மண் வீடுகளும், பின்னே அமெரிக்காவும்

by தாமு Wed Jan 19, 2011 6:27 am

பொங்கல் ஸ்பெஷல் பதிவு என்ன போடலாம் என்று யோசித்து கொண்டு இருந்த பொழுது, நாங்கள் சில வருடங்கள் முன், பொங்கல் சமயம், அமெரிக்காவில், New Mexico மாநிலத்தின் தலைநகரம் - Santa Fe க்கு சென்ற அனுபவம் ஞாபகம் வந்தது..... கிராமிய சூழ்நிலையில், பொங்கல் கொண்டாடுவது தனி அழகு என்று சொல்லி கொண்டு இருந்த நேரம், என் கணவர் சாலமன், அந்த வருடம் என்னை ஒரு ஸ்பெஷல் இடத்துக்கு அழைத்து செல்வதாக கூறி, அங்கே அழைத்து சென்றார். அமெரிக்காவிலேயே மிகப் பழமையான தலைநகரம், இதுதான். (The oldest Capital City in USA) Santa என்றால் புனித - Holy என்று அர்த்தம்; Fe என்றால் Faith - நம்பிக்கை என்று அர்த்தம் என்று விளக்கம் தந்தார்.

சரி, வழக்கம் போல ஊர் சுத்தல் என்று சாதரணமாக கிளம்பி சென்ற எனக்கு ஆச்சர்யம் காத்து இருந்தது.

அமெரிக்காவில் உள்ள மற்ற தலைநகரங்கள் போல அல்லாது, குறைந்த மக்கள் தொகையுடனும் நிறைய கலை அம்சங்களுடனும் இந்த நகரம் இருப்பது, இதன் தனி சிறப்பாகும். இங்கே ஸ்பெஷல் என்னங்கறீங்க? அந்த நகரத்தின் கட்டட அமைப்புதான். அப்படியே ஆ ...... னு வாய் பாத்து கிட்டே வந்தேன். நம்ம ஊரில், மண் வீடு ஏழ்மையின் சின்னமாக கருதப்பட்டு கொண்டு வரும் வேளையில், பெரிய பெரிய ஹோட்டல், மாளிகைகள் எல்லாம் மண் வீடு அமைப்பிலேயே கட்டி, அசத்தி கொண்டு இருக்கிறார்கள். வாவ்!

மெக்ஸிகோ மற்றும் ஸ்பெயின் கலாச்சாரமும், அந்த பகுதிகளில் இன்னும் வாழ்ந்து கொண்டு வரும் செவ்விந்தியர்கள் எனப்பட்ட Native Americans பழக்க வழக்கங்களும் இணைந்து நகரம் முழுவதும் முத்திரை பதித்து உள்ளன.
இவர்கள் செய்யும் கை வினைப்பொருட்கள் - ஓவியங்கள் - கலை அம்சங்கள் ஒரு பக்கம் நேரடி விற்பனைக்கு கிடைக்கும் வண்ணம், நகரம் முழுவதும் கலைக்கூடமாக காட்சி அளித்தது. இங்கே பாருங்க... மண் குடங்களை அழகாக வரிசைப்படுத்தி வைத்து இருந்தாங்க.....

மண் வீடுகளும், பின்னே அமெரிக்காவும் RW2461_web

நியூ மெக்ஸிகோவில் கோடை காலம் - உச்சி வெயில் மண்டையை புளக்கிற மாதிரி இருக்கும். Dry Heat வேறு அனல் காத்தடிக்க மிரட்டும். குளிர் காலம், அதிக குளிரில் வெடவெடக்க வைக்கும். இந்த சீதோஷ்ண நிலைக்கு ஏற்ற வீடுகள், மண்வீடுகள் தான் (Adobe style - அடோபி) என்று Native Americans கண்டு பிடித்து கொண்டு, அதிலேயே பெரும்பாலான வீடுகளையும் கடைகளையும் கட்டி வைக்க, அதையே இன்னும் - "பெரியவா சொல்லிட்டா..... சரியாத்தான் இருக்கும்...." என்று கடைபிடிக்கிறாங்க மக்கா.

