளது. சாக்கு மூட்டைகளை கொண்டு வந்த மர்ம மனிதர்கள் யார்? எங்கிருந்து வந்தனர்? என்பது பற்றி தீவிர விசாரணை நடந்து வருகிறது.


இந்நேரம்

தீ அணைந்ததும் சாக்கு மூட்டைகளில் இருந்து பாதி எரிந்தும் எரியாமலும் ரூபாய் நோட்டுகள் காற்றில் நாலாபுறமும் பறக்க ஆரம்பித்தன. அவை அனைத்துமே 100 ரூபாய், 500 ரூபாய் நோட்டுகளாக இருந்தன. அதைப் பார்த்து அதிர்ச்சியில் திகைத்துப்போன கிராம மக்கள் உடனே காவல் துறைக்கு தகவல் கொடுத்தார்கள்.

ரபீக் , இந்த செய்தியை ஏற்கனவே முருகேசன் போட்டுள்ளரே?
"அதிர்ச்சி சம்பவம் " என்கிற தலைப்பில் பாருங்கள் பிளீஸ்
தவறாக நினைக்கவேண்டாம் சரியா?