யாழில் நடப்பது எதேச்சையான சம்பவங்கள் அல்ல

by நிசாந்தன் Tue Jan 18, 2011 7:42 pm

யாழ் குடாநாட்டில் அண்மைக்காலங்களில் இடம்பெற்ற கொலை, கொள்ளை, ஆட்கடத்தல்கள், காணாமற்போதல் மற்றும் அச்சுறுத்தும் நடவடிக்கைகள் அங்குள்ள தமிழ் அரசியல் மற்றும் பொருளாதார நிலைகளை முற்றிலும் செயலிழக்கச் செய்யும் நோக்குடனேயே மேற்கொள்ளப்பட்டதாகக் கொழும்பு ஊடகம் ஒன்று தெரிவித்துள்ளது. அச்ச சூழ் நிலை ஒன்றைத் தோற்றுவிக்குமுகமாக அங்கே பல சம்பவங்கள் நடைபெறுகின்றமைக்கு தகுந்த காரணங்கள் இருப்பதாக யாழ் புத்திஜீவிகள் கருதுகின்றனர்.

இந்தியா ரகசியமாகத் தீட்டிவரும் ஒரு தீர்வுத்திட்டத்தை, இலங்கையிடம் கையளிக்க இருப்பதாகவும் அதனை இலங்கை அரசு ஏற்று டக்ளஸ் ஊடாக அதனை அமுல்படுத்த திட்டமிட்டுள்ளதாகவும் அறியப்படுகிறது. அதனை அமுல்படுத்தும் வேளை மக்களின் எதிர்ப்போ இல்லை உள்ளூர் அரசியல்வாதிகளின் எதிர்ப்போ இருக்கக்கூடாது என்பதே அதன் உள்நோக்கம் எனக் கூறப்படுகிறது. மண் அகழ்வதை தடுக்க புறப்பட்ட இளைஞன் சுட்டுக்கொல்லப்பட்டது, இந்து மதகுரு சுட்டுக்கொல்லப்பட்டதும் இதற்கு உதாரணமாகும்.

அதாவது கேள்விகள் ஏதாவது கேட்டால் இது தான் நிலை என்பதனை அவர்கள் தெள்ளத்தெளிவாக இங்கே காட்டியுள்ளனர். அதேபோல தரும் தீர்வுத்திட்டத்தை அப்படியே ஏற்றுக்கொள்ள வேண்டும் என்பதையும் இந்த அச்சுறுத்தல் மூலம் நிறைவேற்ற டக்ளஸ் தரப்பு முனைவதாக அறியப்படுகிறது.