இவர்களது பாரம்பரியத்தை மதிக்கும் பொருட்டு, Old Santa Fe பகுதி முழுவதும் மண்ணின் நிறம் (Earth Tone) கொண்டு பிரதானமாக கட்டப்பட்டு இருக்கும் கட்டடங்கள் தான் இருக்க வேண்டும் என்ற அரசாங்க விதி உண்டு. அதனால், இந்த பகுதியில் உள்ள உணவு விடுதிகளும், கடைகளும், வீடுகளும் , பெரிய 5 Stars Hotels கூட Adobe Style கொண்டு தான் கட்டப்பட்டு இருக்கின்றன. நம்ப முடியலியா? அமெரிக்கா என்றாலே நியூ யார்க் மட்டும் இல்லைப்பா.....

மண் வீடுகளும், பின்னே அமெரிக்காவும் Santa%20Fe%20Dowdtown

கீழே உள்ள படங்கள், 5 Star Hotel Santa Fe மற்றும் Loretta Inn and Spa Resort : நம்ப முடிகிறதா?

மண் வீடுகளும், பின்னே அமெரிக்காவும் Hotel_Santa_Fe_New_Mexico

மண் வீடுகளும், பின்னே அமெரிக்காவும் 926-67703

கிறிஸ்தவ ஆலயம் ஒன்று. மிகப் பழமையான ஆலயம் என்ற பெயர் பெற்ற San Miguel Chapel:

மண் வீடுகளும், பின்னே அமெரிக்காவும் 8743384

மண் வீட்டு பங்களா:

மண் வீடுகளும், பின்னே அமெரிக்காவும் 14185MartadelFortuna3.sized

இதுவும் அமெரிக்காவில் இருக்கும் வீடுதான்:

மண் வீடுகளும், பின்னே அமெரிக்காவும் Adobe1

நிச்சயமா இது அந்த ஊரு நாட்டாமை வீடு இல்லை:

மண் வீடுகளும், பின்னே அமெரிக்காவும் Sketch

அங்கே விற்பனைக்கு இருந்த ஒரு வீட்டை வேடிக்கை பார்த்தோம். முன்னாலே அந்த கொடி இல்லைனா, இது அமெரிக்காவில் இருக்கும் வீடுதான் என்று, அங்கே இருந்த நானே நம்பியிருப்பது கஷ்டம் தான்.

மண் வீடுகளும், பின்னே அமெரிக்காவும் 310_10th_st_nw_albuquerque_new_mexico_511279886655315

மண் வீடுகளும், பின்னே அமெரிக்காவும் OB-LE572_newmex_G_20101206161633

ஒரு வீட்டின் உள்ளே இருந்த வரவேற்பறை:

மண் வீடுகளும், பின்னே அமெரிக்காவும் DIN8A

மேல தாங்கு கட்டையுடன் அப்படியே ஒரு கிராமிய மணம் கமழும் அறை:

மண் வீடுகளும், பின்னே அமெரிக்காவும் 50211_4c2cd2dc021030.74711628_full

மண் வீடுகளும், பின்னே அமெரிக்காவும் MF002917

நாங்கள் தங்கி இருந்த ஹோட்டல் ரூம் ஒன்றின் அறை:
அரிக்கேன் விளக்கு - வண்டி - எதையும் விடல. .....

