கன்னி மனது !

by **சிவா** Tue Jan 18, 2011 12:23 pm

* மடிப்பு மாறாத
மங்களப் பட்டுடுத்தி,
மணம் மாறாத
மல்லிகை சூடி,
மனம் நிறைய
கனவுகளுடனே,
முழு நிலவாய்
புன்னகைத்து நின்றேன்!

* போய் சொல்கிறோமென
போனவனையெல்லாம்
பேய் காற்று கொண்டு
போனதோ...
போன இடம் தெரியாமல்
போய் தொலைந்தார்களே!

* ஒப்பனைக்குப் பின்,
ஒப்பனையில்லா
ஓர் மனது,
ஒப்பாரி வைத்து அழுகிறதே!

* ஒருவனுக்கும் பணம் தெரிந்தளவு
மனம் தெரியவில்லையே!

* இன்னும் எத்தனை பேர்
பெண் பார்க்க வருவர்...
அலங்கரித்தே நான்
அலுத்துப் போக!

* கள்ளமில்லா பருவத்திலே,
கள்ளிப் பால் கொடுத்துக்
கொன்றிருக்கலாம்...
நாசியிலே நெல் போட்டு
நாசூக்காய் முடித்திருக்கலாம்...
இப்படி
நித்தம் கொல்வதற்கு!

* ஒப்பனைக்குப் பின்,
ஒப்பனையில்லா
ஓர் மனது
ஒப்பாரி வைத்து அழுகிறதே!

— நிபுணா, மதுரை.

by SK Tue Jan 18, 2011 2:25 pm

by குடந்தை மணி Tue Jan 18, 2011 3:33 pm

பெண் பார்க்க சென்றால் - ஒரு முறை மட்டுமே என்று எனக்குள் உறுதி எடுத்துக் கொள்கிறேன்!

வலிகள்..வரிகளாய்...
வார்க்க பட்டு..அற்புதமாய்...
நன்றி..பகிர்ந்தமைக்கு..

by அசோகன் Tue Jan 18, 2011 3:47 pm

சிவா wrote:

* மடிப்பு மாறாத
மங்களப் பட்டுடுத்தி,
மணம் மாறாத
மல்லிகை சூடி,
மனம் நிறைய
கனவுகளுடனே,
முழு நிலவாய்
புன்னகைத்து நின்றேன்!

— நிபுணா, மதுரை.

இனியொரு கனவை கலைக்காதிருப்போம்