இரண்டு வாதிகள்

by mkamal Mon Jan 17, 2011 9:36 am

இரண்டு "வாதிகள்"
(பி. எம். கமால், கடையநல்லூர்)

இரண்டு வாதிகளால்
இந்தியாவுக்கு
எப்போதும் ஆபத்து !
தீவிரவாதி-
அரசியல்வாதி-
தீவிரவாதி தெரிவதில்லை
கண்களுக்கு !
அரசியல் வாதியோ
அப்பட்டமாய் தெரிகிறான் !
இருந்துமென்ன ?
அவனுக்கு நாம்
விருந்தல்லவா வைத்து
கொண்டாடுகின்றோம் !
அரசியல்வாதி நம்
வயிற்றில் அடிக்கிறான் !
தீவிரவாதியோ
தெருவில் அடிக்கிறான் !
அரசியல்வாதி
ஓட்டுப் பிச்சை கேட்டுவாங்கி
நாட்டுக்கல்லவா துரோகம்
செய்கிறான் ?
இப்போது-
போக்கிரியும் பொல்லாத
திருடனும் கயவனும்
புகலிடம் தேடி
புகுந்த இடமே
அரசியலாக ஆகிப்போனது !

காந்தியின் கைத்தடியைக்
கைப்பற்றிக்கொண்டு
தீவிரவாதிகள்
இப்போது தெருவில்.......
கோட்சே தான்
தீவிரவாதிகளுக்கு
நதிமூலம் !
இப்போது
இறைத்தலங்களை
இடிப்பது கூட
கோட்சே துவக்கிவைத்த
கொள்கை வழிதானே ?

இந்தியச் சகோதரப்
பாசத்தைக் கொல்லுகின்ற
அரசியல்வாதிகளும்
ஈவிரக்கம் இல்லாத
தீவிரவாதிகளும்
சுடுகாட்டுச் சிதைகளில்
சுடப்படாதவரையில்
நமது "சுதந்திரம்"
நடமாட முடியாமல்
முடமாகித்தான் போகும் !

by **சிவா** Mon Jan 17, 2011 9:50 am

கவிதை அருமை கமால்!

கடையநல்லூர் வேந்தன் பி.எம்.காமால் அவர்களுக்கு அன்பு வரவேற்புக்கள்!

by தமிழ்ப்ரியன் விஜி Mon Jan 17, 2011 9:56 am

அருமை நண்பரே... வருக வருக

by **Aathira** Mon Jan 17, 2011 11:27 am

கடைய நல்லூரி கவிவேந்தே.. இந்த திரியில் தங்களை அறிமுகம் செய்து கொள்ளுங்கள்.
http://www.eegarai.net/f1-forum

by உதயசுதா Mon Jan 17, 2011 12:59 pm

கண்டிப்பா இந்த இரண்டு வாதிகளும் பிரதி வாதம் இல்லாமல் வதம் செய்யப்படவேண்டியவர்கள்தான்.

உங்கள் கவிதை அருமை கமால்.
என் அன்பான வரவேற்புக்கள் உங்களுக்கு

by **பிளேடு பக்கிரி** Mon Jan 17, 2011 2:02 pm

இரண்டு வாதிகளும் நம் நாட்டுக்கு வியாதிகள் தான்...
அருமை நண்பா இரண்டு வாதிகள் 677196

by வெங்கட் Mon Jan 17, 2011 3:26 pm

பிளேடு பக்கிரி wrote:இரண்டு வாதிகளும் நம் நாட்டுக்கு வியாதிகள் தான்...
அருமை நண்பா

சரியாகச் சொன்னீர்கள் பக்கிரி!!! ஒன்று உள்ளிருந்து கொல்லும் வியாதி, மற்றது வெளியிலிருந்து தாக்கும் வியாதி. சரி செய்ய ஒரு டாக்டர் போதாது. எம் எஸ்ஸும் தேவை எம் டியும் தேவை