மண் வீடுகளும், பின்னே அமெரிக்காவும் Adobe_Grand_Villas_Wagon_Wheel_Bedroom

மண் வீடுகளும், பின்னே அமெரிக்காவும் Adobe_and_Pines_Inn_BandB_Taos_New_Mexico_30810

மண் வீடுகளும், பின்னே அமெரிக்காவும் Banco_000

மண் வீடுகளும், பின்னே அமெரிக்காவும் New-mexico-museum-of

மேல உள்ள படம், அங்கே இருந்த கடை வீதி:
ஒரு Native American கடையில் இருந்த ஜமுக்காள போர்வைகள்:

மண் வீடுகளும், பின்னே அமெரிக்காவும் Navajo_Native_American_Rugs_Santa_Fe_New_Mexico

கைத்தறி தொழில் - குயவர்கள், மண் பாத்திரங்கள் - மண் வீடுகள் என்று இந்த தலைநகரம் - கிராம நெடியுடன் அசத்தியது. அது மட்டும் இல்லைங்க - முத்தாய்ப்பாக - இங்கு உணவு வகைகளில், அதிகம் காரம் சேர்த்து கொள்கிறார்கள். வீடுகளின் முன்னும் கடைகளின் முன்னும், சிவந்த மிளகாய்களையும் பூண்டுகளையும் மாலைகளாக தொடுத்து காயப் போட்டு இருப்பதை பார்த்து நிஜமா - ஊரு நினப்புல கண்ணுல தண்ணி வந்துட்டுது.

மண் வீடுகளும், பின்னே அமெரிக்காவும் Ristras:Flickr+77krc

மண் வீடுகளும், பின்னே அமெரிக்காவும் Santefe_011

இப்படியாக ஒரு தலைநகரமே, மண் வீடு - மண் குடம் - என்று நம்ம ஊரு பொங்கலுக்கு தயாராக இருக்க - - - நான்தான், அரிசி - வெல்லம் - பருப்பு - கரும்பு - எடுத்துட்டு போகாம போயிட்டேன். முதலிலேயே தெரிந்து இருந்தால், அங்கேயே பொங்கல் வச்சு கொண்டாடி இருந்து இருக்கலாம்.
இனி என்ன - வருஷா வருஷம் பொட்டியை கட்டிக்கிட்டு, Santa Fe போய்தான் பொங்கல் கொண்டாடிட்டு வரணும் போல.....

ஒரு டவுட்டு: இந்த Native Americans செய்றது எல்லாமே நம்ம ஊரு சரக்கு மாதிரி இருக்கே..... இவங்க எல்லாருமே, அந்த காலத்திலேயே நம்ம ஊரு விட்டுட்டு வந்து, அமெரிக்காவில் முதன் முதலா டெண்ட்டு போட்டவங்களாக இருப்பாங்களோ?

அந்த தலைநகரத்தை பத்தி நிறைய எழுதலாம் - அப்புறமா ஒரு நாளு சொல்றேன். ....... இப்போ எல்லோரும் பொங்கல் கொண்டாட போங்க......பட்டணத்தில் தான் இருக்கோமே என்று, கிராமத்தை மறந்துராதீங்க, மக்கா.......
இனிய பொங்கல் திருநாள் வாழ்த்துக்கள்!

மண் வீடுகளும், பின்னே அமெரிக்காவும் 3196279195_4dcca9964a

நண்பார்கள் மண் வீடுகளும், பின்னே அமெரிக்காவும் 678642

by தமிழ்ப்ரியன் விஜி Wed Jan 19, 2011 11:26 am

by உதயசுதா Wed Jan 19, 2011 11:38 am

அருமை தாமு அருமை.நாம கூட மண் வீடுகள் என்றால் என்ன என்று கேக்குற அளவுள்ள இருக்கோம்.ஆனா அமெரிக்கவுல இப்படி நகரமான்னு நான் மெய் மறந்து போனேன். பகிர்வுக்கு நன்றி

by ரபீக் Wed Jan 19, 2011 11:47 am

தகவலுக்கு நன்றி தாமு ஜி

by மஞ்சுபாஷிணி Wed Jan 19, 2011 3:11 pm

ஆஹா அத்தனை அருமையா அழகா இருக்கே படங்கள் தாமு... படம் மட்டும் தான் போட்டு காமிப்பீங்களா? எங்களை அடுத்த பொங்கலுக்கு கூட்டிட்டு போய் காமிக்க மாட்டீங்களாப்பா?

அன்பு நன்றிகள் தாமு அழகிய வீடுகளை காண்பித்ததற்கு...